تو ہی آقا تو ہی مولا تو ہی رب دو جہاں

 عارفانہ کلام حمد نعت منقبت

تو ہی آقا، تو ہی مولا، تو ہی ربِّ دو جہاں

ہر ثنا ہے تجھ کو زیبا، مالکِ کون و مکاں

حمد لکھ پاؤں میں تیری، تاب یہ مجھ میں کہاں

ہو اگر چشمِ کرم تیریﷻ تو ممکن ہو بیاں

ذات تیری ہر جگہ ہے پھر بھی آنکھوں سے نہاں

تیری قدرت، تیرا جلوہ، ذرے ذرے سے عیاں

تیری رفعت، تیری حکمت، تیری حشمت مرحبا

چاند سورج، رات دن، سب تیری عظمت کے نشاں

عقلِ انساں محوِ حیرت ہے تِریﷻ تخلیق پر

بن گئے اک لفظِ کُن سے بحر و بر، ہفت آسماں

تُوﷻ ہے رحمن و رحیم و مالک الملک و کریم

گرچہ شازی غرقِ عصیاں، تیری رحمت بیکراں

شہناز شازی