لگا لیتے ہیں سینے سے اجازت کی طرح تم کو
محبت کی ہے ہم نے تو محبت کی طرح تم کو
ہمیشہ ہم نے دیکھا ہے تقدس کی نگاہوں سے
ہمیشہ ہم نے سوچا ہے عبادت کی طرح تم کو
مرے سینے پہ جس لمحے کبھی روئے ہو سر رکھ کر
اسی لمحے میں پایا سخاوت کی طرح تم کو
جسے روشن ستارہ تم سمجھے تھے محبت کا
وہی اک روز لے ڈوبا جہالت کی طرح تم کو
مرے دل سے نکل کر اور بھی رُسوا ہوئے ہو تم
کہ دنیا یاد رکھے گی عداوت کی طرح تم کو
تمہیں معلوم ہے جاناں کہ تم جس دن سے بچھڑے ہو
بہت سوچا ہے ہم نے پر امانت کی طرح تم کو
تمہیں کھو کر زمانے کی امامت مل گئی دل کو
عزیز جان رکھا ہے شریعت کی طرح تم کو
عرفان شاہد
No comments:
Post a Comment