کرم یہ رحمت رب الانام کر دینا

 عارفانہ کلام حمد نعت منقبت

کرم یہ رحمتِ ربّ الانام کر دینا

عطائے جلوۂ دارالسّلام کر دینا

پیامِ اذنِ حضوری مجھے ملے جس دم

زباں پہ جاری محمدﷺ کا نام کر دینا

نہ لُوں میں دولتِ کونین آپؐ کے بدلے

تو روزِ حشر، شفاعت امام کر دینا

عشق کو اپنے لیے سمجھا اثاثہ دل کا

 عشق کو اپنے لیے سمجھا اثاثہ دل کا

اور اس دل نے بنا ڈالا تماشا دل کا

بعد تیرے کوئی نظروں میں سمایا ہی نہیں

اب صدا دیتا نہیں خالی یہ کاسہ دل کا

ایک طوفان ہے روکے سے نہیں جو رکتا

موج نے توڑ دیا ہو نہ کنارا دل کا

وہ سامنے ہوں مرے اور نظر جھکی نہ رہے

 وہ سامنے ہوں مِرے اور نظر جھکی نہ رہے

متاعِ زیست لٹا کر کوئی کمی نہ رہے

دِیے جلائے ہیں میں نے کھلے دریچوں پر

اے تند و تیز ہوا! تجھ کو برہمی نہ رہے

بتاؤ، ایسا بھی منظر نظر سے گزرا ہے

چراغ جلتے رہیں، اور روشنی نہ رہے

راز کھولیں نہ اس کا سنیں بارشیں

چشمِ نم، آگہی، چاہتیں، بارشیں

دوریاں، حسرتیں، قربتیں، بارشیں

ٹوٹے یہ خامشی، کوئی ہلچل مچا

ہلکی رم جھم سی ہے کب ہوئیں بارشیں

نغمہ زن ہے فضا رقص میں ہے ہوا

میگھ ملہار گاتی پھریں بارشیں

حرص و ہوس کے آگے نہ کچھ بھی دکھائی دے

حرص و ہوس کے آگے نہ کچھ بھی دکھائی دے

انسان اپنے قد سے بھی چھوٹا دکھائی دے

اپنے دلوں کا کھوٹ کوئی عیب تو نہیں

سکہ پرایا ہو، تو وہ کھوٹا دکھائی دے

کوئی تو ایسا شخص دکھاؤ ذرا مجھے

انسانیت کا بوجھ جو ڈھوتا دکھائی دے

لکھا عرش بریں پر ہے محمد مصطفٰی کا نام

عارفانہ کلام حمد نعت منقبت سلام

ہدیۂ نعت بحضور سرورِ کائناتﷺ

لکھا عرشِ بریں پر ہے محمد مصطفٰیﷺ کا نام

خدا نے آپ رکھا ہے مِرے صلِ علیﷺ کا نام

انہی کے دم سے روشن ہو گیا کعبہ و بت خانہ

انہی کے دم سے روشن تا ابد غارِ حرا کا نام

ہے کتنی چاشنی اس نام میں کہ چوم لیتے ہیں

سجا رکھا ہے ہم نے دل میں یہ اعلی و ارفع نام

اب عشق تماشا ہے بنا عشق مسلسل

اب عشق تماشا ہے بنا عشقِ مسلسل

ہے عشق کے دِیوے کی ضیا عشقِ مسلسل

میرے ادھورے خواب ہیں دیوار پہ تصویر

جذب و حروف کی ہے عطا عشقِ مسلسل 

اپنی تلاش کر کے مِلا جادۂ عرفاں

پھر نورِ کل نے دی ہے جزا عشقِ مسلسل 

میں کھو گئی ہوں مگر اب گمان بولے گا

میں کھو گئی ہوں مگر اب گمان بولے گا

مکیں بغیر یہ خالی مکان بولے گا

یہ خامشی تو مِری ذات کا حوالہ ہے

میں گم ہوں عشق میں میرا گیان بولے گا

تمازتوں سے بچاتا جو ماں ہے ممتا ہے

یقیں دلانے کو ہر سائبان بولے گا

تھے عجیب میرے بھی فیصلے میں کڑی کماں سے گزر گئی

تھے عجیب میرے بھی فیصلے، میں کڑی کماں سے گزر گئی

رہے فاصلے میرے منتظر، میں تو جسم و جاں سے گزر گئی

مجھے راستوں کی خبر نہ تھی، اڑی راکھ میرے وجود کی

میں تلاش کرتی ہوئی تجھے، تیرے لا مکاں سے گزر گئی

تھیں طویل اتنی مسافتیں، کوئی ساتھ میرا نہ دے سکا

وہ یقیں کی حد پہ ٹھہر گیا، میں ہر اک مکاں سے گزر گئی

کانچ کا شہر ہے اور لوگ ہیں پتھر سارے

کانچ کا شہر ہے اور لوگ ہیں پتھر سارے

ہاتھ میں تیشہ لیے پھرتے ہیں رہبر سارے

چشم پوشی کا سلیقہ ہی سکھا دے مجھ کو

زخمی کر دیتے ہیں احساس کے نشتر سارے

عہدِ رفتہ کی اسیری سے رہائی دے مجھے

یا بدل ڈال میری سوچ کے محور سارے

غبارِ راہ بنی میں رہ غبار میں ہوں

غبارِ راہ بنی میں رہِ غبار میں ہوں
نہ جانے کون ہے میں جسکے انتظار میں ہوں
وہ مجھ سے ملنے پلٹ کر ضرور آئے گا
بہت زمانے سے امید کے حصار میں ہوں
یہ جبر و قدر کا چکر ازل سے چلتا ہے
کبھی یہ سوچا نہیں کس کے اختیار میں ہوں

وہ سامنے ہوں مرے اور نظر جھکی نہ رہے

 وہ سامنے ہوں مِرے اور نظر جھکی نہ رہے

متاع زیست لٹا کر کوئی کمی نہ رہے

دئیے جلائے ہیں میں نے کھلے دریچوں پر

اے تند و تیز ہوا! تجھ کو برہمی نہ رہے

بتاؤ ایسا بھی منظر نظر سے گزرا ہے

چراغ جلتے رہیں اور روشنی نہ رہے

بکھر کے ٹوٹنے والے صدا نہیں کرتے

بِکھر کے ٹوٹنے والے صدا نہیں کرتے
کوئی بھی کام خلافِ انا نہیں کرتے
شجر پہ بیٹھے ہوئے پنچھیوں سے بات کرو
فضا میں اڑتے پرندے سنا نہیں کرتے
گہر شناس ہیں طوفاں کے ساتھ رہتے ہیں
سمندروں سے عداوت کِیا نہیں کرتے

سائے پھیل جاتے ہیں درد رت کے ڈھلنے سے

سائے پھیل جاتے ہیں درد رُت کے ڈھلنے سے
چہرہ کس کا بدلا ہے؟، آئینے بدلنے سے
جنگلوں کے سناٹے رُوح میں اترتے ہیں
خواہشوں کے موسم میں پافگار چلنے سے
خواب پھر سے جاگے ہیں نیم خواب آنکھوں میں
گھنٹیاں سی بجتی ہیں آرزو بدلنے سے

ہم خاک با سر ریت کے صحرا میں کھڑے ہیں

ہم خاک با سر ریت کے صحرا میں کھڑے ہیں
پیاسے ہیں مگر اپنے اصولوں پہ اَڑے ہیں
لے جائے کہیں بھی ہمیں سیلابِ محبت
ہم کب کسی طُوفان کے ریلوں سے ڈرے ہیں
ہم نے بھی کفن باندھ لیے اپنے سروں پر
سب تیر بھی اپنی کمانوں میں پڑے ہیں

کوئی بھی حرف دعا اب اثر نہیں رکھتا

کوئی بھی حرفِ دُعا اب اثر نہیں رکھتا
میرا خُدا بھی تو مُجھ پر نظر نہیں رکھتا
ہوا کو کس لئے بے چِہرگی کا صدمہ ہے
یہاں تو کوئی بھی شانوں پہ سر نہیں رکھتا
وہ دشتِ خواب ہو ویرانہ ہو کہ صحرا ہو
جنوں کی راہ میں حدِ سفر نہیں رکھتا