مذکورہ تری بزم ميں کس کا نہيں آتا

مذکورہ تِری بزم ميں کس کا نہيں آتا

پر ذکر ہمارا نہيں آتا ۔۔۔ نہيں آتا

جينا ہميں اصلاً نظر اپنا نہيں آتا

گر آج بھی وہ رشکِ مسيحا نہيں آتا

کيا جانے اسے وہم ہے کيا ميرے طرف سے 

جو خواب ميں بھی رات کو نہيں آتا

بيجا ہے ولا اس کے نہ آنے کی شکايت

کيا کيجیے گا، فرمائيے، اچھا نہيں آتا

کس دن نہيں ہوتا قلق ہجر ہے مجھ کو

کس وقت مِرا منہ کو کليجہ نہيں آتا

ہم رونے پہ آ جائيں تو دريا ہی بہائيں

شبنم کی طرح سے ہميں رونا نہيں آتا

آنا ہے تو آ جا کہ کوئی دم کی ہے فرصت

پھر ديکھیے آتا ہے دم يا نہيں آتا

ہستی سے زيادہ کچھ آرام عدم ميں

جو جاتا ہے يہاں سے وہ دوبارہ نہيں آتا

دنيا ہے وہ صياد کہ سب دام ميں اس کے 

آ جاتے ہيں ۔۔ ليکن کوئی دانا نہيں آتا

جو کوچۂ قاتل ميں گيا، پھر وہ نہ آيا

کيا جانے مزہ کيا ہے، کہ جيتا نہيں آتا

قسمت ہی سے لاچار ہوں اے ذوقؔ وگرنہ

سب فن ميں ہوں ميں طاق مجھے کيا نہيں آتا​

ابراہیم ذوق