لہو میں جسم کو جو تر بہ تر لے کر نہیں آئے

لہو میں جسم کو جو تر بہ تر لے کر نہیں آئے 

یقیناً نامہ بر اچھی خبر لے کر نہیں آئے

وفا کے بحر میں اک خواہشِ معصوم ڈوبی تھی

ابھی تک لاش ساحل پر بھنور لے کر نہیں آئے 

تمہیں کیا ہے جو تنہائی میں ہم آنسو بہاتے ہیں

تمہاری بزم میں تو چشمِ تر لے کر نہیں آئے 

یہ جو دنیا ہے تغیر کی عجب وادی ہے

 یہ جو دنیا ہے تغیر کی عجب وادی ہے

حکم دیتا تھا جو کل آج وہ فریادی ہے

یہ بھی احسان ہے قاتل کا تِرے ورثا پر

اس نے میت تِری دہلیز پہ پہنچا دی ہے

کیا ہوا لوگ اگر بات نہیں کر سکتے

شہر میں گھومنے پھرنے کی تو آزادی ہے

کنارے سانس کی سب کشتیاں لگی ہوئی ہیں

 کنارے، سانس کی، سب کشتیاں لگی ہوئی ہیں 

چلے بھی آؤ! کہ اب ہچکیاں لگی ہوئی ہیں 

کِیا گیا نہیں پیدا اگر غلام ہمیں؟ 

تو پھر یہ پاؤں میں کیوں بیڑیاں لگی ہوئی ہیں

کبھی کبھی تو تکبّر اّگلنے لگتی ہیں 

گھروں پہ ناموں کی جو تختیاں لگی ہوئی ہیں 

وہ مسکرا کے مجھے آج تک ملا تو نہیں

 وہ مسکرا کے مجھے آج تک ملا تو نہیں

کوئی گلاب سرِ شاخِ لب کھلا تو نہیں

گزشتہ شام، تجھے مجھ سے ملنے آنا تھا

بس اک یاد دہانی ہے یہ، گِلہ تو نہیں

میں اپنے عہد پہ پوری طرح سے قائم ہوں

ہے اس کو دور سے دیکھا، کبھی ملا تو نہیں

ہماری موت پہ وہ سوگوار تھوڑی ہے

 ہماری موت پہ وہ سوگوار تھوڑی ہے

وہ ہے تو یار، مگر اتنا یار تھوڑی ہے

اسے بھی چُوم لیا کر کبھی محبت سے

ہمارے نام پہ گرد و غبار تھوڑی ہے

بس ایک دو ہیں کسی دن چلے ہی جائیں گے

غموں کی دوستو! لمبی قطار تھوڑی ہے

چاہتوں میں بہت خسارے ہیں

 چاہتوں میں بہت خسارے ہیں

ہم نے رو رو کے دن گزارے ہیں

غم نہیں آپ کی جدائی کا

اور بھی مسئلے ہمارے ہیں

زِیست ناپید تیری گلیوں میں

موت کے اہتمام سارے ہیں

ترا خیال اگر جزو زندگی نہ رہے

 ترا خیال اگر جزوِ زندگی نہ رہے

جہاں میں میرے لیے کوئی دلکشی نہ رہے

میں آ گیا ہوں وہاں تک تری تمنا میں

جہاں سے کوئی بھی امکانِ واپسی نہ رہے

تُو ٹھیک کہتا ہے اے دوست ٹھیک کہتا ہے

کہ ہم ہی قابلِ تجدیدِ دوستی نہ رہے

تو تو کہتا تھا تجھے اس نے بھلایا ہوا ہے

 تُو تو کہتا تھا تجھے اس نے بھلایا ہوا ہے

آج وہ تیرے جنازے میں تو آیا ہوا ہے

اجرتیں مل گئیں صدیوں کے سفر کی مجھ کو

جب کہا اس نے کہ کیا حال بنایا ہوا ہے

ہاتھ میں کوئی تو درویش کے گُر ہے جس نے

گردشِ دوراں کو قدموں میں بٹھایا ہوا ہے

آگ برستی ہے اب اس کی چھاؤں سے

آگ برستی ہے اب اس کی چھاؤں سے

میں نکلا ہوں چھپ کر اپنے گاؤں سے

جنت میرے سینے میں آ جاتی ہے

جب لگتی ہیں پلکیں ماں کے پاؤں سے

آؤ، ان کو چومیں، ان سے پیار کریں

ہیں مانوس جو بوڑھے ہاتھ دعاؤں سے

اک ملاقات سر راہ سے پہلے مرنا

اک ملاقاتِ سرِ راہ سے پہلے مرنا

کتنا آساں تھا، تِری چاہ سے پہلے مرنا

کیا ضروری ہے بھلا کون سی مجبوری ہے

اک پیادے کا، کسی شاہ سے پہلے مرنا

اپنے ان چارہ گروں کو نہ کوئی دکھ دینا

ہونٹ پر آتی ہوئی، آہ سے پہلے مرنا

قسم خدا کی یہی خوف اب ستائے مجھے

قسم خدا کی یہی خوف اب ستائے مجھے

نہ تیرا قرب کہیں دوریاں دکھائے مجھے

وہ چھوڑنا تو چلو چاہتا تھا، چھوڑ دیا

گلی کے موڑ تلک چھوڑنے تو آئے مجھے

ابھی کہا تو نہیں، سچ میں کہنا والا تھا

تو پھر یہ دار پہ کیوں لوگ کھینچ لائے مجھے

یہی نہیں کہ ہمیں یار بھول بھال گیا

یہی نہیں کہ ہمیں یار بھول بھال گیا

زمانہ سارا ہی، فردا پہ ہم کو ڈال گیا

دراز قد بھی گرے پستہ قد کے قدموں میں

وہی بڑا ہے جو بارود کو اچھال گیا

زمیں پہ بیٹھ کے گنتے ہیں آؤ سب مل کر

کہ کتنی بھیک ہمیں دے کے پچھلا سال گیا

یہ تبصرہ ہے زمانے کی بیوفائی پر

یہ تبصرہ ہے زمانے کی بے وفائی پر

کہ اعتبار نہیں مجھ کو اپنے بھائی پر

وہی تو شخص یہاں کامیاب ٹھہرا ہے

لگائے قہقہے جو اپنی جگ ہنسائی پر

تُو اپنے شہر میں اک شخص بھی دکھا مجھ کو

جو آج تک نہیں رویا غمِ جدائی پر

پیسے ہوتے تو تجھے لے کے کھلونے دیتا

پیسے ہوتے تو تجھے لے کے کھلونے دیتا

ورنہ کیا میں میرے بچے تجھے رونے دیتا

ہونٹ پر رکھتا ہے انگشتِ شہادت ایسے

بات میری وہ مکمل نہیں ہونے دیتا

ہے تو مفلس وہ مگر اپنی دوائی سے کبھی

خرچ احباب کے پیسے نہیں ہونے دیتا

دل اس طرح سپرد صنم کر دیا گیا

دل اس طرح سپردِ صنم کر دیا گیا

قطرے کو جیسے بحر میں ضم کر دیا گیا

پھر کیا رہے گی دامنِ ہستی میں دلکشی

منفی اگر حیات سے غم کر دیا گیا

لکھ کر نہیں کا لفظ لفافے کی پشت پر

خواہش کا سر قلم سے قلم کر ديا گيا

نہ پوچھ کب تیری چاہت کے پیرہن پہنے

نہ پوچھ کب تیری چاہت کے پیرہن پہنے

فراز عرش تھے روحوں نے جب بدن پہنے

کسی کسی نے تو خوشیاں بھی مفت میں پائیں

کسی نے غم کے لبادے بھی قیمتاً پہنے

اسے ذرا بھی میری موت کا ملال نہیں

سیاہ لباس تو وہ شوخ عادتاً پہنے

جو تجھے بھول گیا تو بھی اسے یاد نہ رکھ

جو تجھے بھول گیا تُو بھی اسے یاد نہ رکھ

بہتے پانی پہ تمناؤں کی بنیاد نہ رکھ

چند لمحے مجھے سُکھ کے بھی عنایت کر دے

عمر ساری تو مِرے حال کو برباد نہ رکھ

یہ تِری چپ نہ تِرے درد کا درماں ہو گی

اپنے سینے میں دبا کر کوئی فریاد نہ رکھ

اپنی خوشیوں کا قاتل مجھے گردانتے ہیں

اپنی خوشیوں کا قاتل مجھے گردانتے ہیں

میری کوتاہی کو، بچے بھی مِرے جانتے ہیں

بادشاہی کے برابر اسے گردانتے ہیں 

تِری گلیوں کی اگر خاک بھی ہم چھانتے ہیں

دیکھئے کون سا دکھ آتا ہے دروازے پر 

آج کل ہم بھی بہت دل کا کہا مانتے ہیں

خود کش حملے سے مت سوچیں کس کو مارا جا سکتا ہے

خودکش حملے سے مت سوچیں کس کو مارا جا سکتا ہے 

یہ سوچیں، کہ کیسے اپنا دیس سنوارا جا سکتا ہے

کام پہ جانے والے باپ کے سینے سے لگ جاؤ بچو 

لاکھوں میلوں کی دوری پر باپ تمہارا جا سکتا ہے

میں یہ کب کہتا ہوں، آ کر میری موت پہ اشک بہاؤ 

لیکن رونے والوں جیسا، روپ تو دھارا جا سکتا ہے

وہاں بھی کال پڑا پیار کی صداؤں کا

وہاں بھی کال پڑا، پیار کی صداؤں کا 

کل ایک شخص ملا مجھ سے میرے گاؤں کا

بہت ہوا تو یہی نا، کہ ہار جاؤ گے 

مقابلہ تو کرو شہر کے خداؤں کا

یہاں بھی اپنا گزارا نہ ہو سکے شاید 

کہ یہ تو شہر ہی سارا ہے پارساؤں کا