لطف و سجود ہو چکا کیف کہاں نماز میں

 لُطف و سجود ہو چکا کیف کہاں نماز میں

ہو گئی گُم نِگاہِ شوق جلوۂ کعبہ ساز میں

راہِ حرم سے بیخودی کھینچ ہی لائی سُوئے دیر

لے تو چلی تھی بے دِلی دام گہِ نیاز میں

پِھر وہی قلبِ عِشق میں ذوقِ کلیم جاگ اُٹھا

کوند رہی ہیں بِجلیاں چشمِ نظارہ باز میں

حسن فطرت کو ہجوم عاشقاں درکار تھا

 عارفانہ کلام حمد نعت منقبت

حُسنِ فطرت کو ہجومِ عاشقاں درکار تھا

عاشقوں کو بہرِ سجدہ آستاں درکار تھا

زندگی تھی چلچلاتی دھوپ میں زار و زبوں

رہروں کو سایۂ ابرِ رواں درکار تھا

بحر کو موتی ملے، تاروں کو تنویریں ملیں

اس سخاوت کو شہ ہر دو جہاںﷺ درکار تھا

تکبیر سے فضا کو جگاتے ہوئے بڑھو

 رزمیہ ملی ترانہ

 تکبیر سے فضا کو جگاتے ہوئے بڑھو

نعرہ علیؑ علیؑ کا لگاتے ہوئے بڑھو

تم میں سے ایک ایک ہے بھاری ہزار پر

دشمن کو فنِ جنگ دکھاتے ہوئے بڑھو

تکبیر سے فضا کو جگاتے ہوئے بڑھو

نعرہ علی علی کا لگاتے ہوئے بڑھو

تم مرد میداں تم جان لشکر اللہ اکبر

 شہداء و غازیانِ پاکستان کو خراجِ تحسین

تم مردِ میداں، تم جانِ لشکر اللہ اکبر

تم مردِ میداں، تم جانِ لشکر اللہ اکبر

تم مردِ میداں، تم جانِ لشکر

آئین دیں ہیں سب تم کو ازبر

احکامِ باری، قولِ پیمبرﷺ

اللہ اکبر، اللہ اکبر

روحِ شجاعت، فخر وغا ہو

قدم اٹھاؤ اس طرح زمیں کا دل دہل اٹھے

 شہداء و غازیانِ پاکستان کو خراجِ تحسین

مجاہدین صف شکن بڑھے چل

قدم اٹھاؤ اس طرح زمیں کا دل دہل اٹھے 

وہ فقرۂ ہائے گرم ہو کہ رنگِ چرخ جل اٹھے 

بہ نازشِ کمالِ فن، بڑھے چلو، بڑھے چلو 

جبل جبل دمن دمن، بڑھے چلو، بڑھے چلو

جو راہ میں پہاڑ ہوں تو بے دریغ اکھاڑ دو 

اٹھاؤ اس طرح نشاں، فلک کے دل میں گاڑ دو 

ہر وقت غازیوں کے تصور میں تھی یہ بات

 عارفانہ کلام حمد نعت منقبت سلام 

صبح پیکار

ہر وقت غازیوں کے تصور میں تھی یہ بات

برحق ہے کہہ گئے ہیں جو مولائے کائناتؐ

احسان و در گزر بھی ہے ایمان کی زکات

بچوں پہ عورتوں پہ اٹھائے نہ کوئی ہات

قیدی ہوں کہ مریض ہماری اماں میں ہیں

گل ہوں کہ خار، فن کدۂ باغباں میں ہیں

دو عالم کا امداد گار آ گیا

 عارفانہ کلام حمد نعت منقبت

دو عالم کا امداد گار آ گیا

امینؐ آ گیا غمگسار آ گیا ہے

غریبوں کی جاں کو، یتیموں کے دل کو

سکوں ہو گیا ہے،۔ قرار آ گیا ہے

اصولِ محبت ہے پیغام جس کا

وہ محبوبﷺ پروردگار آ گیا ہوں

تری حمد میں کیا کروں اے خدا

 عارفانہ کلام حمد نعت منقبت

تِری حمد میں کیا کروں اے خُدا

مِرا علم کیا ہے، مِری فکر کیا

میں ہُوں بے خبر، تُو خبیر و علیم

میں حادث ہُوں اور ذات تیری قدیم

مکاں ہے تِرا، لامکاں ہے تِرا

زمیں ہے تِری، آسماں ہے تِرا

اللہ اللہ یہ وفور شوق دیدار حسین

 عارفانہ کلام حمد نعت منقبت

اللہ، اللہ، یہ وفورِ شوقِ دیدارِ حسینؑ

ذرے ذرے میں نظر آتے ہیں انوارِ حسینؑ

زندگی میں جو رہے ہیں عاشقِ زارِ حسینؑ

وہ قیامت میں اٹھیں گے محوِ دیدارِ حسینؑ

جب بیاں ہوتے ہیں میدانِ بلا کے معرکے

جسم میں رفتارِ خوں ہوتی ہے رفتارِ حسینؑ

ہنگامہ خودی سے تو بے نیاز ہو جا

 ہنگامۂ خودی سے تو بے نیاز ہو جا

گم ہو کے بے خودی میں آگاہ راز ہو جا

حد بھی تو چاہیئے کچھ بے اعتنائیوں کی

غارت گر تحمل تسکیں نواز ہو جا

اے سرمدی ترانے ہر شے میں سوز بھر دے

یہ کس نے کہہ دیا ہے پابند ساز ہو جا

سو کا نوٹ؛ یہ جناب قائد اعظم کی اک توہین ہے

 سو کا نوٹ

دیکھوں، دیکھوں، کیا عجوبہ ہے، ذرا دینا ادھر

قائد اعظم کی ہے تصویر سو کے نوٹ پر

ذہن بھٹکا ہے یہ کس کا، یہ ستم کس نے کیا

میری خوش طبعی میں شامل زہرِ غم کس نے کیا

مصلحت، کہہ کر زبانِ حال سی دی جائے گی

کیا اسی تصویر سے رشوت بھی لی، دی جائے گی

جو لے کے ان کی تمنا کے خواب نکلے گا

جو لے کے ان کی تمنا کے خواب نکلے گا 

بہ عجزِ شوق بہ حالِ خراب نکلے گا 

جو رنگ بانٹ کے جاتا ہے تنکے تنکے کو 

عدو زمیں کا یہی آفتاب نکلے گا 

بھری ہوئی ہے کئی دن سے دھند گلیوں میں 

نہ جانے شہر سے کب یہ عذاب نکلے گا 

جبیں کی دھول جگر کی جلن چھپائے گا

جبیں کی دھول جگر کی جلن چھپائے گا

شروعِ عشق ہے، وہ فطرتاً چھپائے گا

دمک رہا ہے جو نس نس کی تشنگی سے بدن

اس آگ کو نہ تیرا پیراہن چھپائے گا

تِرا علاج شفاگاہ عصرِ نَو میں نہیں

خِرد کے گھاؤ تو دیوانہ پن چھپائے گا

وفائیں کر کے جفاؤں کا غم اٹھائے جا

وفائیں کر کے جفاؤں کا غم اٹھائے جا 

اسی طرح سے زمانے کو آزمائے جا 

کسی میں اپنی صفت کے سوا کمال نہیں 

جدھر اشارۂ فطرت ہو سر جھکائے جا 

وہ لو رباب سے نکلی دھواں اٹھا دل سے 

وفا کا راگ اسی دھن میں گنگنائے جا 

اگرچہ خلد بریں کا جواب ہے دنیا

اگرچہ خلدِ بریں کا جواب ہے دنیا

مگر خدا کی قسم ایک خواب ہے دنیا

سحر پیامِ تبسم ہے، شام اذنِ سکوت

شگوفہ زار کا فانی شباب ہے دنیا

لرز رہی ہے فضا میں صدائے غم پرور

ترنماتِ فنا کا رباب ہے دنیا

بیتے ہوئے کچھ دن ایسے ہیں تنہائی جنہیں دہراتی ہے

گیت

بیتے ہوئے کچھ دن ایسے ہیں تنہائی جنہیں دہراتی ہے 

رو رو کے گزرتی ہیں راتیں آنکھوں میں سحر ہو جاتی ہے

شرما کے کبھی چھپ چھپ جانا ہنس ہنس کے کبھی چل چل دینا

چنری کے ملائم کونے کو دانتوں میں دبا کر بل دینا 

آواز کسی کے ہنسنے کی کانوں میں ابھی تک آتی ہے

آج بھڑکی رگِِ وحشت ترے دیوانوں کی

 آج بھڑکی رگِ وحشت ترے دیوانوں کی

قسمتیں جاگنے والی ہیں بیابانوں کی

پھر گھٹاؤں میں ہے نقارۂ وحشت کی صدا

ٹولیاں بندھ کے چلیں دشت کو دیوانوں کی

آج کیا سُوجھ رہی ہے ترے دیوانوں کو

دھجیاں ڈھونڈھتے پھرتے ہیں گریبانوں کی

وہ زندگی جو داد فنا مانگتی پھرے

وہ زندگی، جو دادِ فنا مانگتی پھِرے

مشکل جو آ پڑے تو دعا مانگتی پھرے

طوفان کی بہشت میں اس کا گزر کہاں

کشتی جو ساحلوں کی ہوا مانگتی پھرے

ہے اس نظر کو بھی تِری حسرت جو بے ادب

شب سے سکوں نہ دن سے ضیا مانگتی پھرے

امید فتح رکھو اور علم اٹھائے چلو

ترانہ

امیدِ فتح رکھو اور علم اٹھائے چلو

عمل کے ساتھ مقدر کو آزمائے چلو

امیدِ فتح رکھو۔۔۔

مسافروں کیلئے مسافت کا زکر کیا معنی

قضا پکار رہی ہے قدم بڑھائے چلو

توبہ کی نازشوں پہ ستم ڈھا کے پی گیا

توبہ کی نازشوں پہ ستم ڈھا کے پی گیا

پی“ اس نے جب کہا تو میں گھبرا کے پی گیا”

دل ہی تو ہے اٹھائے کہاں تک غم و الم

میں روز کے ملال سے اکتا کے پی گیا

تھیں لاکھ گرچہ محشر و مرقد کی الجھنیں

گتھی کو ضبطِ شوق کی سلجھا کے پی گیا