تری حمد میں کیا کروں اے خدا

 عارفانہ کلام حمد نعت منقبت

تِری حمد میں کیا کروں اے خُدا

مِرا علم کیا ہے، مِری فکر کیا

میں ہُوں بے خبر، تُو خبیر و علیم

میں حادث ہُوں اور ذات تیری قدیم

مکاں ہے تِرا، لامکاں ہے تِرا

زمیں ہے تِری، آسماں ہے تِرا

تجھی سے صبا ہے تجھی سے سموم

زمیں پر ہے گُل ،آسماں پر نجوم

ضیائے رُخ زندگی، تجھ سے ہے

جہاں بھی ہے رخشندگی تُجھ سے ہے

محیطِ دو عالم ہے قدرت تِری

ہے کثرت کے پردے میں وحدت تِری

تِرے زمزمے آبشاروں میں ہیں

تِری عظمت کو ہساروں میں ہے

احسان دانش