تمہاری جانب بھی کیا یونہی بدحواس آتی ہے تم سناؤ

 تمہاری جانب بھی کیا یونہی بدحواس آتی ہے تم سناؤ

یہاں کہیں سے ہوا بھی آئے اداس آتی ہے تم سناؤ

تمہیں بتایا تھا پیڑ پودوں کا رنگ تبدیل ہو رہا ہے

اور اب درختوں کے خشک پتوں سے باس آتی ہے تم سناؤ

میں کیا سناؤں کہ میرے جیسی سدا کی بنجر زمین پر بھی

تمہارے جیسوں کے بول پڑنے سے گھاس آتی ہے تم سناؤ

ورنہ ویسے تو کسی سے بھی بگڑ سکتا ہوں

 ورنہ ویسے تو کسی سے بھی بگڑ سکتا ہوں

سامنے تو ہے بھلا تجھ سے بھی لڑ سکتا ہوں

میرا پھیلاؤ ہے مشروط جگہ سے ورنہ

وقت پڑ جانے پہ اتنا ہی سکڑ سکتا ہوں

میں نے اک بار اسے ہاتھ لگا کر دیکھا

پھر یقیں آیا کہ خوشبو کو پکڑ سکتا ہوں

کسی کو جھوٹی نمائشوں کا کسی کو شہرت کا مسئلہ ہے

 کسی کو جھوٹی نمائشوں کا کسی کو شہرت کا مسئلہ ہے

ہمیں سلیقے سے شعر کہنے کا، اور محبت کا مسئلہ ہے

بقایا بے شک نظر میں رکھو نگاہ چہرے پہ مت ٹکانا

وہ بات یہ ہے کہ میری آنکھوں کو تھوڑا وحشت کا مسئلہ ہے

اتر رہی ہیں جو آسماں سے بلائیں سیدھے ہمارے سر پر

تمہیں دکھا بھی نہیں سکیں گے، یہی تو قامت کا مسئلہ ہے

سب لوگ کہانی میں ہی مصروف رہے تھے

 سب لوگ کہانی میں ہی مصروف رہے تھے

دراصل اداکار حقیقت میں مرے تھے

جاتے ہوئے کمرے کی کسی چیز کو چھو دے

میں یاد کروں گا کہ تیرے ہاتھ لگے تھے 

آنکھیں بھی تِری فتح نہ کر پائے ابھی تک

کس لمحۂ بے کار میں ہم لوگ بنے تھے

پہلے پہلے نہیں لگتی تھی ابھی لگتی ہے

 پہلے پہلے نہیں لگتی تھی ابھی لگتی ہے

شام ہوتی ہے تو دیوار بڑی لگتی ہے

دن میں سو بار تو کرتا ہوں مکمل خود کو

پھر بھی دیکھو تو کسی شئے کی کمی لگتی ہے

چاہے کچھ دیر سہی لازمی شئے ہے رونق

گھر میں ہر وقت بھی ویرانی بری لگتی ہے

نہ راستے میں ملا ہوں نہ گھر گیا ہوں میں

 نہ راستے میں مِلا ہوں نہ گھر گیا ہوں میں

تمہیں پتہ ہے، بتاؤ کدھر گیا ہوں میں؟

اسی کو میری محبت کا معجزہ سمجھو

کہ تم نے مر ہی کہا اور مر گیا ہوں میں

میں ایک وقت تھا مجھ کو پُکار مت پگلی

کہ لوٹ سکتا نہیں، اب گزر گیا ہوں میں

پسر کی لاش کو خیمے میں کیسے لائے حسین

 عارفانہ کلام منقبت سلام مرثیہ بر امام حسین

پسر کی لاش کو خیمے میں کیسے لائے حسینؑ

یہ سوچتا ہوں تو کہتا ہوں؛ ہائے ہائے حسین

میرے حسین نے جب سے مدینہ چھوڑا ہے

کسی نے دیکھا نہیں ہے کہ مسکرائے حسین

چراغ بُجھ کے جلا ہے تو یہ ہوا ثابت

وہ چھوڑ کر نہیں جاتا جسے بلائے حسین

ڈرا ہوا ہوں تبھی تو سمٹ کے آیا ہوں

 ڈرا ہوا ہوں تبھی تو سمٹ کے آیا ہوں

میں اک چراغ کی لو سے لپٹ کے آیا ہوں

نجانے کون سے رستے میں شام ہو گئی ہے

اسے ملا ہوں، نہ واپس پلٹ کے آیا ہوں

کبھی کسی کو میں یکلخت بھی میسر تھا

تمہارے پاس تو حصوں میں بٹ کے آیا ہوں

کبھی کبھی تو نہ ہو گی کبھی ہوا کرے گی

 کبھی کبھی تو نہ ہو گی کبھی ہُوا کرے گی

ضرور تجھ کو کسی کی کمی ہوا کرے گی

رہے گی ایسے ہی رونق تیرے محلے کی

گزرنے والے نہ ہوں گے گلی ہوا کرے گی

جو ہم نہ ہوں گے تو پھر کون تم سے مانگے گا

تمہیں ہماری ضرورت سخی! ہوا کرے گی

نہ راستے میں ملا ہوں نہ گھر گیا ہوں میں

 نہ راستے میں ملا ہوں نہ گھر گیا ہوں میں

تمہیں پتہ ہے، بتاؤ، کدھر گیا ہوں میں؟

اسی کو میری محبت کا معجزہ سمجھو

کہ تم نے مر ہی کہا اور مر گیا ہوں میں

میں ایک وقت تھا مجھ کو پکار مت پگلی

کہ لوٹ سکتا نہیں، اب گزر گیا ہوں میں

رفیق سمجھا گیا دشمنی میں مارا گیا

 رفیق سمجھا گیا، دشمنی میں مارا گیا

مجھے پتہ تو چلے کس خوشی میں مارا گیا

میں کہہ رہا ہوں بھرے شہر سے گواہی لو

میں کہہ رہا ہوں مجھے روشنی میں مارا گیا

ٹھکانا جس کا جہاں تھا، اسے وہیں رکھا

چنانچہ سر تیری دیوار ہی میں مارا گیا

آدھا حصہ بھیج رہا ہوں صرف کہانی کاروں پر

 آدھا حصہ بھیج رہا ہوں صرف کہانی کاروں پر

باقی لعنت سچ کو روکنے والے سب کرداروں پر

جانے کیا آفت اتری ہے دل کو چین نہیں آتا

درگاہوں پر دھاگے باندھے منت دی درباروں پر

سارے جنگل چھان لیے ہیں سارے صحرا دیکھ لیے

دنیا پھر بھی تنگ رہی ہے تیرے تابعداروں پر

وہ شخص جس کی حفاظتوں میں ہمارے بازو کٹے ہوئے تھے

 وہ شخص جس کی حفاظتوں میں ہمارے بازو کٹے ہوئے تھے

پلٹ کے دیکھا تو اس کے ہاتھوں کو ہاتھ پھر بھی لگے ہوئے تھے

تمہارے پاؤں کا لمس پا کر ہی ان میں بڑھوتری ہوئی ہے

تمہارے آنے سے پہلے پودوں کے قد وہیں پر رکے ہوئے تھے

ہمیں تو پردیس میں یہ خواہش تھی سب کو روئیں گے نام لے کر

پلٹ کے آئے تو اپنی قبروں کے سارے کتبے مٹے ہوئے تھے

پیاسے چہروں پر لگتے ہیں خالی ہاتھ دعاؤں کے

 پیاسے چہروں پر لگتے ہیں خالی ہاتھ دعاؤں کے

پھر بھی کون سمجھ سکتا ہے دکھ سوکھے دریاؤں کے

جتنی بار لکھا ہے میں نے تیرا نام درختوں پر

تجھ کو نام سے جانتے ہوں گے پنچھی میرے گاؤں کے

اپنی مرضی کرنے والے ان کی بات نہیں سنتے

ہم جیسوں پر چل جاتے ہیں سارے زور خداؤں کے

وحشت تو کیا سوچ کے مجھ سے حصہ مانگنے آئی ہے

 وحشت تو کیا سوچ کے مجھ سے حصہ مانگنے آئی ہے

میرے پاس تو خود اپنی مقدار سے کم تنہائی ہے

کس نے سوچا عشق کے کھیل میں اس کا ساتھ نبھاؤں گا 

کس نے میرا نام پکارا؟، کس کی شامت آئی ہے؟

تم اب قیس کی شہرت دیکھنے لگ جاؤ تو مرضی ہے

ورنہ میں نے کچھ دن اس سے اچھی خاک اڑائی ہے

حد سے بڑھ کر ہو تو ویرانی سے خوش ہوتے ہیں

 حد سے بڑھ کر ہو تو ویرانی سے خوش ہوتے ہیں

ہم کسی شئے کی فراوانی سے خوش ہوتے ہیں

ایک تو ہے جسے اچھے سے سمجھ کر خوش ہیں

ورنہ ہم لوگ تو حیرانی سے خوش ہوتے ہیں

جب بھی ہم لوگ ہنسیں، ہم کو دلاسہ دینا

ہم کسی اپنی پریشانی سے خوش ہوتے ہیں

زمیں پہ آدمی جیسا خدا نہیں آیا

 نظر تو آیا مگر جا بجا نہیں آیا

زمیں پہ آدمی جیسا خدا نہیں آیا

بہاؤ لایا ہے اس کو کنارے کی جانب

وہ شخص میری طرف تیرتا نہیں آیا

اک اور بار بچھڑ کر نہ دیکھ لیں دونوں

یہ زخم اب بھی ہمیں ایک سا نہیں آیا

مکھ اجلا آنکھیں متوالی میرے یار کے لب یاقوتی ہو

 مُکھ اُجلا، آنکھیں متوالی، میرے یار کے لب یاقُوتی ہو

گرے تال پہ سرگم زلفوں کے قد اونچا چال اچُھوتی ہو

دل چین پڑے جی رقص کرے من میل جلے تن موج کرے

میری روح سے جسم کا بوجھ ہٹے ذرا ہاتھ لگا ملکُوتی ہو

تیرا جسم ہے دیوتا جسموں کا میرے ہاتھ پجاریوں والے ہیں

تیرا دامن پاک دو عالم سے، میرے دل میں بے کرتوتی ہو

آدھا حصہ بھیج رہا ہوں صرف کہانی کاروں پر

 آدھا حصہ بھیج رہا ہوں صرف کہانی کاروں پر

باقی لعنت سچ کو روکنے والے سب کرداروں پر

جانے کیا آفت اُتری ہے دل کو چین نہیں آتا

درگاہوں پر دھاگے باندھے منت دی درباروں پر

سارے جنگل چھان لیے ہیں سارے صحرا دیکھ لیے

دنیا پھر بھی تنگ رہی ہے تیرے تابعداروں پر

تمہارے جیسے تو ویسے بھی کم سمجھتے ہیں

 تمہارے جیسے تو ویسے بھی کم سمجھتے ہیں

ہمارے اپنے مسائل ہیں ہم سمجھتے ہیں

ہمارے سینے سے دنیا لپٹ کے روتی ہے

فقیر لوگ ہیں، لوگوں کا غم سمجھتے ہیں

تُو جتنے اشکوں سے گریہ گزار بنتا ہے

ہم اتنا رو لیں تو آنکھوں کو نم سمجھتے ہیں