نکل کے تارِ بدن سے کنارِ جاں آیا
جو چھُوٹا کون و مکاں سے تو لامکاں آیا
نکل کے تارِ بدن سے قریبِ جاں آیا
جو چھُوٹا کون و مکاں سے تو لامکاں آیا
پِگھل گئے در و دِیوار سوزِ خلوت سے
نہ ایک آنسُو دمِ مرگِ نگہاں آیا
کچھ اور بڑھ گئے اسرار میری ہستی کے
میں چل کے رازِ نہاں سے جو تا عیاں آیا
صفاتِ ذات کی راہوں کا بن گئیں پتھر
جہاں بھی دیکھا نظر جلوۂ بُتاں آیا
تِری ہی ذات سے پہچان تھی مِری ورنہ
تِری پناہ سے نِکلا تو بے نشاں آیا
میں آئینوں سے الجھتا رہا یونہی ہر بار
حجابِ ذات مِرا تھا جو درمیاں آیا
یہ فیض آپ کی صحبت شیخ ہے شاید
شعورِ زیست وگرنہ مجھے کہاں آیا
نور احمد شیخ
No comments:
Post a Comment