فقیر زادی میں اپنا سب کچھ لٹا چکا ہوں

فقیر زادی

میں اپنا سب کچھ لُٹا چکا ہوں

میں تیرے کاسے پہ اپنا کاسا

اُلٹ کے دُنیا بنا چکا ہوں

 فقیر زادی

میں آج تک جس ادھُورے پن کی مسافتوں میں

سیاہ سنگلاخ راستوں پر

کوئی سن رہا ہو تو اس کو سناؤں

 کوئی سن رہا ہو تو اس کو سناؤں

کہ ایک دن زمین خود میں مدفون لاشیں اگلنے لگے گی

یہ مدفون لاشیں جو اب شے سے لاشے ہوئے جا رہیں ہیں

یہ کیا سوچتے ہیں

یہ کیا سوچتے ہیں، یہ کیا جانتے ہیں

انہیں فکر ہے یا نہیں ہے کہ 

عجب سفر ہے

عجب سفر ہے

میں اپنی مُٹھی سے ریت بن کر پھسل رہا ہوں

وہ ریت دامن میں بھر رہی ہے

میں تھوڑا مُٹھی میں رہ گیا ہوں 

میں تھوڑا دامن میں گِر چکا ہوں

میں باقی دونوں کے درمیاں ہوں

شہزادگان شاہ بلخ میں ایک مجذوب ہے

 ادہمیہ

شہزادگانِ شاہ بلخ میں ایک مجذوب ہے

جو کئی صدیاں بیت جانے کے بعد

آج پھر

شاہزادی کی قبر کھودنے میں مصروف ہے

شاہزادی پھر مر گئی ہے

وحشت کے کارخانے سے تازہ غزل نکال

 وحشت کے کارخانے سے تازہ غزل نکال

اے صبر کے درخت مِرا میٹھا پھل نکال

کاغذ کے پیراہن میں بدن پھول جیسا رکھ 

کیچڑ سے اپنی آنکھوں کی چہرہ کنول نکال 

میں سیدھا راستہ ہوں تو مڑ جا مِری طرف 

گمبھیر  مسئلہ ہوں تو سادہ سا حل نکال

تیرگی طاق میں جڑی ہوئی ہے

 تیرگی طاق میں جڑی ہوئی ہے

دھوپ دہلیز پر پڑی ہوئی ہے

دل پہ ناکامیوں کے ہیں پیوند

آس کی سوئی بھی گڑی ہوئی ہے

میرے جیسی ہے میری پرچھائیں

دھوپ میں پل کے یہ بڑی ہوئی ہے

تخیل کو بری کرنے لگا ہوں

 تخیل کو بری کرنے لگا ہوں

میں ذہنی خود کشی کرنے لگا ہوں

مجھے زندہ جلایا جا رہا ہے

تو کیا میں روشنی کرنے لگا ہوں

میں آئینوں کو دیکھے جا رہا تھا

اب ان سے بات بھی کرنے لگا ہوں

جس کا غم ہے اسے منانے دو

 جاؤ، ماتم گزارو! جانے دو

جس کا غم ہے اسے منانے دو

بیچ سے ایک داستاں ٹوٹی

اور پھر بن گئے فسانے دو

ہم فقیروں کو کچھ تو دو صاحب

کچھ نہیں دے سکو تو طعنے دو

صرف شام ہونے کا انتظار کرتے ہیں

 لاعنوان

صرف شام ہونے کا انتظار کرتے ہیں

آج نظم نہیں لکھتے

ورنہ شام ہو جائے گی

اور کسی کو اپنا منتظر نہ پا کر

بوٹوں سمیت کرسی پر بیٹھ جائے گی

وہ پیکرِ جمال ہے کمال ہے

 وہ پیکرِِ جمال ہے، کمال ہے

وہ حسن بے مثال ہے، کمال ہے

وہ پوچھتے ہیں آپ کیوں بدل گئے

یہی مِرا سوال ہے، کمال ہے

مجھے حرام ہے شراب کا نشہ

تمہیں لہو حلال ہے، کمال ہے

حکمت عملی

حکمتِ عملی

ابرہا آ گیا
پھر سے اک شہر میں ابرہا آ گیا
جاؤ تم جا کے ہاتھی گِنو
اور تم جا کے کنکر چُنو
اور تم بھی سُنو
حسبِ توفیق کانوں میں بھُوسا بھرو

جنتی عورتوں سے تو میرا علاقہ نہیں

جنتی عورتیں

جنتی عورتوں سے تو میرا علاقہ نہیں

جنتی عورتو

اپنی جنت میں آباد ہو

شاد ہو؟

اپنے صیاد کو یاد ہو؟

یاد ماضی بہا دل پہ چیرا لگا

یادِ ماضی بہا

دل پہ چِیرا لگا

تیرا سایا ہوں میں

تیرگی میں نہ جا

مجھ پہ آسان ہو

میرے مشکل کشا

ڈیڑھ کمرے کی ایک دنیا میں

صورت حال

ڈیڑھ کمرے کی ایک دنیا میں

ایک بستر ہے، کچھ کتابیں ہیں

آنے جانے کا ایک دروازہ

خیر آتا بھی کون ہے گھر میں؟

نام لیوا رفاقتوں کے امیں

جو بچی ہے گزار دوں اچھا

جو بچی ہے گزار دوں؟ اچھا

زندگی تجھ پہ وار دوں؟ اچھا

اور تو کچھ نہیں ہے میرے پاس

خواب ہیں، مستعار دوں؟ اچھا

آزما لوں تجھے وفا پیکر

تجھ کو راہِ فرار دوں؟ اچھا

چپ رہ کر اچھا کرتا ہوں

سناٹے برپا کرتا ہوں

چپ رہ کر اچھا کرتا ہوں

تم کیا چاہتی ہو؟ تم سوچو

پھر دیکھو میں کیا کرتا ہوں

ایک نام کا وِرد پکڑ کے

پانی پر ٹِہلا کرتا ہوں

جیب میں آسمان رکھتا ہوں

ٹوٹی پھوٹی کمان رکھتا ہوں

پھر بھی سینے کو تان رکھتا ہوں

ایک بستر کے بس کی بات نہیں

مدتوں کی تھکان رکھتا ہوں

تا کہ مجھ کو وہ سوچتی ہی رہے

میں اسے بد گمان رکھتا ہوں

رنگ و رس کی ہوس اور بس

رنگ و رس کی ہوس اور بس

مسئلہ دسترس اور بس

یوں بُنی ہیں رگیں جسم کی

ایک نس ٹس سے مس اور بس

سب تماشائے کُن ختم شُد

کہہ دیا اس نے بس اور بس

مرتبہ تھا مقام تھا میرا

مرتبہ تھا مقام تھا میرا

روشنی پر قیام تھا میرا

میں نے سب کو معاف کر دیا تھا

اور یہ انتقام تھا میرا

آخری وقت آنکھ کھل گئی تھی

ورنہ قصہ تمام تھا میرا

تھک گئے ہو تو تھکن چھوڑ کے جا سکتے ہو

تھک گئے ہو تو تھکن چھوڑ کے جا سکتے ہو

تم مجھے واقعتاً چھوڑ کے جا سکتے ہو

ہم درختوں کو کہاں آتا ہے ہجرت کرنا

تم پرندے ہو وطن چھوڑ کے جا سکتے ہو

تم سے باتوں میں کچھ اس درجہ مگن ہوتا ہوں 

مجھ کو باتوں میں مگن چھوڑ کے جا سکتے ہو