دیکھو آقا کی گلی اور وہ روضہ دیکھو

 عارفانہ کلام حمد نعت مقبت

دیکھو آقاﷺ کی گلی اور وہ روضہ دیکھو

اپنی نظروں کو سکوں بخش دو کعبہ دیکھو

میں دل و جان سے روضے پہ جُھکی جاتی ہوں

دل پکارے ہی چلا جاتا ہے جلوہ دیکھو

مشکلوں میں بھی وہی عشق تجھے تھامے گا

غم سلامت رہے خوشیوں کا فرشتہ دیکھو

چلو تم بھی مقدر آزما لو

 چلو تم بھی مقدر آزما لو

ہمارے نام کا سکہ اچھالو

گہر کم ہیں خزف ریزے زیادہ

ابھی کچھ اور دریا کو کھنگالو

چلو کرتے ہیں تجدیدِ تعلق

پرانی رنجشوں پر خاک ڈالو

آج یہ سوچ کے رکھ دی ہے کہ اب کل ہو گی

آج یہ سوچ کے رکھ دی ہے کہ اب کل ہو گی

جانے کب تک تِری تصویر مکمل ہو گی

عشق میں جس کی دیوانی تھی وہی شہزادہ

ہنس کے بولا ارے چھوڑو، کوئی پاگل ہو گی

جب کھلی چھت پہ ہواؤں کا چلے گا جادو

رات کی آنکھ بھی پھر نیند سے بوجھل ہو گی

آدمی آدمی سے ڈرتا ہے

آدمی آدمی سے ڈرتا ہے

دل ہمارا سبھی سے ڈرتا ہے

موت کا خوف اب نہیں کوئی

جب سے دل زندگی سے ڈرتا ہے

اب تو ایسی عجیب حالت ہے

غم ہمارا خوشی سے ڈرتا ہے

بلندی اور نہ پستی چاہتا ہے

بلندی اور نہ پستی چاہتا ہے

ہمارے دل کی بستی چاہتا ہے

انا کی جنگ میں ہارے گا اک دن

وہ پاگل سرپرستی چاہتا ہے

بھلا جذبوں کا کوئی مول ہے کیا

محبت بھی وہ سستی چاہتا ہے

محبت کو چھپانا آ گیا ہے

محبت کو چھپانا آ گیا ہے

خود اپنا دل دکھانا آ گیا ہے

فسانے میں حقیقت جب سے آئی

حقیقت میں فسانہ آ گیا ہے

سیاست میں قدم جیسے بڑھایا

مِرے پیچھے زمانہ آ گیا ہے

تم میرے ساتھ رہو گے تو اجالا ہو گا

تم میرے ساتھ رہو گے تو اجالا ہو گا

میری آنکھوں میں کوئی جھانکنے والا ہو گا

تیری یادوں کا حسیں جال بنایا ہم نے

جیسے دیوار میں مکڑی کا وہ جالا ہو گا

جان جائے یا رہے، ہم نے قسم کھائی ہے

اشک سے پیاس بجھے، غم کا نوالا ہو گا

یوں دھڑکنوں کو شمار کرنا کوئی تو سیکھے

یوں دھڑکنوں کو شمار کرنا کوئی تو سیکھے

ہمارا دل بے قرار کرنا کوئی تو سیکھے

خوشی سے غم کا ہے گہرا ناتا، یہی حقیقت

دکھوں پہ بھی اعتبار کرنا کوئی تو سیکھے

وہ سوکھے پھولوں سے بھر کے دامن کو لوٹ آئے

خزاں کا موسم بہار کرنا کوئی تو سیکھے

ذرا آسان تم یہ کام کر دو

ذرا آسان تم یہ کام کر دو

گرا کر زلف اپنی شام کر دو

مِرا یہ دل تمہارا ہی رہے گا

تم اپنا دل بھی میرے نام کر دو

لہو میرا تمہیں سیراب کر دے

بڑھاؤ ہاتھ خالی جام کر دو

رنگ رخسار کا گلابی ہے

رنگ رخسار کا گلابی ہے

یہ محبت کی کامیابی ہے

عشق کیجے، مگر خیال رہے

حسن کے پاس دل کی چابی ہے

کیوں سیاست کی بات کرتے ہیں

آپ میں بس یہی خرابی ہے

محبت اب بغاوت چاہتی ہے

محبت اب بغاوت چاہتی ہے

زمانے سے اجازت چاہتی ہے

اسی کے پاس پھر ہم لوٹ جائیں

نجانے کیوں یہ قسمت چاہتی ہے

کہیں ہو گا بسیرا اب ہمارا

ہمیں جب اس کی نفرت چاہتی ہے

یہ کیسے راستے ہم نے چنے ہیں

یہ کیسے راستے ہم نے چنے ہیں

نیا ہر شہر ہے چہرے نئے ہیں

حوادث منتظر ہیں لمحہ لمحہ

عجب ماحول میں بیٹھے ہوئے ہیں

بتاؤں کیا تمہیں اہلِ سیاست

قیامت کے ستم کس نے کیے ہیں

اے خدا ابرِ کرم تیرا برابر برسے

اے خدا ابرِ کرم تیرا برابر برسے

معجزہ یہ ہو کہ صحرا پہ سمندر برسے

کچھ عجب شان سے اے زیست گزارا ہے تجھے

مسکراتے رہے باہر، مگر اندر برسے

ہم تِرے شہر کو تو شہر پناہ سمجھے تھے

تیرے ہی شہر میں ہر سمت سے پتھر برسے

کوئی دل میں بسا کے چھوڑ گیا

کوئی دل میں بسا کے چھوڑ گیا

مجھ کو سپنے دکھا کے چھوڑ گیا

آنسوؤں سے ہی پیار کر بیٹھے

یوں وہ مجھ کو رلا کے چھوڑ گیا

ہر گھڑی ٹوٹنے کا خدشہ ہے

مجھ کو شیشہ بنا کے چھوڑ گیا

محبت کو اشارا مل گیا ہے

محبت کو اشارا مل گیا ہے

مِرے غم کو سہارا مل گیا ہے

سمندر کا ستم کتنا سہیں ہم

چلو کشتی! کنارا مل گیا ہے

خدا کا شکر ہے معصوم خواہش

تمہیں سب کچھ خدارا مل گیا ہے

خوش رہنا سکھا دو نا

خوش رہنا سکھا دو نا

ہر غم کو بھلا دو نا

جو یاد رہے برسوں

اب ایسی سزا دو نا

کیوں کچھ بھی نہیں کہتے

کیا دکھ ہے بتا دو نا

محبت آزماتی ہے

محبت آزماتی ہے

تماشا بھی دکھاتی ہے

اسے ہم یاد کرتے ہیں

ہمیں یہ بھول جاتی ہے

نہ جانے کیا ہوا دل کو

عجب آواز آتی ہے

کسی گل کو مسل کر کیا ملا ہے

کسی گل کو مسل کر کیا مِلا ہے

مِرے دل سے نکل کر کیا مِلا ہے

محبت کا ستارہ کیوں گنوایا

بتاؤ! ہاتھ مَل کر کیا مِلا ہے

اداسی کے مکاں میں اب مکِیں ہو

کہو، اب گھر بدل کر کیا مِلا ہے