بہت زمین بہت آسماں ملیں گے تمہیں

 بہت زمین بہت آسماں ملیں گے تمہیں

پہ ہم سے خاک کے پتلے کہاں ملیں گے تمہیں

خرید لو ابھی بازار میں نئے ہیں ہم

کہ بعد میں تو بہت ہی گراں ملیں گے تمہیں

اب ابتدائے سفر ہے تو جو ہے کہہ سن لو

ہم اس کے بعد نہ جانے کہاں ملیں گے تمہیں

ہے شور ساحلوں پر سیلاب آ رہا ہے

 ہے شور ساحلوں پر؛ سیلاب آ رہا ہے

آنکھوں کو غرق کرنے پھر خواب آ رہا ہے

بس ایک جسم دے کر رخصت کیا تھا اس نے

اور، یہ کہا تھا؛ باقی اسباب آ رہا ہے

خاکِ وصال کیا کیا صورت بدل رہی ہے

سورج گزر چکا ہے،۔ مہتاب آ رہا ہے

اگر میں چیخوں تو کیا کرو گے

 اگر میں چیخوں

اگر میں چیخوں

میں اپنے دل کی تمام گہرائیوں سے چیخوں

تو کائناتی نظام میں کیا خلل پڑے گا

یہی کہ

اندھے کنویں سے اک بازگشت ہو گی

بڑھاؤ ہاتھ بڑھاؤ فقیر موج میں ہے

 بڑھاؤ ہاتھ بڑھاؤ فقیر موج میں ہے

تونگرو! ادھر آؤ فقیر موج میں ہے

جسے بھی چاہیے خیرات نور لے جائے

بھڑک رہا ہے الاؤ فقیر موج میں ہے

خرید لے نہ تمہاری یہ کائنات تمام

اسے بتانا نہ بھاؤ فقیر موج میں ہے

راہ کی کچھ تو رکاوٹ یار کم کر دیجیے

 راہ کی کچھ تو رکاوٹ یار کم کر دیجیۓ

آپ اپنے گھر کی اک دیوار کم کر دیجیۓ

آپ کا عاشق بہت کمزور دل کا ہے حضور

دیکھیۓ یہ شدتِ انکار کم کر دیجیۓ

میں بھی ہونٹوں سے کہوں گا کم کریں جلنے کا شوق

آپ اگر سرگرمئ رخسار کم کر دیجیۓ

عمر بے وجہ گزارے بھی نہیں جا سکتے

 عمر بے وجہ گزارے بھی نہیں جا سکتے

اتنے زندہ ہیں کہ مارے بھی نہیں جا سکتے

حال اب یہ ہے کہ دریا میں بھی لگتا نہیں جی

اور کسی ایک کنارے بھی نہیں جا سکتے

اس جگہ جا کے وہ بیٹھا ہے بھری محفل میں

اب جہاں میرے اشارے بھی نہیں جا سکتے

دشت وحشت نے پھر پکارا ہے

 دشتِ وحشت نے پھر پکارا ہے

زندگی آج تو گوارا ہے

ڈوبنے سے بچا کے مانجھی نے

درد کے گھاٹ لا اتارا ہے

لاکھ تو مجھ سے ہے مگر مجھ میں

کب تِری ہمسری کا یارا ہے

اگر میں اپنے دل کی تمام گہرائیوں سے چیخوں

 اگر میں چیخوں

اگر میں چیخوں

میں اپنے دل کی تمام گہرائیوں سے چیخوں

تو کائناتی نظام میں کیا خلل پڑے گا

یہی کہ

اندھے کنویں سے اک بازگشت ہو گی

کہے گی کیوں تم کو کیا ہوا ہے؟

ہوئی اک خواب سے شادی مری تنہائی کی

 ہوئی اک خواب سے شادی مِری تنہائی کی

پہلی بیٹی ہے اُداسی مری تنہائی کی

ابھی معلوم نہیں کتنے ہیں ذاتی اسباب

کتنی وجہیں ہیں سماجی مری تنہائی کی

جا کے دیکھا تو کھُلا رونقِ بازار کا راز

ایک اک چیز بنی تھی مری تنہائی کی

گھر میں چیزیں بڑھ رہی ہیں زندگی کم ہو رہی ہے

 گھر میں چیزیں بڑھ رہی ہیں زندگی کم ہو رہی ہے

دھیرے دھیرے گھر کی اپنی روشنی کم ہو رہی ہے

شہر کے بازار کی رونق میں دل بجھنے لگے ہیں

خوب خوش ہونے کی خواہش میں خوشی کم ہو رہی ہے

اب کسی کو بھی چھوؤ، لگتا ہے پہلے سے چھوا سا

وہ جو تھی پہلے پہل کی سنسنی، کم ہو رہی ہے

پوری طرح سے اب کے تیار ہو کے نکلے

پوری طرح سے اب کے تیار ہو کے نکلے

ہم چارہ گر سے ملنے "بیمار" ہو کے نکلے

جادو بھری جگہ ہے "بازار" تم نہ جانا

اک بار "ہم" گئے تھے بازار ہو کے نکلے

مٹی کے راستوں پہ اترے عمارتوں سے

واپس عمارتوں کے "آثار" ہو کے نکلے

اس کی تو یہ عادت ہے کسی کا نہیں ہوتا

اس کی تو یہ عادت ہے کسی کا نہیں ہوتا

پھر اس میں عجیب کیا کہ ہمارا نہیں ہوتا

کچھ پیڑ بھی بے فیض ہیں اس راہگزر کے

کچھ دھوپ بھی ایسی ہے کہ سایا نہیں ہوتا

خوابوں میں جو اک شہر بنا دیتا ہے مجھ کو

جب آنکھ "کھلی" ہو تو وہ چہرا نہیں ہوتا

خاک ہے میرا بدن خاک ہی اس کا ہو گا

خاک ہے میرا بدن، خاک ہی اس کا ہو گا

دونوں مل جائیں تو کیا زور کا صحرا ہو گا

پھر مِرا جسم مِری جاں سے جدا ہے دیکھو

تم نے ٹانکا جو لگایا تھا،۔ وہ "کچا" ہو گا

تم کو رونے سے بہت صاف ہوئی ہیں آنکھیں

جو بھی اب سامنے آئے گا،۔ وہ "اچھا" ہو گا

وہ میری جاں کے صدف میں گہر سا رہتا ہے

وہ میری جاں کے صدف میں گہر سا رہتا ہے

میں اس کو توڑ نہ ڈالوں، یہ ڈر سا رہتا ہے

وہ چہرہ ایک "شفا خانہ" ہے مِری خاطر

وہ ہو تو جیسے کوئی "چارہ گر" سا رہتا ہے

میں اس نگاہ کے ہمراہ جب سے آیا ہوں

مجھے نہ جانے کہاں کا سفر سا رہتا ہے

مسلسل اشک باری ہو رہی ہے

مسلسل اشک باری ہو رہی ہے

مِری مٹی بہاری ہو رہی ہے

دِیے کی ایک لو اور تختۂ شب

عجب صورت نگاری ہو رہی ہے

یہ میرا کچھ نہ ہونا درج کر لو

اگر مردم شماری ہو رہی ہے

جسم کی کچھ اور ابھی مٹی نکال

جسم کی کچھ اور ابھی مٹی نکال

اور ابھی گہرائی سے پانی نکال

اے خدا میری رگوں میں دوڑ جا

شاخِ دل پر اک ہری پتی نکال

بھیج پھر سے اپنی آوازوں کا رزق

پھر مِرے صحرا سے اک بستی نکال

دل نے امداد کبھی حسب ضرورت نہیں دی

دل نے امداد کبھی حسبِ ضرورت نہیں دی

دشت میں عقل نہ دی شہر میں وحشت نہیں دی

عشق تو آج بھی ہے کس کے لہو سے سرسبز

کس مہم کے لیے ہم نے تجھے اجرت نہیں دی

"دھوپ بولی کہ "میں آبائی وطن ہوں تیرا

میں نے پھر سایۂ دیوار کو زحمت نہیں دی

رات ہوئی

رات ہوئی

تم کو پا لینے کی دھن میں

دنیا اوڑھی

رنگ برنگے کپڑے پہنے

پیشانی پر سورج باندھا

آنگن بھر میں دھوپ بچھائی

ذات سمندر بن جاتی ہے

سمندر

لفظ بہت سے

جگمگ جگمگ کرتے تارے

چاند نہیں بننے پاتے ہیں

رات گلے میں پھنس جاتی ہے

جذبے کتنے

بورائی الہڑ خوشبوئیں

اب دل کی طرف درد کی یلغار بہت ہے

اب دل کی طرف درد کی یلغار بہت ہے

دنیا مرے زخموں کی طلب گار بہت ہے

اب 'ٹوٹ' رہا ہے مِری ہستی کا تصور

اس وقت مجھے تجھ سے سروکار بہت ہے

مٹی کی یہ دیوار کہیں 'ٹوٹ' نہ جائے

روکو، کہ مِرے خون کی رفتار بہت ہے