پھر وہ بخشش کی تمنا نہ کرے محشر میں

 عارفانہ کلام حمد نعت منقبت

پھر وہ بخشش کی تمنا نہ کرے محشر میں

جس نے تسبیح درودوںﷺ کی نہ دہرائی ہو

مجھ پہ جنت کے بھی در آپ ہی وا ہونے لگیں

حوضِ کوثر پہ اگر میری پذیرائی ہو

ذکر ہو نعت میں جب شعبِ ابی طالب کا

کیسے ممکن ہے کہ آواز نہ بھر آئی ہو

میرے لیے ہر ایک فضا سازگار ہے

  عارفانہ کلام حمد نعت منقبت

میرے لیے ہر ایک فضا سازگار ہے

اور کیوں نہ ہو کہ تو مِرا پروردگار ہے

دیدار اس کو اور نہ اسے ہو سکا نصیب

اِک طُور پر تها، ایک یہاں بے قرار ہے

کیا کیا نہ روگ جاں کو لگائے ہیں مالکا

جانا یہ جب کہ، تُو مِرا تیماردار ہے

میں خود کو تسخیر کروں تو بنتا ہے

میں خود کو تسخیر کروں، تُو بنتا ہے

خواب اپنا تعبیر کروں، تو بنتا ہے

خوشبو کو زنجیر کیا کس نے اب تک

خوشبو کو زنجیر کروں، تو بنتا ہے

منظر میں مہتاب دکهائی دے مجھ کو

جب اس کو تصویر کروں، تو بنتا ہے

مانا کہ مدتوں سے اجالے نہیں ہوئے

مانا کہ مدتوں سے اجالے نہیں ہوئے

ہم پھر بھی ظلمتوں کے حوالے نہیں ہوئے

برتے ہیں ذرہ ذرہ، جیے ہیں ذرا ذرا 

ہم نے تمہارے درد سنبھالے نہیں ہوئے 

قسمت کا پھیر ہے جو پھراتا ہے دربدر

ہم بد نصیب گھر سے نکالے نہیں ہوئے

دل بدگماں کے توہمات عجیب ہیں

دلِ بد گماں کے توہمات عجیب ہیں

مِرے نام کے یہ حروف سات عجیب ہیں

نہ تخیلات گرفتِ حرف میں آ سکے

یہ نزولِ شعر کی مشکلات عجیب ہیں

تُو تلاش کر کوئی اور علاجِ دلِ حزیں

کہ دوائے عشق کے مضمرات عجیب ہیں

کچھڑی؛ زمانہ تیز دھار ہے

کچھڑی

زمانہ تیز دھار ہے

جو چل گیا سو پار ہے

اسی سے کوئی سیکھ لے

اور اپنا کُند تِیکھ لے

نہیں تو کٹ

کیا بچاؤں تجھے کیا لٹاؤں تجھے مختصر زندگی

کیا بچاؤں تجھے کیا لٹاؤں تجھے، مختصر زندگی

خود پہ اوڑھوں کہ نیچے بچھاؤں تجھے مختصر زندگی

ذرہ ذرہ بکھر کر بھی آخر تجھے ختم ہونا تو ہے

کیوں نہ یکدم ہوا میں اڑاؤں تجھے مختصر زندگی

تیری کھیتی پہ اپنا گزارا نہیں، بھوک مِٹتی نہیں

جی میں آتا ہے اب بیچ کھاؤں تجھے مختصر زندگی

خود میں تحلیل کر لیا خود کو

خود میں تحلیل کر لِیا خود کو

یعنی، تبدیل کر لیا خود کو

میں سمندر بنا سکی نہ تجهے

آخرش جهیل کر لیا خود کو

یوں بهی جلنا نصیب تها اس کا

دل نے قندیل کر لیا خود کو

کیسے دل کو روشن کرتی آوازیں

کیسے دل کو روشن کرتی آوازیں

اجلے لفظ تھے لیکن میلی آوازیں

پتھر جیسی کور سماعت پر گرتی

چھن چھن کرتے گھنگرو جیسی آوازیں

ایک طرف ساکت ہے نیلی خاموشی

اک جانب رقصاں زہریلی آوازیں

یوں تو تھی یہ سعادت نہ تقدیر میں

یوں تو تھی یہ سعادت نہ تقدیر میں

چوم لی تیری پیشانی تصویر میں

مختلف تر لگے بات کرتے ہوئے

آپ تھے مختلف اپنی تسطیر میں

شعر ہو جائے تو اس سے آزاد ہوں

ہم ہیں الجھے خیالِ "گرہ گیر" میں

وہی تھے جو اپنی جستجو میں کھرے نہیں تھے

وہی تھے جو اپنی جستجو میں کھرے نہیں تھے

وگرنہ ہم ان کی دسترس سے پرے نہیں تھے

تبھی وہ سمجھے کہ ہم کھلونے نہیں ہیں جب ہم

وہاں سے ان کو ملے جہاں پر دھرے نہیں تھے

درخت پھر سے ہرا، پھلوں سے بھرا ہوا ہے

مگر وہ پتے بہار میں جو "ہرے" نہیں تھے

والعصر زمانہ مرے مطلب کا نہیں ہے

والعصر زمانہ مِرے مطلب کا نہیں ہے

یہ آئینہ خانہ مِرے مطلب کا نہیں ہے

کہتی ہیں، نہ لا پائیں گی یہ تابِ نطارہ

آنکهوں کا بہانہ، مِرے مطلب کا نہیں ہے

آئی ہوں تِرے واسطےجنت سے زمیں پر

ورنہ، یہ ٹهکانا مِرے مطلب کا نہیں ہے