گر چاہتے ہو فرش سے افلاک پہ رکھو
اک بار مجھے پھر سے ذرا چاک پہ رکھو
اک برف کی سِل قلبِ پریشاں پہ اتارو
اک دشت مِرے دیدۂ نمناک پہ رکھو
تم رمزِ شہادت کے معانی نہیں سمجھے
سر نوک کی سدرہ پہ، بدن خاک پہ رکھو
لازم ہے کہ چابک سے تراشو مِرا پیکر
واجب ہے کہ تم ترش روی ناک پہ رکھو
پھر پشت پہ ہر خواب کی، زنجیر زنی ہو
جب شامِ غریباں مِری پوشاک پہ رکھو
یوں قیس کے رتبے کی خبر ہونی ہے راہب
صحرا کو اگر شانۂ تیراک پہ رکھو
عمران راہب
No comments:
Post a Comment