حریم ناز مرا کعبہ اور حرم ترا غم

 حریمِ ناز مِرا کعبہ اور حرم، تِرا غم

کسی حصار سے مجھ کو نہیں ہے کم ، ترا غم 

بس اس نشانی سے پہچانتے ہیں لوگ مجھے

کہ میرے چہرے پہ ہے جا بجا رقم، ترا غم

کہ کارِعشق میں حاصل ہوا ہے کیا مجھ کو

کوئی جو پوچھے تو رکھ لیتا ہے بھرم، ترا غم

وفورِ درد سے میں چُور ہو کے گھٹتا گیا 

مجھے وجود سے کرتا رہا عدم، ترا غم

غزل کے پودے کی کرتا ہے آبیاری بہت

غذا کے ساتھ اسے دے رہا ہے نم، ترا غم 

سید جواد حاشر