آپ کو گر خیالِ وعدۂ باہم رہے
مبتلائے آرزو کیوں مبتلائے غم رہے
کر تڑپنے میں مدد اے دل کہ ٹھانی ہم نے ہے
آج قیدِ غم رہے، یا مبتلائے غم رہے
پھر وہی آشفتگی ہو، پھر وہی دیوانگی
دل پہ یا رب! پھر جنونِ عشق کا عالم رہے
اس پشیمانی پہ قرباں کیا کروں جاں بھی نہیں
میرے مر جانے پہ کوئی مبتلائے غم رہے
پھر وہی رنگِ پرستش ہے وہی طرزِ وفا
پھر کسی کے آستاں پر اپنی گردن خم رہے
تاب لاؤں دید کی کیفی یہ ممکن ہے کہاں
نیّر تاباں کے آگے قطرۂ شبنم رہے
کیفی مہکری
عبدالرشید خان
No comments:
Post a Comment