مسند عرش سے تا بہ فرش حرم وہ سراپا کرم

عارفانہ کلام حمد نعت منقبت

مسندِ عرش سے تا بہ فرشِ حرم، وہ سراپا کرم

وہ شہ انبیاءﷺ، وہ شفیعُ الاُمم، وہ سراپا کرم

اُنؐ کا ہر اِک سُخن عِلم و حکمت کے موتی لُٹاتا ہوا

اُن کی ہر بات کا زاویہ محترم، وہ سراپا کرم

میں نے چاہا کہ اِسمِ مُحمّدؐ لِکھوں اور خوش خط لِکھوں

اُنؐ کی سرکار میں سر نِگوں ہے قلم، وہ سراپا کرم

جسم میں رسم تنفس کا عمل جاری ہو

 جسم میں رسمِ تنفس کا عمل جاری ہو

تم جو چُھو لو تو نئے خواب کی تیاری ہو

رات میں صبح اُمڈتی ہو کہ تم آن مِلو

نیند کی نیند ہو بیداری کی بیداری ہو

تم جو سوئے رہو، سورج بھی نمودار نہ ہو

عکس کے شوق میں آئینے کی تیاری ہو

نغمگی جیسے کسی ساز کو زندہ کر دے

 نغمگی جیسے کسی ساز کو زندہ کر دے

اک سماعت مِری آواز کو زندہ کر دے

پر شکستہ ہوں مگر جست تو بھر لوں شاید

یہی کوشش مِری پرواز کو زندہ کر دے

ہم اسی عشق کی شمشیر سے گھائل ہیں کہ جو

بعض کو مار دے اور بعض کو زِندہ کر دے

دشت میں اشک فشانی کی نمائش نہیں کی

 دشت میں اشک فشانی کی نمائش نہیں کی

ریت پر بیٹھ کے پانی کی نمائش نہیں کی

وقت ہر چیز کو مٹی میں ملا دیتا ہے

اس لیے ہم نے جوانی کی نمائش نہیں کی

چاند کو گھر سے نکلنے میں جو تاخیر ہوئی

رات نے رات کی رانی کی نمائش نہیں کی

عشاق بھی کیا نت نئے آزار خریدیں

 عشّاق بھی کیا نِت نئے آزار خریدیں

اک غم کی ضرورت ہو تو بازار خریدیں

آباد ہے شہروں سے تو ویرانہ ہمارا

دو دن کے لیے کیا در و دیوار خریدیں

دستار کو جو ڈھال سمجھتے ہیں وہ سمجھیں

سر جن کو بچانا ہے وہ تلوار خریدیں

دلوں سے درد دعا سے اثر نکلتا ہے

 دلوں سے درد، دعا سے اثر نکلتا ہے

یہ کس بہشت کی جانب بشر نکلتا ہے

پڑا ہے شہر میں چاندی کے برتنوں کا رواج

سو اس عذاب سے اب کوزہ گر نکلتا ہے

میاں! یہ چادرِ شہرت تم اپنے پاس رکھو

کہ اس سے پاؤں جو ڈھانپیں تو سر نکلتا ہے

زبان کے سخت لیکن دل کے پیارے ہوتے ہیں

 زبان کے سخت لیکن دل کے پیارے ہوتے ہیں

ذرا ذرا سے منافق تو سارے ہوتے ہیں

دیارِ عشق کا اُلٹ حساب چلتا ہے

یہاں کے سارے منافعے خسارے ہوتے ہیں

تم اپنی رائے بدلنے میں حق بجانب ہو

ہر آدمی نے کئی روپ دھارے ہوتے ہیں