رقصِ بِسمل سہی زنجیر کی جھنکار سہی
ہم نشیں راہِ جنوں میں رسن و دار سہی
زندگی بھی نہیں جانے کی مِری کج کلہی
سر پہ ہر لمحہ چمکتی ہُوئی تلوار سہی
آپ کہتے ہیں تو سچ ہو گی ضرور آپ کی بات
ہم وفادار نہیں،۔ لاکھ وفادار سہی
دل گرِفتہ ہے بہت آج کا انساں یا رب
یہ جہاں تیرا دلآرا سہی،۔ دلدار سہی
عمر بھر کے لیے پیمانِ وفا ہوتا ہے
اے مِرے دوست! تُو بے مہر و جفاکار سہی
کیا تِرا نام کبھی میری زباں پر آیا
دل خطا کار سہی آنکھ گُنہ گار سہی
محمود الحسن کنجاہی
No comments:
Post a Comment