میں ایک شام جو روشن دِیا اٹھا لایا
تمام شہر کہیں سے ہوا اٹھا لایا
یہ لوگ دَنگ تھے پہلی کہانیاں سن کر
میں ایک اور نیا واقعہ اٹھا لایا
طلِسمِ شام پھیلتا تھا گلیوں میں
تمام رات ستاروں سے بات ہوتی رہی
جب ایک چراغ بجھا، دوسرا اٹھا لایا
بھلا یہ کون سی تعبیر جی رہے ہیں ہم
ہمارا خواب ہمیں کس جگہ اٹھا لایا
میں اس کے پاس گیا اور ہمکلام ہوا
جو درمیاں تھا وہ فاصلہ اٹھا لایا
اب اس سے آگے بنائیں گے راستہ کوئی
یہاں تک تو ہمیں راستہ اٹھا لایا
میں زندگی کے مراحل سے جب گزر آیا
تو وقت اور نیا مرحلہ اٹھا لایا
احمد رضوان
No comments:
Post a Comment