کسی کو چھوڑ دیتا ہوں کسی کے ساتھ چلتا ہوں

کسی کو چھوڑ دیتا ہوں کسی کے ساتھ چلتا ہوں

میں چلتا ہوں تو پھر وابستگی کے ساتھ چلتا ہوں

ستارے بانٹنے والے کسی پل لوٹ آئیں گے

چلو کچھ دیر یوں ہی تیرگی کے ساتھ چلتا ہوں

مجھے یہ کیا پڑی ہے کون میرا ہمسفر ہو گا

ہوا کے ساتھ گاتا ہوں ندی کے ساتھ چلتا ہوں

بات کرنے کا نہیں سامنے آنے کا نہیں

 بات کرنے کا نہیں، سامنے آنے کا نہیں

وہ مجھے میری اذیت سے بچانے کا نہیں

دور اک شہر ہے جو پاس بلاتا ہے مجھے

ورنہ یہ شہر کہیں چھوڑ کے جانے کا نہیں

کیا یوں ہی رات کے پہلو میں کٹے گی یہ حیات

کیا کوئی شہر کے لوگوں کو جگانے کا نہیں

راہ میں کوئی چراغوں کی گلی آتی ہے

راہ میں کوئی "چراغوں" کی گلی آتی ہے

شام آتی ہے تو "حیرت" سے بھری آتی ہے

دیکھ، یوں مجھ سے مِری پہلی  محبت کا نہ پوچھ

اس طرح دوست "تعلق" میں کمی آتی ہے

اور اب کس کس کو دکھاؤں میں بھلا روح کے زخم

جُز تِرے اور کسے "چارہ گری" آتی ہے؟

رات بھر خواب کی گلیوں میں کوئی بولتا ہے

میں تو خاموش ہی رہتا ہوں وہی بولتا ہے

رات بھر خواب کی گلیوں میں کوئی بولتا ہے

دیکھتا ہوں تو مرے ساتھ کوئی اور نہیں

بولتا ہوں تو مِرے ساتھ کوئی بولتا ہے

اک پرندہ میں جسے دیکھ نہیں سکتا ہوں

روز آتا ہے، کوئی بات نئی بولتا ہے

وہ چھوڑ گیا اک شام کہیں کیا بات کروں

آتا ہی نہیں ہونے کا یقیں، کیا بات کروں؟

ہے دور بہت وہ خواب نشیں کیا بات کروں؟

کیا بات کروں؟ جو عکس تھا میری آنکھوں میں

وہ چھوڑ گیا اک شام کہیں، کیا بات کروں؟

کیا بات کروں؟ جو گھڑیاں میری ہمدم تھیں

وہ گھڑیاں ہی آزار بنیں، کیا بات کروں؟

تیرے جانے کو بھلایا تو نہیں جا سکتا

طاقِ رفتہ پہ، سجایا تو نہیں جا سکتا

تیرے جانے کو بھلایا تو نہیں جا سکتا

یاد کر لیتا ہوں ہر روز تیرے ملنے کو

دوسرے شہر سے آیا تو نہیں جا سکتا

جو ملے، تیری شباہت سے الگ ہوتا ہے

اب کوئی تجھ سا، بنایا تو نہیں جا سکتا

صورت یار کی تلاوت کی

صورتِ یار کی تلاوت کی 

زندگی بھر یہی عبادت کی

گھر میں جو پیڑ تھا مِرے اس پر

شاخ مرجھا گئی محبت کی

گاؤں میں لگ نہیں رہا تھا دل

شام بھی آ گئی تھی ہجرت کی

مجھے دیوار کا سایہ سمجھ لو

نہیں کچھ تو چلو اتنا سمجھ لو

مجھے دیوار کا سایا سمجھ لو

جہاں تم پهول کی صورت کهلے ہو

مجهے اس شاخ کا پتہ سمجھ لو

اکیلے باغ میں کب تک رہو گے

کسی کو پاس ہی بیٹها سمجھ لو

ظرف بھر تیری تمنا میں بھٹک دیکھا ہے

خاک دیکھی ہے شفق زار فلک دیکھا ہے

ظرف بھر تیری تمنا میں بھٹک دیکھا ہے

ایسا لگتا ہے کوئی دیکھ رہا ہے مجھ کو

لاکھ اس وہم کو سوچوں سے جھٹک دیکھا ہے

قدرت ضبط بھی لوگوں کو دکھائی ہم نے

صورت اشک بھی آنکھوں سے چھلک دیکھا ہے

جب ہم نے اپنا اپنا قبیلہ الگ کیا

جب ہم نے اپنا اپنا قبیلہ الگ کیا

رستے الگ بنا لیے، دریا الگ کیا

وہ ریت دوسروں کے مقدر کی ریت تھی

سو ہم نے اپنے نام کا صحرا الگ کیا

اس پار بُود و باش رہی ہم سے مختلف

ہم نے بھی زندگی کا قرینہ الگ کیا

آتا ہی نہیں ہونے کا یقیں کیا بات کروں

آتا ہی نہیں ہونے کا یقیں، کیا بات کروں 

ہے دور بہت وہ خواب نشیں، کیا بات کروں 

کیا بات کروں جو عکس تھا میری آنکھوں میں 

وہ چھوڑ گیا اک شام کہیں،۔ کیا بات کروں 

کیا بات کروں، جو گھڑیاں میری ہمدم تھیں 

وہ گھڑیاں ہی آزار بنیں،۔ کیا بات کروں 

میں ایک شام جو روشن دیا اٹھا لایا

میں ایک شام جو روشن دِیا اٹھا لایا

تمام شہر کہیں سے ہوا اٹھا لایا

یہ لوگ دَنگ تھے پہلی کہانیاں سن کر

میں ایک اور نیا واقعہ اٹھا لایا

طلِسمِ شام پھیلتا تھا گلیوں میں

کوئی چراغ، کوئی آئینہ اٹھا لایا