ملی نغمہ
اے وطن، پیارے وطن، پاک وطن، پاک وطن
اے وطن، پیارے وطن، پاک وطن، پاک وطن
تجھ سے ہے میری تمناؤں کی دنیا پُرنور
عزم میرا قوی، میرے ارادے ہیں غیور
میری ہستی میں انا ہے، میری مستی میں شعور
اے وطن، پیارے وطن، پاک وطن، پاک وطن
اے وطن، پیارے وطن، پاک وطن، پاک وطن
تُو دل افروز بہاروں کا تر و تازہ چمن
تُو مہکتے ہوئے پھولوں کا سہانا گلشن
تُو نوا ریز عنادل کا بہاری مسکن
رنگ و آہنگ سے معمور تِرے کوہ و دمن
اے وطن، پیارے وطن، پاک وطن، پاک وطن
اے وطن، پیارے وطن، پاک وطن، پاک وطن
میرا دل تیری محبت کا ہے جاں بخش دیار
میرا سینہ تیری حرمت کا ہے سنگین حصار
میرے محبوب وطن تجھ پہ اگر جاں ہو نثار
میں یہ سمجھوں گا ٹھکانے لگا سرمایۂ تن
اے وطن، پیارے وطن، پاک وطن، پاک وطن
اے وطن، پیارے وطن، پاک وطن، پاک وطن
کرم حیدری
No comments:
Post a Comment