زہے وہ دل رہ الفت میں جو بیتاب رہتا ہے

 زہے وہ دل رہِ اُلفت میں جو بیتاب رہتا ہے

بلا و صدمۂ و آفات و رنج و درد سہتا ہے

جو اپنی خانہ وِیرانی پہ ہوتا ہے سدا خنداں

بسا کر غیر کی دُنیا کو خُود برباد رہتا ہے

سرہانے شمع روشن کر کے دل تاریکئ شب میں

تخیّل میں نہ جانے کس سے حالِ زار کہتا ہے

دلِ عاشق ہے نُورِ آگہی سے پُر ضیاء، لیکن

زمانے بھر کی نظروں میں ذلیل و خوار رہتا ہے

کسی کی یاد میں رونا ہے ارماں! باعثِ تسکِیں

کوئی گر پُوچھ بیٹھا؛ کہہ دیا آشوب بہتا ہے

ارمان رامپوری

شیام سندر سنگھ