ہجر بھی وصل کی مانند مزا دیتا ہے
جب تصور تِری تصویر بنا دیتا ہے
تجھ سے بچھڑا ہوں تو یہ راز کھلا ہے مجھ پر
درد بڑھتا ہے جو حد سے، تو مزا دیتا ہے
تجھ کو معلوم ہے کیا مست نگاہوں والے
دل سرِ دشتِ وفا یاد سہارا کر کے
اک تماشا سا سرِ شام لگا دیتا ہے
عشق الزام نہیں، درد نہیں، ہار نہیں
عشق اعزاز ہے ہمدم! جو خدا دیتا ہے
تھام کر ہاتھ تِرے در سے اٹھاتا ہے شعور
پر جنوں پھر سے تِرے در پہ بٹھا دیتا ہے
خواب لاتے ہیں تِرے حسن کو یکجا کر کے
ہوش نا اہل ہے ہر نقش گنوا دیتا ہے
کوئی کب زینؔ نبھا پایا ہے ٹوٹے رشتے
کون پلکوں کے دریچوں سے صدا دیتا ہے
اشتیاق زین
No comments:
Post a Comment