اظہار حال سن کے ہمارا کبھی کبھی

اظہار حال سن کے ہمارا کبھی کبھی 

وہ بھی ہوئے ہیں انجمن آرا کبھی کبھی 

میں اور عرض شوق مِری کیا مجال ہے 

ہوتا ہے اس طرف سے اشارا کبھی کبھی 

راہِ طلب میں اور کوئی رہنما نہیں

دیتی ہیں لغزشیں ہی سہارا کبھی کبھی 

کس کے نغمے گونجتے ہیں زندگی کے ساز میں

کس کے نغمے گونجتے ہیں زندگی کے ساز میں

اک نئی آواز♯ شامل ہے مِری آواز♯ میں

میرے گھر میں چھا رہی تھی شام غم کی تیرگی

جب اجالا🌞 ہو رہا تھا جلوہ گاہِ ناز میں

میں اگر خاموش ہوں خاموش رہنے دیجیے

میری خاموشی سے کیا کیا حادثے ہیں راز میں

سرد آہوں نے میرے زخموں کو آباد کیا

سرد آہوں نے میرے زخموں کو آباد کِیا

دل کی چوٹوں نے جو رہ رہ کے تجھے یاد کیا

مہربانی میرے صیاد کی دیکھے کوئی

جب خزاں آئی، مجھے قید سے آزاد کیا

محفلِ ناز سے لایا جو یہاں تک ان کو

تُو نے یہ کام عجب اے دلِ ناشاد کیا

ہر وہ ہنگامہ ناگہاں گزرا

ہر وہ ہنگامہ ناگہاں گزرا 

دو دلوں کے جو درمیاں گزرا 

تم کسی کے نہیں زمانے میں

ہم کو ایسا بھی اک گماں گزرا

جو محبت  میں ہم پہ گزرا ہے

تم پہ وہ وقت بھی کہاں گزرا

اہل دل کے سوا کسے معلوم

اہلِ دل کے سوا کسے معلوم

درد خود ہے دوا کسے معلوم

شامِ فرقت وہ میرے پاس رہے

کون آیا گیا، کسے معلوم

ان سے پہلے ہوئے ہیں ہم رخصت

کب ہوئے وہ جدا کسے معلوم

درد فرقت کو جگا لیں تو چلے جائیے گا

درد فرقت کو جگا لیں تو چلے جائیے گا

زندگی دل کی بڑھا لیں تو چلے جائیے گا

دیکھیے بات سمجھنے کی ہے، کہنے کی نہیں

بات ست بات بنا لیں تو چلے جائیے گا

ہر گھڑی درد کا انداز بدل جاتا ہے

دو گھڑی دل کو سنبھالیں تو چلے جائیے گا

آتی ہے حال دل پہ ہنسی کم بہت ہی کم

آتی ہے حال دل پہ ہنسی کم بہت ہی کم

ملتی ہے زندگی میں خوشی کم بہت ہی کم

اب تک تو وہ زندگی کی ضرورت نہ بن سکی

وہ اک خلش جو دل میں رہی کم بہت ہی کم

آئینہ دیکھ کر جو وہ دیکھا کیے مجھے

ان سے مِری نگاہ ملی کم بہت ہی کم

ان کو غم کا آخری قصہ سنا کر رو دئیے

ان کو غم کا آخری قصہ سنا کر رو دئیے

ضبط کر کے مسکرائے، مسکرا کر رو دئیے

آج اپنی بے کسی کا ہو گیا ہم کو یقین

دِل کو دیکھا اور انہیں دل میں نہ پا کر رو دئیے

آ گئیں گزری ہوئی باتیں نظر کے سامنے

آنکھ اٹھا کر ان کو دیکھا، سر جھکا کر رو دئیے

شب ہجر وہ دمبدم یاد آئے

شبِ ہجر وہ دم بدم یاد آئے

بہت یاد آ کر بھی کم یاد آئے

اک ایسا بھی گزرا ہے فرقت میں‌ عالم

نہ تم یاد آئے نہ ہم یاد آئے

کرم پر فدا دیدہ و دل تھے لیکن

کرم سے زیادہ ستم یاد آئے

وہ جو مہمان بنے بیٹھے ہیں

وہ جو مہمان بنے بیٹھے ہیں

میرا ایمان بنے بیٹھے ہیں

کر کے رسوائے زمانہ مجھ کو

کتنے انجان بنے بیٹھے ہیں

اپنی زلفوں کو بنانے والے

کیوں پریشان بنے بیٹھے ہیں