اب یہاں زیست کے آثار نہیں دیکھو گے
تم مِرے شہر میں دِیوار نہیں دیکھو گے
حالتِ جنگ میں بیٹھا ہوں قلمدان لیے
اب مِرے ہاتھ میں تلوار نہیں دیکھو گے
جن درختوں کی طبیعت میں ذرا خم نہ ہو
اُن درختوں کو ثمر بار نہیں دیکھو گے
وہ اُداسی کا یہ عالم کہ بھرے شہر میں تم
اک محبت کا طرفدار نہیں دیکھو گے
دولتِ اشک لیے پھرتے ہیں آنکھوں میں نعیم
ایسی قیمت کے خریدار نہیں دیکھو گے
نعیم اللہ انمول
No comments:
Post a Comment