دکھ سکھ تھا ایک سب کا اپنا ہو یا بیگانا

دُکھ سُکھ تھا ایک سب کا اپنا ہو یا بے گانا

اِک وہ بھی تھا زمانا، اک یہ بھی ہے زمانا

دادا حیات تھے جب، مٹی کا ایک گھر تھا

چوروں کا کوئی کھٹکا نہ ڈاکووں کا ڈر تھا

کھاتے تھے رُوکھی سُوکھی، سوتے تھے نیند گہری

شامیں بھری بھری تھیں، آباد تھی دوپہری

مرے مکان سے پہرا کبھی اٹھا ہی نہیں

 مِرے مکان سے پہرہ کبھی اٹھا ہی نہیں

میں بھاگ جاتا مجھے راستہ ملا ہی نہیں

ستم شعاروں کی موجودگی سے لگتا ہے

ابھی زمیِں پہ کوئی معرکہ ہوا ہی نہیں

ہوائیں کرتی ہیں کس منزِل مراد کا شور

گجر بجا ہی نہیں کارواں چلا ہی نہیں

پکارے جا رہے ہو اجنبی سے چاہتے کیا ہو

 پکارے جا رہے ہو اجنبی سے، چاہتے کیا ہو

خود اپنے شور میں گم آدمی سے چاہتے کیا ہو

یہ آنکھوں میں جو کچھ حیرت ہے کیا وہ بھی تمہیں دے دیں

بنا کر بُت ہمیں اب خامشی سے چاہتے کیا ہو

نہ اطمینان سے بیٹھو نہ گہری نیند سو پاؤ

میاں اس مختصر سی زندگی سے چاہتے کیا ہو

بلندی سے اتارے جا چکے ہیں

 بلندی سے اتارے جا چکے ہیں

زمیں پر لا کے مارے جا چکے ہیں

دکھائے بیچ دریا کون رستہ؟

فلک خالی ہے تارے جا چکے ہیں

معانی کیا رہے خودداریوں کے

کہ دامن تو پسارے جا چکے ہیں

اور آہستہ کیجیے باتیں دھڑکنیں کوئی سن رہا ہو گا

گیت

 اور آہستہ کیجیۓ باتیں

دھڑکنیں کوئی سن رہا ہو گا

لفظ گرنے نہ پائے ہونٹوں سے

وقت کے ہاتھ ان کو چن لیں گے

کان رکھتے ہیں یہ در و دیوار

راز کی ساری بات سن لیں گے

قریب آؤ کہ ان بیقرار راتوں میں

 پسِ چلمن

قریب آؤ کہ ان بے قرار راتوں میں

میری نگاہ، نئے خواب بُن رہی ہے آج

تمہارے ماتھے پہ، میری بجھی بجھی امید

کچھ ایسا لگتا ہے، افشاں سی چُن رہی ہے آج

تم اپنے جُوڑے میں گوندھو، میری اداس شبیں

میں اپنی نظم کے اشعار میں، پرو لوں تمہیں

ظفر مر جاؤں گا جس دن پریشانی سے نکلوں گا

بدن" کجلا گیا تو "دل" کی "تابانی" سے نکلوں گا"

میں سورج بن کے اک دن اپنی پیشانی سے نکلوں گا

نظر آ جاؤں گا میں آنسوؤں میں جب بھی روؤگے

مجھے "مٹی" کیا تم نے تو میں "پانی" سے نکلوں گا

تم آنکھوں سے مجھے جاں کے سفر کی مت اجازت دو

اگر اترا "لہو" میں پھر نہ "آسانی" سے نکلوں گا

میں نئے گھر میں بہت رویا پرانے کے لیے

میری اک چھوٹی سی کوشش تجھ کو پانے کے لیے

بن گئی ہے "مسئلہ" سارے "زمانے" کے لیے

ریت میری "عمر" میں بچہ نرالے میرے کھیل

میں نے دیواریں اٹھائی ہیں "گرانے" کے لیے

وقت ہونٹوں سے مرے وہ بھی کھرچ کر لے گیا

اک "تبسم" جو تھا دنیا کو "دکھانے" کے لیے

نکل تو آؤں سوالوں کی بھیڑ سے لیکن

نظم

نکل تو آؤں سوالوں کی بھیڑ سے لیکن
سوال یہ ہے کہ کس کس سوال سے نکلوں
ابھی تک نیند میں رہ رہ کے بچے چیختے ہیں
جو اس بستی پہ گزری آپ نے دیکھا نہیں کیا
آگ کس ہاتھ میں ہے کون دیتا ہے ہوا
کس کا کیا کھیل یہاں بستیاں جانتی ہیں

دیکھیں قریب سے بھی تو اچھا دکھائی دے

دیکھیں قریب سے بھی تو اچھا دکھائی دے

اک آدمی تو شہر میں ایسا دکھائی دے

اب بھیک مانگنے کے طریقے بدل گئے

لازم نہیں کہ ہاتھ میں کاسہ دکھائی دے

نیزے پہ رکھ کہ اور میرا سر بلند کر

دنیا کو اک چراغ تو جلتا دکھائی دے

مجھے نہ مانگ مرا ہاتھ مانگنے والے

مِرا قلم، مِرے جذبات مانگنے والے

مجھے نہ مانگ مِرا ہاتھ مانگنے والے

یہ لوگ کیسے اچانک امیر بن بیٹھے

یہ سب تھے بھیک مِرے ساتھ مانگنے والے

اٹھا سکے گا نہ سینے پہ یہ سیاہ پہاڑ

کچھ اور مانگ مِری رات مانگنے والے

کتنوں ہی کے سر سے سایہ جاتا ہے

کتنوں ہی کے سر سے سایہ جاتا ہے

جب اک پیپل کاٹ گرایا جاتا ہے

دھرتی خود بھی کھا جاتی ہے فصلوں کو

چڑیوں پر الزام لگایا جاتا ہے

پیاسوں سے ہمدردی رکھی جاتی ہے

بادل اپنے گھر برسایا جاتا ہے

اشک غم آنکھ سے باہر بھی نہیں آنے کا

اشکِ غم آنکھ سے باہر بھی نہیں آنے کا

ابر چھٹ جائیں وہ منظر بھی نہیں آنے کا

اب کے آغازِ سفر سوچ سمجھ کے کرنا 

دشت ملنے کا نہیں، گھر بھی نہیں آنے کا

ہائے، کیا ہم نے تڑپنے کا صِلہ پایا ہے 

ایسا آرام جو آ کر بھی نہیں آنے کا

زندگی نے مجھے سوغات انوکھی دی ہے

زندگی نے مجھے سوغات انوکھی دی ہے

تیشہ اک ہاتھ میں، اک ہاتھ میں سنبی دی ہے

کون جانے کہ ہوس جسم سے کیا کیا لے جاۓ

چور کے ہاتھ میں صندوق کی کنجی دی ہے

کتنی آسانی سے مشہور کِیا ہے خود کو

میں نے اپنے سے بڑے شخص کو گالی دی ہے

جب میری یاد ستائے تو مجھے خط لکھنا

گیت

جب میری یاد ستائے تو مجھے خط لکھنا

تم کو جب نیند نہ آئے تو مجھے خط لکھنا

نیلے پیڑوں کی گھنی چھاؤں میں ہنستا ساون

پیاسی دھرتی میں سمانے کو ترستا ساون

رات بھر چھت پہ لگاتار برستا ساون

دل میں جب آگ لگائے تو مجھے خط لکھنا

مجبوری کے موسم میں بھی جینا پڑتا ہے

گیت

مجبوری کے موسم میں بھی جینا پڑتا ہے

تھوڑا سا سمجھوتہ جانم کرنا پڑتا ہے

کبھی کبھی کچھ اِس حد تک بڑھ جاتی ہے لاچاری

لگتا ہے یہ جیون جیسے بوجھ ہو کوئی بھاری

دِل کہتا ہے روئیں، لیکن ہنسنا پڑتا ہے

مرا قلم مرے جذبات مانگنے والے

مِرا قلم، مِرے جذبات مانگنے والے

مجھے نہ مانگ ، مِرا ہاتھ مانگنے والے

یہ لوگ کیسے اچانک امیر بن بیٹھے

یہ سب تھے بھیک مِرے ساتھ مانگنے والے

اٹھا سکے گا نہ سینے پہ یہ سیاہ پہاڑ

کچھ اور مانگ مِری رات مانگنے والے

دن کو بھی اتنا اندھیرا ہے میرے کمرے میں

دن کو بھی اتنا اندھیرا ہے مِرے کمرے میں

سایہ آتے ہوئے ڈرتا ہے مِرے کمرے میں

غم تھکا ہارا مسافر ہے چلا جائے گا

کچھ دنوں کے لیے ٹهہرا ہے مِرے کمرے میں

صبح تک دیکھنا افسانہ بنا ڈالے گا

تجھ کو ایک شخص نے دیکھا ہے مِرے کمرے میں

ملے کسی سے نظر تو سمجھو غزل ہوئی

ملے کسی سے نظر تو سمجھو غزل ہوئی

رہے نہ اپنی خبر تو سمجھو غزل ہوئی

ملا کے نظروں کو والہانہ حیا سے پھر

جھکا لے کوئی نظر تو سمجھو غزل ہوئی

اِدھر مچل کر انہیں پکارے جنوں میرا

دھڑک اٹھے دل اُدھر تو سمجھو غزل ہوئی

دھوپ ہے کیا اور سایہ کیا ہے اب معلوم ہوا

دھوپ ہے کیا اور سایہ کیا ہے اب معلوم ہوا

یہ سب کھیل تماشا کیا ہے، اب معلوم ہوا

ہنستے پھول کا چہرہ دیکھوں اور بھر آئے آنکھ 

اپنے ساتھ یہ قصہ کیا ہے، اب معلوم ہوا

ہم برسوں کے بعد بھی ان کو اب تک بھول نہ پائے

دل سے ان کا رشتہ کیا ہے، اب معلوم ہوا