رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
میں نے اس کو خواب میں دیکھا اور نجانے کتنی دیر
میرے ہاتھ میں ہاتھ تھا اس کا اور نجانے کتنی دیر
دل کے دروازے پر اس کی یاد نے کل شب دستک دی
میں دیوار سے لگ کر رویا اور نجانے کتنی دیر
اک مدت کے بعد مرا احساس ہوا ہرجائی کو
یعنی مجھ کو دیر سے سمجھا اور نجانے کتنی دیر
میرے خوابوں کی تم حویلی ہو
تم میرا عشق ہو، سہیلی ہو
میں جماؤں ہتھیلی پر سرسوں
ہاتھ میں گر تِری ہتھیلی ہو
میں بنفشہ کا پُھول ہوں اور تم
میری محبوبہ ہو، چمیلی ہو
حریمِ ناز مِرا کعبہ اور حرم، تِرا غم
کسی حصار سے مجھ کو نہیں ہے کم ، ترا غم
بس اس نشانی سے پہچانتے ہیں لوگ مجھے
کہ میرے چہرے پہ ہے جا بجا رقم، ترا غم
کہ کارِعشق میں حاصل ہوا ہے کیا مجھ کو
کوئی جو پوچھے تو رکھ لیتا ہے بھرم، ترا غم
خُون روتے ہیں نین سرحد پر
روز لُٹتا ہے چین سرحد پر
ہم کو معلوم ہیں یہاں کے دُکھ
ہم جو رہتے ہیں عین سرحد پر
یہاں لاشے بچھائے جاتے ہیں
اور وہاں لین دین سرحد پر
زمیں کی پیاس بُجھاتے ہوئے لہُو کی قسم
ہم ایک ہوں گے شہیدانِ سرخرو کی قسم
چمن میں ایک نہ اک دن بہار آئے گی
ہے اس کو سینچے ہوئے خُون کی نمو کی قسم
جلے خیام کے صدقے تو روشنی کر دے
خُدایا! جلتے مکانوں کی آرزو کی قسم
کچھ کمی تو جہدِ آزادی میں ایسی رہ گئی
جو مِرے پاؤں میں یہ زنجیر اُلجھی رہ گئی
میرے اس کے درمیاں کھینچی گئی خونی لکیر
میں تڑپتا رہ گیا، اور وہ سسکتی رہ گئی
باڑ کے نزدیک مت جاؤ وہاں بارود ہے
ایک ممتا اپنے شہزادے سے کہتی رہ گئی
راگ تھم جائیں گے، شہنائی چلی جائے گی
بے سُری گیت میں پھر چھائی چلی جائے گی
میں تِرے ہجر میں یعقوبؑ کی آنکھوں کی طرح
اتنا روؤں گا کہ بینائی چلی جائے گی
میں چلا جاؤں گا لیکن اے مِرے پیرِ مغاں
تیرے مے خانے سے رعنائی چلی جائے گی
