آج گھبرا کے پھر وحشتِ ذات سے

آج گھبرا کے پھر وحشتِ ذات سے

روشنی مانگ لی ہے سیہ رات سے

پارہ پارہ ہوئی خامشی حال کی

شور اٹھا وہ یادوں کی بارات سے

بے ہنر اہلِ زر نامور ہو گئے

وہ جو واقف نہیں تھے کمالات سے

کیسے موسم کی لائی خبر یہ ہوا

اڑ گئے سب پرندے ہی باغات سے

ہیں خیالات میرے بہت خوش نما

مختلف ہیں مگر میرے حالات سے

وہ بلا کا سخن فہم ہوتے ہوئے

کتنا غافل رہا میری ہر بات سے

دھوپ کا ذکر اس میں سمائے کہاں

جو کہانی ہے منسوب برسات سے

سید الطاف بخاری