ظاہر تو کوئی غم کی علامت نہ ملے گی

 ظاہر تو کوئی غم کی علامت نہ ملے گی

چہروں پہ جو ہوتی ہے بشاشت نہ ملے گی

انصاف جہاں ہو وہ عدالت نہ ملے گی

اس شہر میں کوئی بھی شہادت نہ ملے گی

مانگے کا اُجالا تمہیں مِل جائے گا لوگو

آنکھوں کو مگر اس سے بصارت نہ ملے گی

دل تباہی کا پتہ دیتا ہے

 دل تباہی کا پتہ دیتا ہے

کوئی شعلوں کو ہوا دیتا ہے

جب حسیں خواب میسر آئے

کوئی زنجیر ہِلا دیتا ہے

کوئی پلکوں سے اُٹھاتا ہے مجھے

کوئی نظروں سے گِرا دیتا ہے

زندگی کیا ہر قدم پر اک نئی دیوار ہے

زندگی کیا ہر قدم پر اک نئی دیوار ہے

تیرگی دیوار تھی اب روشنی دیوار ہے

کیوں بھٹکتے پھر رہے ہیں آج اربابِ خرد

کیا جنوں کے راستے میں آگہی دیوار ہے

بچ نہیں سکتی تغیر کے اثر سے کوئی شے

پہلے سنتی تھی مگر اب دیکھتی دیوار ہے

زمین فرش فلک سائبان لکھتے ہیں

زمین فرش فلک سائبان لکھتے ہیں

ہم اس جہان کو اپنا مکان لکھتے ہیں

ہمارے عہد کی تاریخ مُنفرد ہو گی

لہُو سے اپنے جسے نوجوان لکھتے ہیں

یہ جھُوٹ ہے کہ حقیقت یہ جبر ہے کہ خلوص

جو بے وفا ہیں انہیں مہربان لکھتے ہیں