رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
فرشتوں جیسے دنیا میں بشر جلدی نہیں آتے
کہ سچائی کے حامی بھی نظر جلدی نہیں آتے
تلاش رزق میں کچھ اس قدر مصروف رہتا ہوں
مری بچی یہ کہتی ہے کہ گھر جلدی نہیں آتے
نہ غم کا غم ہے مجھ کو اب نہ خوشیوں کی خوشی مجھ کو
اب آنکھوں میں بھی اشکوں کے گہر جلدی نہیں آتے
ادھورا اپنی ہی زندگی کا حساب ٹھہرا
جو چاہے پڑھ لے ہمارا چہرہ کتاب ٹھہرا
سنا تھا کانوں سے جو بھی اس نے وہ سب حقیقت
ہماری آنکھوں نے جو بھی دیکھا وہ خواب ٹھہرا
اکٹھا زر کر لیا ہے اس نے بھی اپنے گھر میں
رذیل جتنا تھا،۔ اتنا عزت مآب ٹھہرا
کہاں احسان میری ذات پر تقدیر کا ہو گا
ہُوا گر کچھ مِرے حق میں صِلہ تدبیر کا ہو گا
مِری ہر شب گُزر جاتی ہے اکثر اس تمنّا میں
کوئی تو خواب میری اس نئی تعبیر کا ہو گا
بزرگوں کا بھی سایہ اب تو سر سے چِھن گیا اپنے
کہ یہ بھی حادثہ لکھا مِری تقدیر کا ہو گا
لگا ہے جو دل پر مِرے تیر دیکھیں
ملی کیا محبت میں جاگیر دیکھیں
ہے چہرے پہ میرے ہر اک حرف کندہ
مِرے آنسوؤں کی بھی تحریر دیکھیں
ہوئے رائیگاں اپنے اعمال سارے
نہ لائی اثر کوئی تدبیر دیکھیں
