اس طرح کر گیا دل کو مرے ویراں کوئی

اس طرح کر گیا دل کو مِرے ویراں کوئی

نہ تمنا کوئی باقی ہے نہ ارماں کوئی

ہر کلی میں ہے تِرے حسن دل آرأ کی نمود

اب کے دامن ہی بچے گا نہ گریباں کوئی

مے چکاں لب، نظر آوارہ، نگاہیں گستاخ

یوں مِرے پہلو سے اٹھا ہے غزلخواں کوئی

زلف برہم ہے، دل آشفتہ، صبا آوارہ

خوابِ ہستی سا نہیں خوابِ پریشاں کوئی

نغمۂ درد سے ہو جاتا ہے عالم معمور

اس طرح چھیڑتا ہے تارِ رگِ جاں کوئی

چراغ حسن حسرت