پوچھ مت کتنی پریشانی ہوا کرتی ہے

 پوچھ مت کتنی پریشانی ہُوا کرتی ہے

جب بھرے شہر میں ویرانی ہوا کرتی ہے

تیرے سینے سے لگا ہوں تو کھُلا ہے مجھ پر

سانس لینے میں بھی آسانی ہوا کرتی ہے

چند اک پھول ہی ہوتے ہیں بھرے گلشن میں

جن کے جھڑنے پہ پشیمانی ہوا کرتی ہے

میری مٹھی میں ٹوٹے ہوئے خوابوں کی کرچیاں ہیں

 کرچیاں

مجھے ساتھ چلنے کا کہتے رہو

چل پڑوں گا

مگر اک حقیقت دھیاں میں رہے

ہمسفر، زادِ رہ کی ضرورت تو ہو گی

مگر میری مٹھی میں

یوں تری راہ میں بے کار پڑے رہتے ہیں

 یوں تری راہ میں بے کار پڑے رہتے ہیں

جیسے روندے ہوئے اخبار پڑے رہتے ہیں

نیند آنکھوں سے کئی کوس پرے رہتی ہے

سامنے خوابوں کے انبار پڑے رہتے ہیں

ہم کو معلوم ہوا ہے کہ تِری چوکھٹ سے

ہم جو اُٹھے ہیں تو اغیار پڑے رہتے ہیں

رویا کرو کہ رونے سے بڑھتی ہے عمر اور

 رویا کرو کہ رونے سے بڑھتی ہے عمر اور

اندر کے داغ دھونے سے بڑھتی ہے عمر اور

مت دوریاں بڑھا کہ تجھے علم خوب ہے

اک تیرے پاس ہونے سے بڑھتی ہے عمر اور

یہ سوچ کر ہی جاگتا رہتا ہوں رات بھر

میں نے سنا ہے سونے سے بڑھتی ہے عمر اور

تو جو آیا تو لگا تھا کہ سہارا بنے گا

 تُو جو آیا تو لگا تھا کہ سہارا بنے گا

کیا خبر تھی کہ وہی روگ دوبارہ بنے گا

میں نے اے شخص تِری چاہ میں جلدی کی تھی

دل تو پہلے سے یہ کہتا تھا خسارا بنے گا

خار بن کر مِری آنکھوں میں جو چُبھتا ہے وہ اشک

تیری پلکوں سے گرے گا تو ستارا بنے گا

مسکراتا تھا میں جب کوئی بھنور آتا تھا

 مسکراتا تھا میں جب کوئی بھنور آتا تھا

تیرنے کا مجھے ایسا بھی ہُنر آتا تھا

وقت نے دُھند سی بھر دی ہے مِری آنکھوں میں

پہلے پہلے تو بہت صاف نظر آتا تھا

نام لیتا تھا میں اُس شخص کا تاریکی میں

اور سُورج مِرے پہلو میں اتر آتا تھا

ہوا سے دست و گریباں ہوا تو بھید کھلا

 ہوا سے دست و گریباں ہوا تو بھید کھُلا

میں خود دیے کی جگہ پر جلا تو بھید کھلا

ہم اپنے نقش بھی کھو بیٹھے اس حسیں کیلئے

ہمارے ہاتھ لگا آئینہ تو بھید کھلا

مجھے خبر ہی نہ تھی غم بھی ہیں زمانے میں

جب آسماں مِرے سر پر گرا تو بھید کھلا

عین ممکن ہے یہ دنیا تجھے شہکار لگے

 عین ممکن ہے یہ دنیا تجھے شہکار لگے

اس کی تعمیر میں ہم جیسے گنہگار لگے

دیکھنے میں تو بہت پھول تھے اس ٹہنی پر

چھو کے دیکھا تو سبھی پھول ہمیں خار لگے

میں نے تو زخم خریدے ہیں نہ بیچے ہیں کبھی

پھر بھی یہ دل کہ کوئی درد کا بازار لگے

ہوا سے کیسے کہوں کیا ملا بجھانے سے

ہوا سے کیسے کہوں کیا ملا بجھانے سے

میں تھک گیا ہوں دِیے پر دِیا جلانے سے

اسے پکار مِرے دل کہ جس نے پچھلے برس

کِیا تھا ترکِ تعلق کسی بہانے سے

تُو سوچ خود کہ جو ترکش پہ آن بیٹھا ہے

وہ بچ سکے گا کہاں تک ترے نشانے سے

تھا مان بہت جس پہ جدائی نہیں دیتا

 تھا مان بہت جس پہ جدائی نہیں دیتا

اب ڈھونڈ رہا ہوں تو دکھائی نہیں دیتا

تُو قد میں بڑا ہے سو مجھے چیخنا ہو گا

کہتے ہیں بلندی پہ سنائی نہیں دیتا

پر کاٹ کے وہ بابِ قفس کھول رہا ہے

ایسا بھی نہیں ہے کہ رہائی نہیں دیتا

یہ چند لوگ ہمارے ہیں سب ہمارے نہیں

 یہ چند لوگ ہمارے ہیں، سب ہمارے نہیں

چمک رہے ہیں جو سارے سبھی ستارے نہیں

نجانے جلتے ہیں کیوں ہم سے یہ جہاں والے

ہمارے پاس تو اشعار ہیں، شرارے نہیں

وہ مسکراتا ہے اس واسطے تواتر سے

کہ اس نے میری طرح دن ابھی گزارے نہیں

آنکھ کے دشت میں پھیلی ہوئی وحشت کا جواز

 آنکھ کے دشت میں پھیلی ہوئی وحشت کا جواز

ڈھونڈتا پھرتا ہوں میں تجھ سے محبت کا جواز

میں نے کب شوق سے چھوڑا ہے تِرا شہرِ جمال

خود بخود بنتا گیا تُو مِری ہجرت کا جواز

ضبط کرنا مِرا شیوہ تھا مگر آخرِ کار

آنکھ نے ڈھونڈ لیا دل سے بغاوت کا جواز

میں وہ دریا ہوں جو کوزے میں اتارا ہوا ہوں

کھِل سکا ہوں نہ کسی آنکھ کا تارا ہوا ہوں

کیا کہوں پھینکا گیا ہوں، کہ اتارا ہوا ہوں

وہ بھی میں تھا جسے پلکوں پہ بٹھایا تُو نے

یہ بھی میں ہوں جو تِرے ہجر کا مارا ہوآ ہوں

وہ جو اب میرے خد و خال پہ ہنستا ہے بہت

میں اسی شخص کے ہاتھوں سے سنوارا ہوا ہوں

میں مطمئن نہ ہوا تجھ کو غم سنا کے بھی

میں مطمئن نہ ہوا تجھ کو غم سنا کے بھی

اندھیرا اور بڑھا ہے دیا جلا کے بھی

قبول کرتے ہوئے دل تڑپنے لگتا ہے

عجیب ہوتے ہیں کچھ فیصلے خدا کے بھی

وہ آسمان مِری دسترس میں کیا آتا

ہزار کوششیں کیں ایڑیاں اٹھا کے بھی

بس آنکھ لایا ہوں اور وہ بھی تر نہیں لایا

بس آنکھ لایا ہوں اور وہ بھی تر نہیں لایا
حوالہ دھیان کا میں معتبر نہیں لایا
سوائے اس کے تعارف کوئی نہیں میرا
میں وہ پرندہ ہوں جو اپنے پر نہیں لایا
 مجھے اکیلا حدِ وقت سے گزرنا ہے
میں اپنے ساتھ کوئی ہمسفر نہیں لایا

کبھی تو سانس تری یاد سے جدا نکلے

کبھی تو سانس تِری یاد سے جدا نکلے

ہماری شب کے مقدر سے رتجگا نکلے

عجب نہیں کہ مِرے بعد میرا کُل ترکہ

ہرا بھرا سا بس اک زخم اور دِیا نکلے

بھنور نے گھیر لیا ہے، سو بچ نہ پاؤں گا

یہ عشق کھیل نہیں ہے کہ راستہ نکلے