نقاب حسیناں کی جالی ملی ہے

ہمیں آج پیروں سے شالی ملی ہے

زمانے سے لیکن نرالی ملی ہے

نہیں دھان میں ایک چاول کا دانہ

صراحی ملی ہے یہ خالی ملی ہے

"ہتھو کتھ و تھرن زمستان چھوا یوں"

کہ شالی میں آدھی پلالی ملی ہے

دل ہے اور دل کی جرأت پرواز

جب سے تیرا کرم ہے بندہ نواز

سوز ہے سوز اور نہ ساز ہے ساز

میں ہوں اور میری بے پر و بالی

دل ہے اور دل کی جرأتِ پرواز

حسن کی برہمی،۔ معاذ اللہ

گیسوؤں کے بکھرنے کا انداز

محبت کس قدر یاس آفریں معلوم ہوتی ہے

محبت کس قدر ”یاس آفریں“ معلوم ہوتی ہے 

تِرے ہونٹوں کی ہر جنبش ”نہیں“ معلوم ہوتی ہے

یہ کس کے آستاں پر مجھ کو ذوقِ سجدہ لے آیا

کہ آج اپنی جبیں، اپنی جبیں معلوم ہوتی ہے

محبت تیرے جلوے کتنے رنگا رنگ جلوے ہیں

کہیں محسوس ہوتی ہے، کہیں معلوم ہوتی ہے

یہ مایوسی کہیں وجہ سکون دل نہ بن جائے

یہ مایوسی کہیں وجہِ سکون دل نہ بن جائے

غمِ بے حاصلی ہی عشق کا حاصل نہ بن جائے

مدد اے جذبِ دل! راہِ محبت سخت مشکل ہے

خیالِ دورئ منزل، کہیں منزل نہ بن جائے

نہیں ہے دل تو کیا پہلو میں ہلکی سی خلِش تو ہے

یہ ہلکی سے خلِش ہی رفتہ رفتہ، دل نہ بن جائے

اس طرح کر گیا دل کو مرے ویراں کوئی

اس طرح کر گیا دل کو مِرے ویراں کوئی

نہ تمنا کوئی باقی ہے نہ ارماں کوئی

ہر کلی میں ہے تِرے حسن دل آرأ کی نمود

اب کے دامن ہی بچے گا نہ گریباں کوئی

مے چکاں لب، نظر آوارہ، نگاہیں گستاخ

یوں مِرے پہلو سے اٹھا ہے غزلخواں کوئی

دشمن جوانیوں کی یہ آشنائیاں ہیں

دشمن جوانیوں کی یہ آشنائیاں ہیں

ان آشنائیوں میں کیا برائیاں ہیں

حسرتؔ کہو کہ کس سے آنکھیں لڑائیاں ہیں

ہونٹوں پہ سرد آہیں، منہ پہ ہوائیاں ہیں

یا دل ستانیاں تھیں یا مہربانیاں تھیں

یا کج ادائیاں ہیں، یا بے وفائیاں ہیں

دل بلا سے نثار ہو جائے

دل بلا سے نثار ہو جائے

آپ کو اعتبار ہو جائے

قہر تو بار بار ہوتا ہے

لطف بھی ایک بار ہو جائے

زندگی چارہ سازِ غم نہ سہی

موت ہی غم گسار ہو جائے

آؤ حسن یار کی باتیں کریں

آؤ حسنِ یار کی باتیں کریں

زلف کی رخسار کی باتیں کریں

زلفِ عنبر بار کے قصے سنائیں

طرۂ طرار کی باتیں کریں

پھول برسائیں بساطِ عیش پر 

روزِ وصلِ یار کی باتیں کریں

باغوں میں پڑے جھولے

باغوں میں پڑے جھولے

تم بھول گئے ہم کو 

ہم تم کو نہیں بھولے

یہ رقص ستاروں کا

سن لو کبھی افسانہ 

تقدیر کے ماروں کا

یارب غم ہجراں میں اتنا تو کیا ہوتا

یارب! غمِ ہجراں میں اتنا تو کیا ہوتا
جو ہاتھ جگر پر ہے وہ دستِ دعا ہوتا
اک عشق کا غم آفت اور اس پہ یہ دل آفت
یا غم نہ دیا ہوتا،۔۔ یا دل نہ دیا ہوتا
ناکامِ تمنا دل، اس سوچ میں رہتا ہے
یوں ہوتا تو کیا ہوتا، یوں ہوتا تو کیا ہوتا