رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
نہ ارماں لے کے آیا ہوں نہ حسرت لے کے آیا ہوں
دل بے تاب میں تیری محبت لے کے آیا ہوں
نگاہوں میں ترے جلووں کی کثرت لے کے آیا ہوں
یہ عالم ہے کہ اک دنیائے حیرت لے کے آیا ہوں
لبوں پر خامشی آنکھوں میں آنسو دل میں بے تابی
میں ان کی بزم عشرت سے قیامت لے کے آیا ہوں
حسن مائل بہ ستم ہو تو غزل ہوتی ہے
عشق بادیدۂ نم ہو تو غزل ہوتی ہے
پھول برسائیں کہ وہ ہنس کے گرائیں بجلی
کوئی بھی خاص کرم ہو تو غزل ہوتی ہے
کبھی دنیا ہو کبھی تم کبھی تقدیر خلاف
روز اک تازہ ستم ہو تو غزل ہوتی ہے
کسی کے عشق میں یہ حال زار رہتا ہے
سکون پا کے بھی دل بے قرار رہتا ہے
وہ مے کدہ میں بہت با وقار رہتا ہے
جو بے خودی میں بھی کچھ ہوشیار رہتا ہے
مجھے بہار گلستاں پہ ناز ہو کیوں کر
مری نظر میں مآل بہار رہتا ہے
مانوس ہو چکے ہیں تِرے آستاں سے ہم
اب زندگی بدل کے اٹھیں گے یہاں سے ہم
تنہائیاں دلوں کی بھلا کس طرح مٹیں
کچھ اجنبی سے آپ ہیں کچھ بدگماں سے ہم
اب عالمِ سکوت ہی رودادِ عشق ہے
کچھ عرض حال کر نہیں سکتے زباں سے ہم
تنہائی کے لمحات کا احساس ہوا ہے
جب تاروں بھری رات کا احساس ہوا ہے
کچھ خود بھی ہوں میں عشق میں افسردہ و غمگیں
کچھ تلخئ حالات کا احساس ہوا ہے
کیا دیکھیے ان تیرہ نصیبوں کا ہو انجام
دن میں بھی جنہیں رات کا احساس ہوا ہے
