ان کے اوصاف ہوں کس طرح سے بیاں

 عارفانہ کلام حمد نعت مقبت

ان کے اوصاف ہوں کس طرح سے بیاں کس طرح میں لکھوں مدحتِ مصطفٰیؐ

خاتم المرسلیںﷺ وہ ہیں شاہِ زماں سب سے اونچی یہاں عظمتِ مصطفٰیؐ

رات دن کا مجھے ہوش کیا رہے طیبہ جان کو یہ دل مچلتا رہے

سبز گنبد نگاہوں میں چھایا رہے جب سے دل میں بسی الفت مصطفٰیؐ

سارے عالم کے مختار ہیں آپؐ ہی سارے نبیوں کے سردار ہیں آپؐ ہی

اپنی اُمت کے غم خوار ہیں آپؐ ہی سارے جگ پہ عیاں شوکتِ مصطفٰیؐ

نہ مشورہ نہ کوئی لی صلاح کر ڈالا

 نہ مشورہ نہ کوئی لی صلاح کر ڈالا

کہ میں نے کارجنوں خواہ مخواہ کر ڈالا

جو پائے یار پہ سجدہ ادا ہوا سو ہوا

ثواب مجھ سے ہوا یا گناہ، کر ڈالا

وہ جس کے ہجر نے تعمیر کر دیا تھا مجھے

اسی کے وصل نے مجھ کو تباہ کر ڈالا

کیا عجب نسخہ اکسیر لیے آیا ہے

کیا عجب نسخۂ اکسیر لیے آیا ہے

غم، مسیحائی کی تاثیر لیے آیا ہے

میں نے جو خواب مکمل ابھی دیکھا بھی نہیں

کون اس خواب کی تعبیر لیے آیا ہے؟

دشتِ رُسوائی سے کیسا یہ تعلق نکلا

جو مِرے واسطے توقیر لیے آیا ہے

آنکھوں میں لے کے یاس مجھے دیکھنے تو دے

 آنکھوں میں لے کے یاس مجھے دیکھنے تو دے

کون آ رہا ہے پاس مجھے دیکھنے تو دے

دیکھے گا کون خاک میں جوہر چھپے ہوئے

اے شہرِ ناشناس مجھے دیکھنے تو دے

میں ڈوب تو رہی ہوں مگر جانبِ کنار

جب تک بندھی ہے آس مجھے دیکھنے تو دے

وہ کم آمیز مجھ سے ہم سخن ہونے لگا ہے

 وہ کم آمیز مجھ سے ہم سخن ہونے لگا ہے

بہ یک لحظہ یہ دشتِ دل چمن ہونے لگا ہے

سہولت سے وہ پڑھتا جا رہا ہے ذہن میرا

بدن سوچوں کا پھر بے پیرہن ہونے لگا ہے

مِری تنہائی اور وحشت میں پھر سےٹھن گئی ہے

یوں لگتا ہے کوئی گھمساں کا رن ہونے لگا ہے

کسی بھی در کی سوالی نہیں رہی ہو گی

 کسی بھی در کی سوالی نہیں رہی ہو گی

جھکی جو عشق کے در پر جبیں رہی ہو گی

وگرنہ ترکِ وفا سہل اس قدر تھا کہاں

کمی مجھی میں یقیناً کہیں رہی ہو گی

جو گورِ عقل میں کی دفن آرزو تم نے

تمہارے دل میں کبھی جا گزیں رہی ہو گی

یہ چیخیں یہ آہ و بکا کس لیے ہے

 یہ چیخیں یہ آہ و بکا کس لیے ہے

مِرے شہر کی یہ فضا کس لیے ہے

بتا زندہ در گور ہے آدمی کیوں

بتا آسماں پر خدا کس لیے ہے

ہیں مسئلے ہوئے شاخ در شاخ گل کیوں

چمن در چمن سانحہ کس لیے ہے

وصال یار کی سبھی ادائیں خوشنما سہی

 حوصلہ 

وصالِ یار کی سبھی ادائیں خوشنما سہی

رِدائے لُطف کی سبھی صدائیں خوشنما سہی

مگر مجھے عزیز ہے ثباتِ غم کی سلوٹیں

جو رات بھر جگاتی ہیں وہ روگِ جاں کی لذتیں

انہیں سے میں نے سیکھا ہے

مدام لے کے مجھے حلقہ وار ناچتی ہے

 مدام لے کے مجھے حلقہ وار ناچتی ہے

جدھر چلوں نگہِ طرحدار ناچتی ہے

ملا ہے وعدۂ فردا بجائے نقد وصال

ہماری روح کو دیکھو اُدھار ناچتی ہے

یہ کس نظر نے طلسمِ خزاں کو کاٹ دیا

پلک جھپکتے میں ہر سُو بہار ناچتی ہے