فضائے حسن تخیل پہ چھا رہے ہیں علی

 عارفانہ کلام حمد نعت منقبت

فضائے حُسنِ تخیّل پہ چھا رہے ہیں علیؑ 

بمثلِ کعبہ مِرا دل سجا رہے ہیں علیؑ 

کہا ہے کعبے کی دیوار نے یہ ہنستے ہوئے 

خدا کے  گھر میں سُنا ہے کہ آ رہے ہیں علیؑ 

لحد کے گوشۂ تنہائی کے اندھیرے میں 

چراغِ نُورِ ولایت جلا رہے ہیں علیؑ

اوج امکان بشر کا سلسلہ ہے کربلا

 عارفانہ کلام حمد نعت منقبت

اوجِ امکانِ بشر کا سلسلہ ہے کربلا

عبدیت کی شانِ تسلیم و رضا ہے کربلا

رُوح ہو بیمار تو خاکِ شفا ہے کربلا

خالقِ اکبر کا زندہ معجزہ ہے کربلا

غمگساری، دوست داری ، بیقراری کے لیے

کربلا ہے، کربلا ہے، کربلا ہے کربلا

ہے نعت رقم کرنی مدحت کا سلیقہ دے

 عارفانہ کلام حمد نعت منقبت

ہے نعت رقم کرنی مدحت کا سلیقہ دے

اک لفظ ہی ایسا دے جو نعت کو چمکا دے

سرکارِ دو عالمﷺ کا جب نام قلم لکھے

اک سجدۂ تعظیمی قرطاس پہ خامہ دے

اس ظلمتِ عالم میں ہو کام ضیا پاشی

تو میرے چراغوں کو مالک وہ اُجالا دے

جلوۂ نور محمد کا جو سامان ہوا

 عارفانہ کلام حمد نعت منقبت

جلوۂ نورِ محمدﷺ کا جو سامان ہوا

عالمِ خاک پہ اللہﷻ کا احسان ہوا

اپنی مخلوق پہ اللہﷻ مہربان ہوا

ہم گنہگاروں کی بخشش کا بھی امکان ہوا

رنگ اور نور صبا اور مہک پھیل گئی

میرے سرکارؐ کی آمد کا جو اعلان ہوا

نیزے پہ کیا تھا جو سفر یاد رہے گا

 عارفانہ کلام منقبت سلام مرثیہ بر امام حسینؑ

نیزے پہ کیا تھا جو سفر یاد رہے گا

قرآن 🕮 سُناتا ہُوا سر یاد رہے گا

پردیس میں اک دن میں جو برباد ہُوا تھا

زہراؑ کا وہ اُجڑا ہوا گھر یاد رہے گا

ہر زخمِ تمنا کو بُھلا سکتی ہے لیکن

ماں کو علی اکبرؑ کا جگر یاد رہے گا

کسی نے پوچھا جو عمر رواں کے بارے میں

 کسی نے پوچھا جو عمر رواں کے بارے میں

تو کیا بتائیں گے سود و زیاں کے بارے میں

حریم دیدہ وری! خاک اڑ رہی ہے مری

میں جانتی تھی غبار مکاں کے بارے میں

نہ جانے کیسی گزرتی ہے جانے والوں پر

کوئی بتاتا نہیں رفتگاں کے بارے میں

بڑے تپاک سے بھیجا سلام وحشت نے

بڑے تپاک سے بھیجا سلام وحشت نے

سکوت میں کِیا ہم سے کلام وحشت نے

تمہِیں بتاؤ کہ ہم خود سے بچ کے جائیں کہاں

ہمیں تو سونپ دیا سارا کام وحشت نے

امورِ سلطنتِ دل کی خیر ہو یا رب

یہاں سنبھالا ہے سب انتظام وحشت نے

وحشت رفتہ رفتہ مجھ میں خاک اڑا کے بیٹھی ہے

وحشت رفتہ رفتہ مجھ میں خاک اڑا کے بیٹھی ہے

دھڑکن خاموشی کی صورت شور مچا کے بیٹھی ہے

رات تمناؤں کے زیور تن پہ میرے سجتے رہے

صبحِ حسرت من کو نیا گہنا پہنا کے بیٹھی ہے

چوبِ جاں سے دیر تلک کل رات دھواں اٹھتے دیکھا

خیمۂ دل کو ایک تمنا آگ لگا کے بیٹھی ہے

رقص فسوں

رقصِ فسوں

میں جو مشرق کے شبستانوں میں مصلوب ہوئی

میں جو مے خانۂ مغرب سے بھی منسوب ہوئی

پہلے تقدیس کے ناموں پہ مِرا سودا ہوا

اپنی حُرمت کا میں تاوان ادا کرتی رہی

اب بھی بازارِ تصرّف میں بہت سستی ہوں

اب بھی بکتی ہوں تو قیمت بھی مجھے ملتی نہیں

ایک سناٹا سا تقریر میں رکھا گیا تھا

ایک سناٹا سا تقریر میں رکھا گیا تھا 

خواب ہی خواب کی تعبیر میں رکھا گیا تھا

آگہی روز ڈراتی رہی منزل سے، مگر 

حوصلہ پاؤں کی زنجیر میں رکھا گیا تھا

کون بِسمل تھا بتا ہی نہیں سکتا کوئی 

زخمِ دل سینۂ شمشیر میں رکھا گیا تھا

مرے چارہ گر تجھے کیا خبر جو عذاب ہجر و وصال ہے

مِرے چارہ گر تجھے کیا خبر جو عذابِ ہجر و وصال ہے

یہ دریدہ تن یہ دریدہ من، تِری چاہتوں کا کمال ہے

مجھے سانس سانس گراں لگے، یہ وجود وہم و گماں لگے 

میں تلاش خود کو کہاں کروں مِری ذات خواب و خیال ہے

وہ جو چشمِ تر میں ٹھہر گیا، وہ ستارہ جانے کدھر گیا 

نہ نشاطِ غم کا ہجوم اب، نہ ہی سبز یاد کی ڈال ہے

ہم سے آشفتہ مزاجوں کا پتہ پوچھتی ہے

ہم سے آشفتہ مزاجوں کا پتہ پوچھتی ہے

کتنے باقی ہیں دِیے روز ہوا پوچھتی ہے

روز کلیوں کو کھلاتے ہوئے کرتی ہے سوال

کس کے دامن کی مہک ہے یہ صبا پوچھتی ہے

کس جگہ تجھ کو ٹھہرنا ہے تمنائے جہاں

لڑکھڑاتے ہوئے یہ لغزشِ پا پوچھتی ہے

راز کا بزم میں چرچا کبھی ہونے نہ دیا

راز کا بزم میں چرچا کبھی ہونے نہ دیا

ہم نے اپنے کو تماشا کبھی ہونے نہ دیا

ہم کو اِس گردشِ دوراں نے کہیں کا نہ رکھا

پھر بھی لہجے کو شکستہ کبھی ہونے نہ دیا

میکدے میں بڑے کم ظرف تھے پینے والے

آنکھ کو ساغر و مِینا کبھی ہونے نہ دیا

اس بار ہوا کن کا اثر اور طرح کا

اس بار ہوا کُن کا اثر اور طرح کا

اس بار ہے امکانِ بشر اور طرح کا

اس بار مدینے ہی میں در آیا تھا کوفہ

اس بار کیا ہم نے سفر اور طرح کا

اس بار نہ اسباب، نہ چادر پہ نظر تھی

اس بار تھا لٹنے کا خطر اور طرح کا

فراق ہجرِ یار میں عجیب حال ہو گیا

فراقِ ہجرِ یار میں عجیب حال ہو گیا

عجیب حال ہو گیا، تو پھر وصال ہو گیا

'وہ کہہ رہا تھا 'زندگی گزارنا محال ہے

'وہ مجھ سے کہہ رہا ہے 'یار یہ کمال ہو گیا

میں شدتِ بیان سے نکل سکوں تو پھر کہوں

کہ میرا لہجۂ سکوت بے مثال ہو گیا

تم میرے درد دل میں شرکت نہیں کرو

تم میرے دردِ دل میں شرکت نہیں کرو

سرمایۂ حیات پہ حیرت نہیں کرو

آنچل کو میرے سر سے اُڑنے کی جستجو

اے موجۂ ہوا!، یہ شرارت نہیں کرو

اے دورِ بے ہنر! یہاں تسکینِ ذوق میں

گر ہاتھ بھی قلم ہو تو حیرت نہیں کرو

کوزہ گری کے شوق میں حد سے گزر گئے

کوزہ گری کے شوق میں حد سے گزر گئے

آئے جو دن بہار کے سب پھول مر گئے

رستے پہ قافلے کو لگا کر گزر گئے

اپنے ہنر سے گیسوئے گیتی سنور گئے

کس کا خیال حسنِ تصور میں آ گیا

دیکھو تفکرات کے چہرے سنور گئے

کیوں شناسائی کا گہرا زخم بھرتا ہی نہیں

کیوں شناسائی کا گہرا زخم بھرتا ہی نہیں 

دل تو کب کا مر گیا، ارمان مرتا ہی نہیں؟

آس کے سارے ستارے جھلملا کر بجھ گئے

اے شبِ فرقت! مِرا سورج ابھرتا ہی نہیں

خواہشوں کی سوگواری زیست کی بے چہرگی

اے غمِ دنیا! تِرا چہرہ سنورتا ہی نہیں

تم زیست گزاری کا ہنر بھول نہ جانا

تم زیست گزاری کا ہنر بھول نہ جانا

آ جائے سفر راس تو گھر بھول نہ جانا

اے چارہ گرو درد کے بڑھنے کی دوا دو

اے بے خبرو! میری خبر بھول نہ جانا

دی خانہ بدوشی نے مجھے کہہ کے تسلی

ہے زیست کا مقصد ہی سفر بھول نہ جانا

تسنیم عابدی

اپنے سوا کسی کی ہمیں جستجو نہ ہو

اپنے سوا کسی کی ہمیں جستجو نہ ہو

اب آرزو یہی ہے کوئی آرزو نہ ہو

دل ٹوٹا تو خدا مِرے نزدیک آ گیا

آوازِ آہ میں کہیں پوشیدہ 'ہُو' نہ ہو

بے عشق آدمی کی حقیقت یہی تو ہے

اک ایسا پھول جس میں کوئی رنگ و بو نہ ہو