اے ہوا کے راہیو بادلوں کے ساتھیو

 اے ہوا کے راہیو بادلوں کے ساتھیو (ترانۂ فضائیہ)

اے ہوا کے راہیو بادلوں کے ساتھیو

پرفشاں مجاہدو

تم وطن کی لاج ہو

پاک سرزمین کی

اپنی جاں پہ کھیل کے

تم بنے سلامتی

مرے لیے تری نظروں کی روشنی ہے بہت

 مِرے لیے تِری نظروں کی روشنی ہے بہت

کہ دیکھ لوں تجھے پل بھر مجھے یہی ہے بہت

یہ اور بات کہ چاہت کے زخم گہرے ہیں

تجھے بھلانے کی کوشش تو ورنہ کی ہے بہت

کچھ اس خطا کی سزا بھی تو کم نہیں ملتی

غریب شہر کو اک جرم آگہی ہے بہت

کس کو ہو گا ترے آنے کا پتا میرے بعد

 کس کو ہو گا تِرے آنے کا پتہ میرے بعد

کون سن پائے گا لمحوں کی صدا میرے بعد

جس سے یادوں کے شبستان مہک اٹھتے تھے

اسی خوشبو کو ترستی ہے صبا میرے بعد

میں تو اک رقص تھا کچھ رنگ بھرے ذروں کا

راز یہ اہل زمانہ پہ کھلا میرے بعد

اڑتی ہے دل کے فرش پر بیتے دنوں کی راکھ

 اڑتی ہے دل کے فرش پر بیتے دنوں کی راکھ

میں ہوں تِرا خیال ہے اور سگرٹوں کی راکھ

بدلا جو سال ہم کو بھی سب نے بھلا دیا

ہم تھے کہ گزرے سال کے کیلنڈروں کی راکھ

گلیاں بھی سوچ میں ہیں دریچے بھی محو ہیں

وہ کون تھا بکھیر گیا جو دلوں کی راکھ

اونے پونے غزلیں بیچیں نظموں کا بیوپار گیا

اونے پونے غزلیں بیچیں، نظموں کا بیوپار گیا

دیکھو ہم نے پیٹ کی خاطر کیا کیا کاروبار کیا

اس بستی کے لوگ تو تھے سب چلتی پھرتی دیواریں

ہم نے رنگ لٹاتی شب سے، اجلے دنوں سے پیار کیا

ذہن سے اک اک کر کے تیری ساری باتیں اتر گئیں

کبھی کبھی تو وقت نے ہم کو ایسا بھی ناچار کیا

سن سکے تو سن لے یہ آخری کہانی ہے

سن سکے تو سن لے یہ آخری کہانی ہے

وقت کی صدا ہے یہ وقت کی کہانی ہے

بھولنا بھی چاہو گی تو بھلا نہ پاؤ گی

پیڑ پیڑ پر لکھی اب میری کہانی ہے

اہل دل ہی کہتے ہیں اہل دل ہی سنتے ہیں

چاند ایک نغمہ ہے چاندنی کہانی ہے

اک سمندر شہر کو آغوش میں لیتا ہوا

اک سمندر شہر کو آغوش میں لیتا ہوا

اک سمندر تیرے میرے درمیاں پھیلا ہوا

ایک جنگل جس میں انساں کو درندوں سے ہے خوف

ایک جنگل جس میں انساں خود سے ہی سہما ہوا

ایک دریا جو بجھا دیتا ہے میدانوں کی پیاس

ایک دریا خواہشوں کی پیاس کا چڑھتا ہوا

کتنے کم ظرف تھے رحمت بھی نہ سنبھلی ہم سے

کتنے کم ظرف تھے رحمت بھی نہ سنبھلی ہم سے

پوچھتی رہتی ہے ڈوبی ہوئی دھرتی ہم سے

بِن بتائے ہی چلا آیا ہے گھر پر ملنے

جان پہچان ہے دریا کی پرانی ہم سے

جب میسر تھی سرِ عام چھلکنے دی تھی

پھر گریزاں ہی رہے جام و صراحی ہم سے

جب تلک جوش جنوں عشق پہ حاوی نہ ہوا

جب تلک جوشِ جنوں عشق پہ حاوی نہ ہوا
کوئی بھی کام محبت میں مثالی نہ ہوا
مشورہ "ترکِ" تعلق کا "دیا" تھا اس نے
میں تو راضی تھا، مگر دل مِرا راضی نہ ہوا
فیصلے میں‌ بھی کِیا کرتا اسی کے حق میں
وہ تو اچھا ہوا، اس دور کا قاضی نہ ہوا

دل کا عجیب حال ہے تیری صدا کے بعد

دل کا عجیب حال ہے تیری صدا کے بعد
جیسے کہ آسمان کا منظر گھٹا کے بعد
کیا کیا نقوش ہم نے ابھارے تھے ریت پر
باقی رہا نہ کوئی بھی وحشی ہوا کے بعد
بکھری ہوئی تھین چارسو پھولوں کی پتیاں
گلشن سنور سنور گیا تھا باد صبا کے بعد

چاند تارے جب آنگن سے گزرتے ہوں گے

چاند تارے جب آنگن سے گزرتے ہوں گے
شامؔ وہ لوگ ہمیں یاد تو کرتے ہوں گے
ایک یہ صبح کہ ویراں ہے گزرگاہِ خیال
ایک وہ صبح جہاں بال سنورتے ہوں گے
جب کبھی چوڑیاں ٹکرا کے کھنکتی ہوں گی
گھر کی تنہائی میں کیا رنگ بکھرتے ہوں گے

پھر موسم خیال کی ٹھنڈی ہوا چلی

پھر موسم خیال کی ٹھنڈی ہوا چلی
پھر پھیلنے لگی تِری خوشبو گلی گلی
دل کیف انتظار میں یوں ڈھل کے رہ گیا
پانی میں جیسے گھل گئی ہو برف کی ڈلی
کتنے مکان جھانکتی پھرتی ہے چاندنی
کیا جانے کس کو ڈھونڈتی پھرتی ہے منچلی

لکھ اپنی ڈائری میں کبھی میرا نام بھی

لکھ اپنی ڈائری میں کبھی میرا نام بھی
ان رنگ رنگ لفظوں میں اک سادہ نام بھی
دن تھے کہ تیری کار کا نمبر بھی یاد تھا
اب ہیں کہ ہم کو بھول گا اپنا نام بھی
گرمی تھی وہ مکان کا سب کچھ جھلس گئی
دل کا ورق بھی راکھ ہوا ،اس کا نام بھی

پھول بن کر تری ہر شاخ پہ کھلتا میں تھا

پھول بن کر تِری ہر شاخ پہ کھلتا میں تھا
خُوشبوئیں تُجھ میں اُترتی تھیں، مہکتا میں تھا
میری سانسوں میں گھُلی تھیں تِری صُبحیں شامیں
تیری یادوں میں گُزرتا ہوا عرصہ میں تھا
شور تھا جیسے سمندر میں ہو گِرتا دریا
اور جب غور سے دیکھا تو اکیلا میں تھا

تو معمہ ہے تو حل اس کو بھی کرنا ہے مجھے

تُو مُعمہ ہے تو حل اس کو بھی کرنا ہے مُجھے
تُو سمندر ہے تو پھر تہ میں اترنا ہے مجھے
تُو نے سوچا تھا کہ جلووں سے بہل جاؤں گا
ایسے کتنے ہی سرابوں سے گزرنا ہے مُجھے
قہر جتنا ہے تیری آنکھ میں برسا دے، مگر
اسی گرداب میں پھنس کر تو ابھرنا ہے مجھے

ہر نظر پیار تو ہر لب پہ ہنسی مانگتے ہیں

ہر نظر پیار تو ہر لب پہ ہنسی مانگتے ہیں

 ہم تو ہر مانگ ستاروں سے بھری مانگتے ہیں

 پھول تو خوب ہی لگتے ہیں جہاں چاہیں کِھلیں

 ہم تو سرحد بھی گلابوں سے لدی مانگتے ہیں

 ہم بھی کیا لوگ ہیں نفرت کے شجر بَو بَو کر

 آسمانوں سے محبت کی جَھڑی مانگتے ہیں