آپ جیسا جب مرا مشکل کشا ہو یا نبی

 عارفانہ کلام حمد نعت مقبت

آپﷺ جیسا جب مِرا مشکل کشا ہو یا نبیﷺ

مشکلوں کا شوق سے پھر سامنا ہو یا نبیﷺ

آپﷺ پر صلِ علیٰ پڑھتی رہوں میں دم بدم

خوشبوؤں سے گھر میرا آراستہ ہو یا نبیﷺ

ہو مدینے کا سفر در پیش مجھ کو ایک دن

آنسوؤں میں تر بتر ہر راستہ ہو یا نبیﷺ

تری آنکھوں نے آنکھوں کا سسکنا بھی نہیں دیکھا

 تِری آنکھوں نے آنکھوں کا سسکنا بھی نہیں دیکھا

محبت بھی نہیں دیکھی، تڑپنا بھی نہیں دیکھا

نہیں دیکھا ابھی تم نے مِری تنہائی کا منظر

کہ اپنے آپ سے میرا الجھنا بھی نہیں دیکھا

ابھی تم نے تمہارے بِن مِری حالت نہیں دیکھی

ابھی تم نے مِرا غم میں بِلکنا بھی نہیں دیکھا

پھر سے تم کو خواب میں دیکھا

 خواب کے اندر خواب کا منظر

پھر سے تم کو خواب میں دیکھا

سوتے سوتے جاگ گئی میں

میں یہ سمجھی، تم آئے ہو

آہٹ پا کر بھاگ گئی میں

دروازہ ویران پڑا تھا

ہجر کی تلخیاں سہوں گی نہیں

 ہجر کی تلخیاں سہوں گی نہیں

تب تم آؤ گے، جب میں ہوں گی نہیں

دل کی باتیں جو روک رکھی ہیں

یہ بھی طے ہے کبھی کہوں گی نہیں

بھیگی آنکھوں میں اشک ہوں گے بس

مسکراتی ہوئی ملوں گی نہیں

میں ایک عجیب فقیرنی دربار پہ تیرے شاہ

 شاہ

میں ایک عجیب فقیرنی دربار پہ تیرے شاہ

میں منگتی تیری دید کی مجھے اور نہ کوئی چاہ

میں ترسی جس کے فرش کو وہ میری سجدہ گاہ

میری آنکھیں خالی ہو گئیں یوں اشک بہے واللہ

میرا ماتھا روشن ہو گیا تِرے فرش پہ جب رکھا

میں گُڑ سی میٹھی ہو گئی اس دُھول کو جب چکھا

ابھی نہیں کبھی پھر تجھ سے رابطہ کروں گی

 ابھی نہیں کبھی پھر تجھ سے رابطہ کروں گی

میں اپنے آپ سے کچھ روز مشورہ کروں گی

بھٹک رہی ہوں تو اس میں بھی میری مرضی ہے

تِرے فریب سے نکلوں گی، راستہ کروں گی

نصیب اپنا جگاتے ہیں جاگنے والے

میں تیری یاد مناؤں گی رت جگا کروں گی

مجھ پہ کیا وار کر دیا تو نے

 مجھ پہ کیا وار کر دیا تُو نے

میرا انکار کر دیا تو نے

میرے خوابوں کی اک حویلی تھی

اس کو مسمار کر دیا تو نے

زندگی سے بھری ہوئی تھی میں

دشت آثار کر دیا تو نے

رقص کرتے ہوئے میں تجھ کو منایا کرتی

 رقص کرتے ہوئے میں تجھ کو منایا کرتی

دھول ہوتی تو کبھی دھول اڑایا کرتی

کسی دھاگے سے بندھا آتا اگر تو مِرے پاس

منتوں والے دِیے روز جلایا کرتی

میں شجرکاری کے موسم میں اُگاتی کوئی پیڑ

اور محبت سے پرندوں کو بلایا کرتی

سائیں میرا رانجھن موڑ

 سائیں میرا رانجھن موڑ

چاہ نہیں ہے کوئی اور

جاؤں گی سہون، اجمیر

داتا کے دربار لاہور

سائیں میں نے ہجر گِنا

چھلنی ہاتھ کی ہر اک پور

تری فرقت میں جینا آ گیا ہے

 تِری فرقت میں جینا آ گیا ہے

محبت کا قرینہ آ گیا ہے

ہمارے زخم تازہ ہو رہے ہیں

دسمبر کا مہینہ آ گیا ہے

بہت چاہت تھی تم سے مل کے روؤں

مگر اب اشک پینا آ گیا ہے

تمہیں پانے کی چاہت ہے مگر کھونے کا ڈر بھی ہے

 تمہیں پانے کی چاہت ہے مگر کھونے کا ڈر بھی ہے

کہ دل شہرِ تمنا ہے تو محرومی کا گھر بھی ہے

وفا کے باغ میں جھولے پڑے ہیں آرزوؤں کے

دعاؤں کی ہری بیلوں پہ خواہش کا ثمر بھی ہے

مسافت نا امیدی کی پڑی ہے پاؤں میں میرے

تمہاری ہمرہی بھی ہے مگر تنہا سفر بھی ہے