صلیب سنگ پہ لکھا مرا فسانہ گیا

صلیبِ سنگ پہ لِکھا مِرا فسانہ گیا
میں رہگزر تھا مجھے روند کے زمانہ گیا
جبینِ سنگ پہ لکھا مِرا فسانہ گیا
میں رہگزر تھا مجھے روند کے زمانہ گیا
نقاب اوڑھ کے آئے تھے رات کے قزاق
پگھلتی شام سے سب دھوپ کا خزانہ گیا
گلیم اوڑھ کے آئے تھے رات کے قزاق
بِلکتی شام سے سب دھوپ کا خزانہ گیا
وہ چل دیا تو نگاہوں سے کد، دلوں سے غرور
لبوں سے زہر، ہواؤں سے تازیانہ گیا
یہ جانتا ہوں کہ تُو نے لیا تھا روک اسے
مگر وہ آتشیں آنسو تجھے جلا نہ گیا
کسے خبر وہ روانہ بھی ہو سکا کہ نہیں
تمہارے شہر سے جب اس کا آب و دانہ گیا
میں ایک ڈولتا ساگر مجھے اٹھاتا کون
گھٹا اٹھا کے چلی تھی مگر چلا نہ گیا
کہاں گیا میں بچھڑ کر کسے خبر ہو گی
جو ایک بار یہاں سے ہوا روانہ، گیا

 وزیر آغا