تِرے خیال کی دُھونی رما کے بیٹھ گئے
ہم اس زمانے سے دامن بچا کے بیٹھ گئے
بلا کا شور تھا جیون ندی کے اُس جانب
ہم اس کنارے پہ چُپ چاپ آ کے بیٹھ گئے
اُٹھے تھے سیرِ چمن کے لیے مگر یہ کیا؟
وہ بزمِ غیر میں کاہے کو جا کے بیٹھ گئے
کچھ اس طرح کے بھی میخوار میکدے میں ہیں
کہ جھُوم جھام لیا، پی پلا کے بیٹھ گئے
جو چاہتے تھے مِرے حق میں بولنا اعزاز
لبوں پہ اُن کے بھی کچھ سانپ آ کے بیٹھ گئے
خالد اعزاز
No comments:
Post a Comment