میں دشت زندگی کو چلا تھا نکھارنے

 میں دشت زندگی کو چلا تھا نکھارنے

اک قہقہہ لگایا گزرتی بہار نے

گزرا ہوں جب سلگتے ہوئے نقش چھوڑتا

دیکھا ہے مجھ کو غور سے ہر رہگزار نے

مے کش نے جام زہر ہی منہ سے لگا لیا

پاگل بنا دیا جو نشے کے اتار نے

اداس لمحوں میں آخر وہ مل گیا تھا مجھے

 اداس لمحوں میں آخر وہ مل گیا تھا مجھے

مری ہی آنکھوں کی چلمن سے جھانکا تھا مجھے

وہ قربتوں کی تمازت سے جل رہا تھا کچھ اور

وہ آنسوؤں کی جھڑی سے بُجھا رہا تھا مجھے

لپٹ کے مجھ سے بڑی سادگی کے لہجے میں

نہ جانے کس کے فسانے سنا رہا تھا مجھے

زمانہ گزرا ہے دل میں یہ آرزو کرتے

 زمانہ گزرا ہے دل میں یہ آرزُو کرتے

کہ تیرے اشکِ ندامت سے ہم وضو کرتے

لہو سفید ہوا تھا سب اہلِ دنیا کا

ہم اپنے خون سے کس کس کو سرخرو کرتے

یہی تو ایک تمنا رہی دِوانوں کی

کبھی کبھی تِرے کوچے میں ہاؤ ہو کرتے

دل میں طوفان اٹھاتے ہوئے جذبات بھی ہیں

دل میں طوفان اٹھاتے ہوئے جذبات بھی ہیں

ہم ہیں خاموش کہ کچھ اپنی روایات بھی ہیں

محتسب ہی سے نہیں نالہ بہ لب جام و سبو

سنگ اٹھائے ہوئے خود اہلِ خرابات بھی ہیں

مستیوں میں کبھی مل جاتے ہیں انساں اب بھی

جیسے صحراؤں میں، شاداب مقامات بھی ہیں

سب سے پہلے مشیت کے انوار سے نقش روئے محمد بنایا گیا

عارفانہ کلام نعتیہ کلام

سب سے پہلے مشیت کے انوار سے نقشِ رُوئے محمدﷺ بنایا گیا

پھر اسی نقش سے لے کے کچھ روشنی، بزمِ کون و مکاں کو سجایا گیا

وہ چراغِ محبتﷺ جو روز ازل، خلوتِ لامکاں میں جلایا گیا

نور سے اس کے آخر جہاں تا جہاں ذرے ذرے کا دل جگمگایا گیا

وہ محمدؐ بھی احمدؐ بھی محمودؐ بھی حسنِ مطلق کا شاہد بھی مشہود بھی

علم و حکمت میں وہ غیر محدود بھی، ظاہراً اُمیوں میں اٹھایا گیا

اے وطن پیارے وطن پاک وطن پاک وطن

ملی نغمہ

اے وطن، پیارے وطن، پاک وطن، پاک وطن

اے وطن، پیارے وطن، پاک وطن، پاک وطن

تجھ سے ہے میری تمناؤں کی دنیا پُرنور

عزم میرا قوی، میرے ارادے ہیں غیور

میری ہستی میں انا ہے، میری مستی میں شعور

جاں فزا میرا تخیل ہے تو شیریں ہے سخن

اس گلستاں میں ہم بھی متاع بہار ہیں

اس گلستاں میں ہم بھی متاعِ بہار ہیں

سمجھو تو شاخِ گل ہیں نہ سمجھو تو خار ہیں

صحرا کی آبرو ہیں، چمن کا نکھار ہیں

ہم ہیں جہاں بھی، سایۂ ابرِ بہار ہیں

دیکھا ہے ہم نے ان کی نگاہوں میں جھانک کر

جو اہلِ دل کہ حسن کے پروردگار ہیں

ہم کس شب سیاہ کے دامن میں بس گئے

ہم کس شبِ سیاہ کے دامن میں بس گئے

تیری ضیائے رخ کو دل و جاں ترس گئے

گیسو نگارِ زیست کے سمجھے تھے ہم جنہیں

وہ بن کے ناگ روحِ محبت کا ڈس گئے

مرجھا رہی ہیں اپنی امنگوں کی کونپلیں

بادل نجانے کون سی جانب برس گئے

عمر ہے جنگل ہم ہیں شکار اور ظالم وقت شکاری ہے

عمر ہے جنگل، ہم ہیں شکار اور ظالم وقت شکاری ہے

دن تو جوں توں کٹ ہی گیا ہے، رات کی منزل بھاری ہے

صدیوں سے ہر روز گرائے کیسے کیسے شاہ سوار

دنیا پھر ویسی کی ویسی الھڑ مست سواری ہے

اپنا آپ گنوا کر ہم نے پایا، تو اتنا ہی پایا

برسوں کی محنت کے مقابل لمحوں کی غفلت بھاری ہے

بقدر خواہش دل ہو سکی نہ بات اس کی

بقدرِ خواہشِ دل ہو سکی نہ بات اس کی

کہ میری سوچ سے بھی خوب تر تھی ذات اس کی

تمام جذبوں کی پاکیزگی کا حاصل تھی

اٹھی جو میری طرف چشمِ التفات اس کی

وہ بے کراں تھا مگر یوں سما گیا مجھ میں

کہ جیسے دل ہی تو میرا تھا کائنات اس کی