وطن کے لیے
یہ ارض وطن میری تمناؤں کا گھر ہے
یہ پاک زمین دشت میں خوشبو کا سفر ہے
اقبال کے خوابوں کی ہے تعبیر یہ دھرتی
قائد کی مِرے، جہدِ مسلسل کا اجر ہے
تاریخ کی سب سے بڑی ہجرت کا صِلہ ہے
شہداء کی یہ قربانیوں، جانوں کا ثمر ہے
اس مُلکِ خُدا داد کا رمضان میں بننا
سجدوں کا، مناجات، دُعاؤں کا اثر ہے
مت اس کو نفاق اور تعصب کی نذر کر
پہچان ہے اپنی تبھی، یہ مُلک اگر ہے
طاہر شہیر
No comments:
Post a Comment