خون دل لفظوں سے بہہ نکلے کلام ایسا تو ہو

 عارفانہ کلام حمد نعت منقبت

خونِ دل لفظوں سے بہہ نکلے کلام ایسا تو ہو

شعر میرا گنگنائیں خاص و عام ایسا تو ہو

چھوڑ کر امت نہ جو بھاگے امام ایسا تو ہو

مشکلیں جتنی پڑیں سب کر لے رام ایسا تو ہو

منہ سے تو ساحر کہیں لیکن امانت کے طفیل

ذہن و دل دونوں جھکیں خیرالانامﷺ ایسا تو ہو

وہ زخم دے کے مجھے اندمال پوچھے گا

 وہ زخم دے کے مجھے اندمال پُوچھے گا

تڑپتے دیکھے گا اور میرا حال پوچھے گا

مِری تو جتنی بھی گُزری ہے ہجر میں گُزری

تو مجھ سے کیا کوئی لُطفِ وِصال پوچھے گا

وہ جس کی چاہ میں سب کچھ لُٹا دیا میں نے

وہی تو زیست کا حاصل مآل پوچھے گا

تیرا ممدوح بھی دنیا میں ترا مرسل بھی

 عارفانہ کلام حمد نعت منقبت

تیرا ممدوح بھی دنیا میں تِرا مرسلﷺ بھی

حمد کرتا ہے جو کل نبیوں میں ہے افضل بھی

رحمتوں سے تِری کافر بھی اٹھاتے ہیں فیوض

رحمتیں تیری ہیں انساں کے لیے مشعل بھی

دو عدد پاؤں نے جینا مِرا با معنی کیا

دیکھا مکّہ بھی، مدینہ بھی، نجف، کربل بھی

میری کمیوں کا تماشہ نہیں ہونے دیتا

 عارفانہ کلام حمد نعت منقبت

میری کمیوں کا تماشہ نہیں ہونے دیتا

میرا مولا مجھے رُسوا نہیں ہونے دیتا

دل میں ایک نُور جگا دیتا ہے عشق احمدﷺ

شِرک و باطل کا اندھیرا نہیں ہونے دیتا

دُشمن آلؑ نبیﷺ بخت کا مارا ٹھہرا

اپنی فکروں میں اُجالا نہیں ہونے دیتا

وہ ہم خیال نہیں پھر بھی ساتھ چلتا ہے

 وہ ہم خیال نہیں پھر بھی ساتھ چلتا ہے

یہی تضاد تو جیون میں رنگ بھرتا ہے

میں اس کی رائے سے کچھ اتنا مطمئن بھی نہیں

مُہر بہ لب ہوں کہ سِکہ اسی کا چلتا ہے

میں اک چراغ تھا طوفاں سے دوستی کر لی

خِرد نہ سمجھے اسے پر جنوں سمجھتا ہے