بے زباں کلیوں کا دل میلا کیا

 بے زباں کلیوں کا دل میلا کیا

اے ہوائے صبح تُو نے کیا کیا

کی عطا ہر گل کو اک رنگیں قبا

بوئے گل کو شہر میں رُسوا کیا

کیا تجھے وہ صبح کاذب یاد ہے

روشنی سے تُو نے جب پردہ کیا

بادل چھٹے تو رات کا ہر زخم وا ہوا

 بادل چھٹے تو رات کا ہر زخم وا ہوا

آنسو رکے تو آنکھ میں محشر بپا ہوا

سُوکھی زمیں پہ بکھری ہوئی چند پتیاں

کچھ تو بتا نگارِ چمن! تجھ کو کیا ہوا؟

ایسے بڑھے کہ منزلیں رستے میں بچھ گئیں

ایسے گئے، کہ پھر نہ کبھی لوٹنا ہوا

اتنے چپ چاپ کبھی رات کے تارے بھی نہ تھے

 اتنے چپ چاپ کبھی رات کے تارے بھی نہ تھے

اور یوں مہر بہ لب زخم ہمارے بھی نہ تھے

کیسی عجلت میں کیا اپنوں نے اقرارِ شکست

ہم ابھی پوری طرح جنگ تو ہارے بھی نہ تھے

شب کی تزئین کی خاطر ہمیں جانا ہی پڑا

شام کے کام ابھی ہم نے سنوارے بھی نہ تھے

ترا ہی روپ نظر آئے جا بجا مجھ کو

 ترا ہی روپ نظر آئے جا بجا مجھ کو

جو ہو سکے یہ تماشا نہ تو دکھا مجھ کو

کبھی تو کوئی فلک سے اتر کے پاس آئے

کبھی تو ڈسنے سے باز آئے فاصلہ مجھ کو

تلاش کرتے ہو پھولوں میں کیسے پاگل ہو

اڑا کے لے بھی گئی صبح کی ہوا مجھ کو

سفید پھول ملے شاخ سیم بر کے مجھے

 سفید پھول ملے شاخ سیم بر کے مجھے

خزاں کو کچھ نہ ملا بے لباس کر کے مجھے

تھی دشت خواب میں اک تیری جستجو مجھ کو

کہ تجھ سے شکوے ہزاروں تھے عمر بھر کے مجھے

میں اپنے نام کی تختی میں تھا، شریر ہوا

گلی میں پھینک گئی بے نشان کر کے مجھے

دھوپ کے ساتھ گیا ساتھ نبھانے والا

دھوپ کے ساتھ گیا ساتھ نبھانے والا

اب کہاں آئے گا وہ لوٹ کے آنے والا

ریت پر چھوڑ گیا نقش ہزاروں اپنے

کسی پاگل کی طرح نقش مٹانے والا

سبز شاخیں کبھی ایسے تو نہیں چٹخی ہیں

کون آیا ہے پرندوں کو ڈرانے والا؟

لازم کہاں کہ سارا بدن خوش لباس ہو

لازم کہاں کہ سارا بدن خوش لباس ہو

میلا بدن پہن کے نہ اتنا اداس ہو

اتنا نہ پاس آ کہ تجھے ڈھونڈتے پھریں

اتنا نہ دور جا کہ ہمہ وقت پاس ہو

ایک جوئے بے قرار ہو کیوں دلکشی تِری

کیوں اتنا تشنہ لب مِری آنکھوں کی پیاس ہو

وہ دن گئے کہ چھپ کے سر بام آئیں گے

وہ دن گئے کہ چھپ کے سر بام آئیں گے 

آنا ہوا تو اب وہ سرِ عام آئیں گے 

سوچا نہ تھا کہ ابرِ سیہ پوش سے کبھی 

کوندے تیرے بدن کے مرے نام آئیں گے 

اس نخلِ نا مراد سے جو پات جھڑ گئے 

اندھی خنک ہواؤں کے اب کام آئیں گے 

نام اور روپ سے جو بالا ہے

نام اور روپ سے جو بالا ہے

کس قیامت کے نقش والا ہے

چاندنی اس کے تن کی اترن ہے

سبز شبنم، گلے کی مالا ہے

چاپ ابھری ہے دل کے اندر سے

کوئی پلکوں پہ آنے والا ہے

تم اگر پاس بھی ہوتے تو قضا آ جاتی

تم اگر پاس بھی ہوتے تو قضا آ جاتی

اس خرابے سے نکل کر وہ بلا آ جاتی

دیکھ کر کوہِ نِدا ہم سے رکا بھی نہ گیا

ہم ٹھہر جاتے تو ہم تک بھی صدا آ جاتی

شکر کر، ہم نہ گئے ورنہ نگر میں تیرے

دستکیں دیتی ہوئی سرد ہوا آ جاتی

اس یخ بستہ ہوا سے بر سر پیکار ہم بھی تھے

اس یخ بستہ ہوا سے بر سرِ پیکار ہم بھی تھے

اپنے ہی گھر میں بے در و دیوار ہم بھی تھے

ہم نے بھی ساری عمر کیا خود کو تار تار

اپنے بدن میں کند سی تلوار ہم بھی تھے

دامن دریدہ تم ہی نہیں تھے فقط وہاں

بے آبرو کھڑے سرِ بازار ہم بھی تھے

خود سے ہوا جدا تو ملا مرتبہ مجھے

خود سے ہوا جدا تو ملا مرتبہ مجھے

آزاد ہو کے مجھ سے مگر کیا ملا تجھے

اک لحظہ اپنی آنکھ میں تو جھانک لے اگر

آؤں نظر میں بکھرا ہوا جا بجا تجھے

تھا مجھ کو تیرا پھینکا ہوا پھول ہی بہت

لفظوں کا اہتمام بھی کرنا پڑا تجھے

صبا خمار تھی موسم شراب ایسا تھا

صبا خمار تھی، موسم شراب ایسا تھا

بدن کی شاخ پہ چہرہ گلاب ایسا تھا

اک اضطراب سا لفظوں کی کائنات میں تھا

تہِ خیال کہیں پیچ و تاب ایسا تھا

سحر تھی سادہ ورق، آفتاب کاتب تھا

ظہورِ عالمِ امکاں، کتاب ایسا تھا

کیا لمس تھا کہ سارا بدن جگمگا گیا

کیا لمس تھا کہ سارا بدن جگمگا گیا

پردے اٹھے، نقاب ہٹے، فاصلہ گیا

پھر ایک دن ہوا نے کہا، میں تو تھک گئی

خوشبو کا بوجھ میری کمر کو جھکا گیا

ٹھہرو کہ آئینوں پہ ابھی گرد ہے جمی

سینوں کا سارا زہر نگاہوں میں آ گیا

چلی کب ہوا کب مٹا نقش پا

سفر کا دوسرا مرحلہ

چلی کب ہوا، کب مٹا نقش پا 

کب گری ریت کی وہ ردا 

جس میں چھپتے ہوئے تُو نے مجھ سے کہا؛

آگے بڑھ، آگے بڑھتا ہی جا 

مڑ کے تکنے کا اب فائدہ؟ 

اتنے چپ چاپ کبھی رات کے تارے بھی نہ تھے

اتنے چُپ چاپ کبھی رات کے تارے بھی نہ تھے

اور یوں مُہر بہ لب زخم ہمارے بھی نہ تھے

کیسی عُجلت میں کیا اپنوں نے اقرارِ شکست

ہم ابھی پوری طرح جنگ تو ہارے بھی نہ تھے

شب کی تزئین کی خاطر ہمیں جانا ہی پڑا

شام کے کام ابھی ہم نے سنوارے بھی نہ تھے

دن ڈھل چکا تھا اور پرندہ سفر میں تھا

دن ڈھل چکا تھا اور پرندہ سفر میں تھا

سارا بدن لہو کا رواں مشتِ پر میں تھا

جاتے کہاں کہ رات کی باہیں تھیں مشتعل

چھپتے کہاں کہ سارا جہاں اپنے گھر میں تھا

حدِ افق پہ شام تھی خیمے میں منتظر

آنسو کا اک پہاڑ سا حائل نظر میں تھا

صلیب سنگ پہ لکھا مرا فسانہ گیا

صلیبِ سنگ پہ لِکھا مِرا فسانہ گیا
میں رہگزر تھا مجھے روند کے زمانہ گیا
جبینِ سنگ پہ لکھا مِرا فسانہ گیا
میں رہگزر تھا مجھے روند کے زمانہ گیا
نقاب اوڑھ کے آئے تھے رات کے قزاق
پگھلتی شام سے سب دھوپ کا خزانہ گیا