ہو رہی ہے پھر لہو میں ابتدائے کربلا

 عارفانہ کلام حمد نعت منقبت

ہو رہی ہے پھر لہو میں ابتدائے کربلا

سر سے پا تک کچھ نہیں ہے ماسِوائے کربلا

سامنے آتا ہے پانی تو میں ہٹ جاتا ہوں دُور

پیاس کو محفوظ رکھتا ہوں برائے کربلا

زندگی ہی زندگی تھا نوکِ نیزہ پر وہ سر

روشنی ہی روشنی تھی وہ ہوائے کربلا

غبار شام وصل کا بھی چھٹ گیا

 غبار شامِ وصل کا بھی چھٹ گیا

یہ آخری حجاب تھا جو ہٹ گیا

حضوری و غیاب میں پڑا نہیں

مجھے پلٹنا آتا تھا، پلٹ گیا

تِری گلی کا اپنا ایک وقت تھا

اسی میں میرا سارا وقت کٹ گیا

ایسا نہیں کہ اس نے بنایا نہیں مجھے

 ایسا نہیں کہ اس نے بنایا نہیں مجھے

جو زخم اس کو آیا ہے آیا نہیں مجھے

دیوار کو گِرا کے اُٹھایا بھی میں نے تھا

دیوار نے گِرا کے اُٹھایا نہیں مجھے

میں خود بھی آ رہا تھا جگہ ڈھونڈتے ہوئے

یاں تک یہ انہدام ہی لایا نہیں مجھے

عہد جفا سے وصل کا لمحہ جدا کرو

 عہدِ جفا سے وصل کا لمحہ جدا کرو

منزل سے گرد، گرد سے رستا جدا کرو

میں تھا کہ اپنے آپ میں خالی سا ہو گیا

اس نے تو کہہ دیا، مِرا حصہ جدا کرو

شبزادگاں! تم اہلِ خبر سے نہیں، سو تم

اپنا مدار، اپنا مدینہ جدا کرو

مجھ سے آگے نظر آنے میں خوشی تھی اس کی

 مجھ سے آگے نظر آنے میں خوشی تھی اس کی

میری زنجیر سے زنجیر بڑی تھی اس کی

اک روایت تھی کہ اس شہر میں اک شخص ہے کم

اس نے ثابت کیا آ کر یہ کمی تھی اس کی

اب جو سنتا ہوں تو کچھ اور سنا جاتا ہے

کبھی میری تھی یہ آواز کبھی تھی اس کی

پہلے تو مٹی کا اور پانی کا اندازہ ہوا

 پہلے تو مٹی کا اور پانی کا اندازہ ہوا

پھر کہیں اپنی پریشانی کا اندازہ ہوا

اے محبت تیرے دکھ سے دوستی آساں نہ تھی

تجھ سا ہو کر تیری ویرانی کا اندازہ ہوا

عمر بھر ہم نے فنا کے تجربے خو د پر کئے

عمر بھر میں عالمِ فانی کا اندازہ ہوا

کچھ بھی نہ جب دکھائی دے تب دیکھتا ہوں میں

 کچھ بھی نہ جب دکھائی دے تب دیکھتا ہوں میں

پھر بھی یہ خوف سا ہے کہ سب دیکھتا ہوں میں

آنکھیں تمہارے ہاتھ پہ رکھ کر میں چل دیا

اب تم پہ منحصر ہے کہ کب دیکھتا ہوں میں

آہٹ عقب سے آئی اور آگے نکل گئی

جو پہلے دیکھنا تھا وہ اب دیکھتا ہوں میں

اب ایسے چاک پر کوزہ گری ہوتی نہیں تھی

 اب ایسے چاک پر کوزہ گری ہوتی نہیں تھی

کبھی ہوتی تھی مٹی اور کبھی ہوتی نہیں تھی

بہت پہلے سے افسردہ چلے آتے ہیں ہم تو

بہت پہلے کہ جب افسردگی ہوتی نہیں تھی

ہمیں ان حالوں ہونا بھی کوئی آسان تھا کیا

محبت ایک تھی اور ایک بھی ہوتی نہیں تھی

محبت میں نہ جانے کیوں ہمیں فرصت زیادہ ہے

محبت میں نہ جانے کیوں ہمیں فرصت زیادہ ہے 

ہمارا کام تھوڑا ہے،۔ مگر مہلت زیادہ ہے 

ہمیں اس عالم ہجراں میں بھی رک رک کے چلنا ہے 

انہیں جانے دیا جاۓ، جنہیں عجلت زیادہ ہے 

یہ دل باہر دھڑکتا ہے یہ آنکھ اندر کو کھلتی ہے 

ہم ایسے مرحلے میں ہیں جہاں زحمت زیادہ ہے 

موجہ خون پریشان کہاں جاتا ہے

 موجۂ خون پریشان کہاں جاتا ہے 

مجھ سے آگے مرا طوفان کہاں جاتا ہے 

میں تو جاتا ہوں بیابان نظر کے اس پار 

میرے ہمراہ بیابان کہاں جاتا ہے 

اب تو دریا میں بندھے بیٹھے ہیں دریا کی طرح 

اب کناروں کی طرف دھیان کہاں جاتا ہے 

لوگ ہم جیسے بھی کچھ دیر گوارہ کیے جائیں

لوگ ہم جیسے بھی کچھ دیر گوارا کیے جائیں

ایک نام، ایک ندا پر جو گزارا کیے جائیں

اب ضروری نہیں، ہاتھوں سے جلائیں یہ چراغ

یہ بھی کافی ہے کہ آنکھوں سے اشارا کیے جائیں

اس سے آگے نہ زمیں ہے نہ زمانہ کوئی اور

اب کہاں تک تِری خوشبو سے کنارا کیے جائیں

نقش تھا اور نام تھا ہی نہیں

نقش تھا اور نام تھا ہی نہیں

یعنی میں اتنا عام تھا ہی نہیں

خواب سے کام تھا وہاں کہ جہاں

خواب کا کوئی کام تھا ہی نہیں

سب خبر کرنے والوں پر افسوس

یہ خبر کا مقام تھا ہی نہیں

کہاں کا زخم کہاں پر دکھائی دینے لگا

زمیں کا آخری منظر دکھائی دینے لگا 

میں دیکھتا ہوا پتھر دکھائی دینے لگا 

وہ سامنے تھا تو کم کم دکھائی دیتا تھا

چلا گیا تو برابر دکھائی دینے لگا

کچھ اتنے غور سے دیکھا چراغ جلتا ہوا

کہ میں چراغ کے اندر دکھائی دینے لگا

روشنی جیسے کسی شام کے آنے سے ہوئی

روشنی جیسے کسی شام کے آنے سے ہوئی 

خاک دریافت مِری، خاک اڑانے سے ہوئی 

تُو نے چپ سادھ لی موضوعِ محبت دے کر 

گفتگو تجھ سے جو ہونی تھی، زمانے سے ہوئی 

اپنے بارے میں وہ اک بات جو ہوتی نہیں تھی 

تیری آواز میں آواز ملانے سے ہوئی 

سو میرے ساتھ کوئی دوسرا خراب نہ ہو

سیاہی گرتی رہے اور دیا خراب نہ ہو

یہ طاقِ چشم اب اتنا بھی کیا خراب نہ ہو؟

ازل ابد میں ٹھنی ہے، سو میں نکلتا ہوں

مِری کڑی سے تِرا سلسلہ خراب نہ ہو

ازل ابد میں ٹھنی ہے سو میں نکلتا ہوں 

مِری وجہ سے تِرا سلسلہ خراب نہ ہو 

اتنی آوازیں نہیں دنیا میں جتنا شور ہے

اس گلی میں کچھ نہیں، بس گھٹتا بڑھتا شور ہے 

اک مکیں کی خامشی ہے، اک مکاں کا شور ہے 

شامِ شور انگیز! یہ سب کیا ہے بے حد و حساب 

اتنی آوازیں نہیں، دنیا میں جتنا شور ہے 

آنگن آنگن تکیہ برداروں کو اب کیا کیا بتائیں 

آنکھ میں کیا خواب ہے اور خواب میں کیا شور ہے 

مسلسل ایک ہی تعزیر سے تنگ آ گئے ہیں

کچھ آنے والوں کی تاخیر سے تنگ آ گئے ہیں

یہ گھر تعمیر در تعمیر سے تنگ آ گئے ہیں

کئی عالم میں شور اٹھتا ہے اس زنجیرِ پاسے

کئی عالم مِری زنجیر سے تنگ آ گئے ہیں

تو کیا اس راز سے سینہ چھڑا لیں، سانس لے لیں

ہم اس تصویر میں، تصویر سے تنگ آ گئے ہیں

ہوا کے چاک پر کوزہ گری ہوتی نہیں تھی

ہوا کے چاک پر کوزہ گری ہوتی نہیں تھی

کبھی ہوتی تھی مٹی اور کبھی ہوتی نہیں تھی

بہت پہلے سے افسردہ چلے آتے ہیں ہم تو

بہت پہلے کہ جب افسردگی ہوتی نہیں تھی

کہانی کا جنہیں کچھ تجربہ ہے، جانتے ہیں 

کہ دن کیسے ہوا، جب رات بھی ہوتی نہیں تھی