زندگی ریگ دہشت پہ کمھلائے گی جی نہیں مانتا

 زندگی ریگِ دہشت پہ کمھلائے گی، جی نہیں مانتا

دِل میں جراُت کبھی گھر نہ کر پائے گی، جی نہیں مانتا

میں نے مانا سمندر ہے رُت ہجر کی، پر کنارے تلک

موج کوئی مچل کر نہیں آئے گی، جی نہیں مانتا

خواب ہی کے کنارے تمنا کی پرواز ہے رات، دن

راہ ملنے کی کوئی نہ بن پائے گی، جی نہیں مانتا

تم بن وقت یہ کیسا گزرا

 تم بِن وقت یہ کیسا گزرا

اشکوں کا اک دریا گزرا

میرا ہی گھر بھول گیا تھا

بادل قریہ قریہ گزرا

کاٹ گیا تھا زیست کا دھارا

کہنے کو اک لمحہ گزرا

قبر پہ پھول کھلا آہستہ

 قبر پہ پھول کِھلا آہستہ

زخم سے خون بہا آہستہ

دھیان کے زینے پہ یادوں نے پھر

دیکھیے پاؤں دھرا آہستہ

کہنے کو وقت گزرتا ہی نہ تھا

اور جگ بیت گیا آہستہ

باقی کچھ بھی رہا نہیں ہے

 باقی کچھ بھی رہا نہیں ہے

اور یہ غم بھی نیا نہیں ہے

ان آنکھوں میں خواب تھا میرا

بوجھ یہ دل سے ہٹا نہیں ہے

شوق کا دامن کیسے چھوڑوں

خون رگوں میں جما نہیں ہے

وحشت بھری راتوں کو کنارہ نہیں ملتا

 وحشت بھری راتوں کو کنارہ نہیں ملتا

دل ڈوب چلا صبح کا تارا نہیں ملتا

ملتے ہیں بہت یوں تو جو آغوش کشا ہو

دل کے لئے وہ درد کا دھارا نہیں ملتا

اس عہد کی تصویر میں اپنا بھی لہو ہے

ڈھونڈے سے مگر نام ہمارا نہیں ملتا

راگ ڈوب جاتے ہیں ساز ٹوٹ جاتے ہیں

 تجربے کی سرحد پر

راگ ڈوب جاتے ہیں

ساز ٹوٹ جاتے ہیں

آسماں کے گوشوں میں

ان گِنت ستاروں کے

دِیپ بجھنے لگتے ہیں

اس کی آنکھوں میں اک سوال سا تھا

 اس کی آنکھوں میں اک سوال سا تھا

میرے دل میں کوئی ملال سا تھا

دُھل گیا آنسوؤں میں سارا وجود

عشق میں یہ عجب کمال سا تھا

جسم کی ڈال پر جھُکا تھا خواب

روح سرشار، دل نہال سا تھا