پھول اتنے کہ دہائی صاحب

 پھول اتنے کہ دہائی صاحب

وہ چلی تو نظر آئی صاحب

سب نے اس شوخ کو مضمون کیا

ہم نے تصویر بنائی صاحب

اس نے پانی سے اٹھایا تھا خمیر

اور پھر آگ دکھائی صاحب

دیو چناروں والے چوک میں سگنل سلگا

D Detergent

دیو چناروں والے چوک میں 

سگنل سلگا

سُرخ ہوا

تو شُست لگا کر بیٹھے وائپر باز نے

کالی گاڑی کو تحویل میں لے کر 

جو میں نے چٹخنی کھولی تو وہ بولی

 جو میں نے چٹخنی کھولی

 

غلط فہمی تھی میری

میں سمجھتا تھا 

کہ میری بے ضرر عینک کے شیشے 

سرد چشمے کی طرح بےجان ہیں

دھندلی بصارت چھان کر آنکھوں کے کاسے بھرتے رہتے ہیں

کسان کی بیٹی کی شادی

 کسان کی بیٹی

جوان شیشم کے جُھنڈ پہ

نوجوان سورج نے رنگ پھینکا

تو باپ نے جلدی جلدی

اپنے سفید کرتے، سفید تہمد کو تن کیا

پھر سفید دستار سر پہ رکھی

قہقہہ ٹوٹا سانس کی ہلتی ٹہنی سے

 یوں ہے کہ

کبھی قہقہہ ٹوٹا سانس کی ہلتی ٹہنی سے

کبھی آنکھیں چُورا چُورا ہو کر بہہ نکلیں

کبھی لفظ ہنسی کی گردباد میں اڑتے رہے

کبھی سِسکاری نے آنچ بھری تو پگھل گئے

میں چھلک گیا تو لفظ بھی سارے چھلک گئے

آباد ویرانیاں

 آباد ویرانیاں

وہ دستکیں

جو تمہاری پوروں نے ان دروں میں انڈیل دی ہیں

وہ آج بھی

ان چوب ریشوں میں جاگتی ہیں

تمہارے قدموں کی چاپ

چپ ساعتوں میں بھی

تنہائی مجھے دیکھتی ہے

 تنہائی مجھے دیکھتی ہے

یہ ہوتا ہے

کوئی مانے نہ مانے

یہ تو ہوتا ہے

کسی پھیلے ہوئے لمحے، کسی سمٹے ہوئے دن

یا، اکیلی رات میں ہوتا ہے

کولاژ

کولاژ

اس نے مٹھی کے گلداں میں ٹہنی رکھی

پتیوں کے کنارے چمکنے لگے

پھول بھرنے لگے اور چھلکنے لگے

اس نے پاؤں دَھرے گھاس کے فرش پر

پاؤں کا دُودھیا پن سوا ہو گیا

سبزہ پہلے سے زیادہ ہرا ہو گیا

مجھے اب اور نا سینا

مجھے اب اور نا سینا

وہ تیزی سے اُدھڑتا جا رہا تھا

ہر اک دن اس کے بخیوں سے الجھ کر رات ہو جاتا

وہ روزانہ

بساطِ روز و شب پہ سانس کے مہرے چلا کر مات ہو جاتا

وہ سینہ کھول دیتا اور گہری سوچ میں رہتا

ہم شاعر ہوتے ہیں

ہم شاعر ہوتے ہیں

ہم پیدا کرتے ہیں

ہم گیلی مٹی کو مٹھی میں بھینچا کرتے ہیں

تو شکلیں بنتی ہیں

ہم ان کی چونچیں کھول کے سانسیں پھونکا کرتے ہیں

جو مٹی تھے، وہ چھو لینے سے طائر ہوتے ہیں

سواگت گھر کا دروازہ کھلا

سواگت 

گھر کا دروازہ کھلا

کتنے دن بعد اسے سانس آیا

کتنے دن بعد اسے اپنوں کی بچھڑی ہوئی خوشبو آئی

ماں نے پیشانی کو ہونٹوں سے چھوا باپ نے سر پہ ہتھیلی رکھی

دو بھتیجوں نے اسے سہما ہوا پیار کیا

طاق پر گزرے ہوئے بھائی کی تصویر ہنسی

فیل بانو

فیل بانو 

گھر میں ہاتھی کون رکھتا ہے

زرا تم اپنے دروازوں کے قد تو ناپ لیتے

جہاں پر فیل بانی ہو

وہاں اگر چیونٹیاں پامال ہو جائیں تو حیرانی نہیں ہوتی

وحید احمد

انتظار

انتظار

بڑی مشکل سے دن کاٹا

کبھی قہوے کے نشتر سے

کبھی چاۓ کے آرے سے

کبھی سگریٹ کی چھینی سے

کبھی سوہان پانی کے کڑے تیزاب دھارے سے

بڑی مشکل سے دن کاٹا

صلیبی جنگ جاری ہے

صلیبی جنگ جاری ہے

سنا تھا وقت تو اک تیر ہے 

ازلی کماں نے

جس کو نوری چوب میں پورا تشنج بھر کے اک جھٹکے سے چھوڑا تھا

دریغا

وقت جیسے رک گیا ہے 

Sleeping With The Enemy

Sleeping With The Enemy

پھنکارتی

ناگن کے پھن پہ سر کو رکھے رات بھر سویا رہا تھا میں 

نہ جانے سرسراتی نیند تھی

یا ہسہساتی بے حسی

نیلی غشی

یا زہر مہرہ خامشی تھی وہ

ابھی لنگر نہیں ڈالا

ابھی لنگر نہیں ڈالا

تکونی بادباں کی رسیاں ڈھیلی نہیں کیں 

ابھی مستول اپنے پاؤں کے اوپر کھڑا ہے

سفینے کے بھرے سینے میں سانسوں کا ذخیرہ سرسراتا ہے

ابھی ہم ناقدانہ فاصلے سے اجنبی ساحل کے تیور دیکھتے ہیں

کھجوروں کے درختوں میں چھپی سرگوشیاں سننے کی خاطر 

نونہال سوال کرتا ہے

نونہال سوال کرتا ہے

میں سمجھتا تھا اسکول کے ہر طرف ایک دیوار ہے

میرے گھر کی طرح

اپنے مکتب میں آ کر مجھے ایسا لگتا

کہ گھر سے چلے اور گھر آ گئے

کیا خبر تھی گزشتہ کئی سال سے، اس کے چاروں طرف

علاج بالمثل

علاج بالمثل

دوا بالمثل بے توقیر روگوں، بے حمیت عارضوں کے واسطے 

بے مثل ہوتی ہے

کئی عشرے ہوئے ہم جاں بلب ہیں

اور مسلسل اس دوا پر ہیں

ہمیں دیکھو 

خانہ بدوش

خانہ بدوش 

نا مُشت میں میری مُشتری، نا پاؤں میں نیلوفر

نا زُہرہ میری جیب میں، نا ہُما اڑے اوپر

نا دھڑکا ہے سرطان کا، نا زُحل کا کوئی ڈر

نا کوئی میرا دیس ہے نا کوئی میرا گھر

نا ماتھے چمکے چندرما، نا تارا چھنگلی پر

پر دیکھ گلوب ہے گھومتا، میری میلی انگلی پر