کوئی شفقت بھری سرکار نہیں ہے گھر میں

کوئی شفقت بھری سرکار نہیں ہے گھر میں

جب سے بابا کی وہ دستار نہیں ہے گھر میں

عمرکی بڑھتی تھکن سانس کی بیمار گھُٹن

ایک کمرہ بھی ہوا دار نہیں ہے گھر میں

دکھ سنائیں، کبھی گھبرائیں تو سر ٹکرائیں

اس طرح کی کوئی دیوار نہیں ہے گھر میں

بس کبھی دیکھی نہیں آنکھ کی لالی اس نے

مجھ سے لکنت ہوئی اور بات سنبھالی اس نے

بس کبھی دیکھی نہیں آنکھ کی لالی اس نے

وہ گلے ملتا ہے ملبوس بچا کر اپنا 

زندگی کیسی کلف دار بنا لی اس نے

اجنبی سمت میں پرواز تجسّس اس کا

دم بخود گھر سے الگ جھوک بسا لی اس نے

گھر کو گھر بنانے میں عمر بیت جاتی ہے

گھر کو گھر بنانے میں عمر بیت جاتی ہے

پھر مکان گرنے میں دیر کتنی لگتی ہے

انگلیوں کی پوروں میں کرچیاں اترتی ہیں

کانچ کے بکھرنے میں دیر کتنی لگتی ہے

عمر کیسے ڈھلتی ہے موت کیسے پلتی ہے

چار دن گزرنے میں دیر کتنی لگتی ہے

عشق کا گھاؤ جان میں رکھ کر بھول گئی

عشق کا گھاؤ جان میں رکھ کر بھول گئی

خود کو آتش دان میں رکھ کر بھول گئی

کچھ آنسو تو آنکھوں میں چھپ جاتے ہیں

کچھ آنسو مسکان میں رکھ کر بھول گئی

کمرے میں کچھ سائے ناچتے رہتے ہیں

سورج روشن دان میں رکھ کر بھول گئی

یہ دستک اور یہ در میرا نہیں ہے

یہ دستک اور یہ در میرا نہیں ہے

اب اس بستی میں گھر میرا نہیں

میں کس بارود میں بکھری پڑی ہوں

یہ دھڑ میرا ہے، سر میرا نہیں ہے

مجھے میرے حوالے کر گیا ہے

تو کیا ہے وہ اگر میرا نہیں ہے

معبود تجھ سے ایک جبِیں چاہیے مجھے

معبود تجھ سے ایک جبیں چاہیے مجھے

پھر اس کے بعد کچھ بھی نہیں چاہیے مجھے

تیرے جہاں پہ اپنا جہاں کیوں میں وار دوں

کوئی بہشت ہے، تو یہیں چاہیے مجھے

پرواز کیا کروں کسی بنجر فلک پہ میں

اڑنے کے واسطے بھی زمیں چاہیے مجھے

دن ہوا اور روشنی ہی نہیں

دن ہوا اور روشنی ہی نہیں

چاند نکلا تو چاندنی ہی نہیں

بیچ جنگل میں راہ بھولی تھی

لوٹ کر گھر کبھی گئی ہی نہیں

حال اور ماضی ایک جیسے ہیں

وقت سے میری دوستی ہی نہیں

بے ثمر موسموں میں جنمی ہوں

بے ثمر موسموں میں جنمی ہوں

زرد پتوں کا دکھ سمجھتی ہوں

رفتگاں بھید اوڑھ لیتے ہیں

اپنے ابا کی قبر ڈھونڈتی ہوں

میرا بچپن بچھڑ گیا مجھ سے

اک سہیلی سے روٹھ بیٹھی ہوں

کر کے اسیر جسم سزا دی گئی مجھے

کر کے اسیر جسم سزا دی گئی مجھے

یوں عمر بھر کی قید سنا دی گئی مجھے

اڑتی رہی فلک پہ ستاروں کی اوڑھنی

سر سے بہت ہی دور رِدا دی گئی مجھے

اوپر تلے ہیں سنگِ حیات اور سنگِ مرگ

چکی کے دونوں پاٹ میں جا دی گئی مجھے

خدا کی نظروں سے گر گئے جو

خدا کی نظروں سے گر گئے جو

مِرے وطن

میری بے بس اداس دھرتی

مِرے پشاور کے نونہال آج

اپنی ماؤں کی گود کو چھوڑ

تیری گودی میں چھپ گئے ہیں

وہ ڈر گئے ہیں

روداد میرے مرنے کی آغاز سے کہنا

روداد میرے مرنے کی آغاز سے کہنا
وہ رو نہ پڑے سُن کے اس انداز سے کہنا
کچھ پَل ہمیں تقریبِ محبت میں ملے تھے
ان کا نہ کہیں ذکر ہو ہمراز سے کہنا
ذروں میں ستاروں میں چراغوں کی لووں میں
ہم اس کے تھے اس کے ہی رہے ناز سے کہنا

اب ہمیں ترک تعلق کے نئے گہنے دے

اب ہمیں ترکِ تعلق کے نئے گہنے دے
اشک کو آنکھ میں حیران پڑا رہنے دے
ہم تِرے دل کے مہاجر ہیں ہمیں حوصلہ دے
آخری بار جو کہنا تھا وہ سب کہنے دے
فون بے کار ہے چپ چاپ پڑا رہتا ہے
ایک گھنٹی سی بلاتی ہے مگر رہنے دے

سیکنڈ ہینڈ

سیکنڈ ہینڈ

دن بھر کی سانسوں کو مجھ سے

چھین لیا

پھر مجھے ہراساں چھوڑ گیا

آج کا دن بھی 

کل جیسا تھا

شہناز پروین سحر

ایک اور آخری دن

ایک اور آخری دن

ان پڑھ
جاہل
گھامڑ عورت
تیرے ساتھ اب ایک بھی پل
میں نہیں رہوں گا