ساحل پہ لائی اور سفینے ڈبو دئیے

 ساحل پہ لائی، اور سفینے ڈبو دئیے

یوں زندگی نے ہم کو ہنسایا کہ رو دئیے

اہل چمن نے جشن بہاراں کے نام سے

وہ داستاں سنائی کہ دامن بھگو دئیے

ضبط غم فراق کی مجبوریاں نہ پوچھ

دل میں کسی کا نام لیا، اور رو دئیے

ہر شے تجھی کو سامنے لائے تو کیا کروں

 ہر شے تجھی کو سامنے لائے تو کیا کروں

ہر شے میں تو ہی تو نظر آئے تو کیا کروں

تھم تھم کے آنکھ اشک بہائے تو کیا کروں

رہ رہ کے تیری یاد ستائے تو کیا کروں

یہ تو بتاتے جاؤ اگر جا رہے ہو تم

مجھ کو تمہاری یاد ستائے تو کیا کروں

آج جینے کی کچھ امید نظر آئی ہے

 آج جینے کی کچھ امید نظر آئی ہے

مدتوں بعد تِری راہ گزر آئی ہے

زندگی کا کوئی احساس ہی باقی نہ رہا

زندگی لے کے مجھے آج کدھر آئی ہے

آپ دیکھیں تو ذرا خونِ تمنا کی بہار

کتنی سرخی مِری آنکھوں میں اتر آئی ہے

باخدا اب تو مجھے کوئی تمنا ہی نہیں

 باخدا اب تو مجھے کوئی تمنا ہی نہیں

پھر یہ کیا بات ہے یہ دل کہیں لگتا ہی نہیں

صرف چہرہ کی اداسی سے بھر آئے آنسو

دل کا عالم تو ابھی آپ نے دیکھا ہی نہیں

وہ کرم کرتے ہیں یا ہم پہ ستم کرتے ہیں

اس نظر سے انہیں ہم نے کبھی دیکھا ہی نہیں

ترے اہل درد کے روز و شب اسی کشمکش میں گزر گئے

 ترے اہل درد کے روز و شب اسی کشمکش میں گزر گئے

کبھی غم میں ڈوب کے رہ گئے کبھی ڈوبتے ہی ابھر گئے

یہ مقام عشق ہے کون سا نہ شکایتیں ہیں نہ شکریہ

جو ترے ستم پہ نثار تھے وہ ترے کرم سے بھی ڈر گئے

سر راہ دیر و حرم کہیں جو ملے بھی ہوں تو عجب نہیں

ہمیں کیا خبر تری جستجو میں کہاں کہاں سے گزر گئے

دل لگانے کی کسی سے وہ سزا پائی کہ بس

دل لگانے کی کسی سے وہ سزا پائی کہ بس

ایسی ایسی عشق میں اس دل پہ بن آئی کہ بس

کیا خبر کعبہ تھا بت خانہ تھا یا تھا کوئے دوست

چلتے، چلتے، دفعتاً مجھ کو نِدا آئی کہ بس

اب تو سب کہنے لگے 'دیوانہ دیوانہ' مجھے

اور ہے منظور تم کو اپنی رسوائی کہ بس

سخت ہے عشق کی رہ گزر

سخت ہے عشق کی رہگزر

چلنے والے! ذرا دیکھ کر

تجھ سے بڑھ کر حسیں کون ہے

کس کو دیکھوں تجھے دیکھ کر

راہزن،۔ رہنما،۔ ہمسفر

الحفیظ،۔ الاماں،۔ الحذر

پیتے ہیں اور تیرے کرم پر نگاہ ہے

پیتے ہیں اور تیرے کرم پر نگاہ ہے

کس درجہ مۓ کشوں کو شعورِ گناہ ہے

ساقی ہے جام و بادہ ہے اور ابرِ سیاہ ہے

ایسے میں اب گناہ نہ کرنا گناہ ہے

توبہ کے بعد سوچ رہا ہوں یہ بار بار

پینا گناہ تھا کہ نہ پینا گناہ ہے

بخدا اب تو مجھے کوئی تمنا ہی نہیں

بخدا اب تو مجھے کوئی تمنا ہی نہیں 

پھر یہ کیا بات ہے یہ دل کہیں لگتا ہی نہیں 

صرف چہرے کی اداسی سے بھر آئے آنسو 

دل کا عالم تو ابھی آپ نے دیکھا ہی نہیں 

وہ کرم کرتے ہیں یا ہم پہ ستم کرتے ہیں 

اس نظر سے کبھی ہم نے انہیں دیکھا ہی نہیں 

کعبے سے بت کدے سے کبھی بزم یار سے

کعبے سے بتکدے سے کبھی بزمِ یار سے

آواز دے رہا ہوں تجھے ہر مقام سے

نا آشنا ہے آج وہی میرے نام سے

دنیا پکارتی تھی جنہیں میرے نام سے

اف یہ شبِ فِراق کے ماروں کی بےخودی

خود ہی بجھا دیا ہے چراغوں کو شام سے

یوں برہمی کا ہے انداز التفات کے بعد

یوں برہمی کا ہے انداز التفات کے بعد

کہ جیسے موت کا پیغام ہو حیات کے بعد

یہ کفر و دِیں کا فسانہ، یہ ذکرِ دَیر و حرم

عزیز ہیں، مگر ان کی توجہات کے بعد

دبائے اشکِ الم، دل میں پاسِ ضبطِ فغاں

جو ہم ہنسے بھی تو کتنی تکلفات کے بعد

رحم اے غم جاناں بات آ گئی یاں تک

رحم اے غمِ جاناں بات آ گئی یاں تک

دستِ گردشِ دوراں اور مِرے گریباں تک

کون سر بکف ہو گا، جشنِ دار کیا ہو گا

ذوقِ سر فروشی ہے ایک دشمنِ جاں تک

ہم صفیر پھر کوئی حادثہ ہوا شاید

اک عجب اداسی ہے گلستاں سے زنداں تھ

ہمارے ساتھ یہ ہمدم تمام عمر رہا

ہمارے ساتھ یہ ہمدم تمام عمر رہا

کوئی رہا نہ رہا، غم تمام عمر رہا

وہ ایک لمحہ کہ جس میں ملی تھی ان سے نظر

اس ایک لمحے کا عالم تمام عمر رہا

نجانے کون سی لغزش ہوئی جوانی میں

نظام زیست کا برہم تمام عمر رہا

نہ پوچھ کب سے یہ دم گھٹ رہا ہے سینے میں

نہ پوچھ کب سے یہ دم گھٹ رہا ہے سینے میں

کہ موت کا سا مزا آ رہا ہے جینے میں

نجانے کیوں یہ تلاطم ڈبو نہیں دیتا

کہ ناخدا بھی نہیں اب مِرے سفینے میں

قدم قدم پہ بچایا ہے ٹھوکروں سے مگر

خراش آ ہی گئی دل کے آبگینے میں

یہ اہل دل کے جو چہروں پہ نور ہوتا ہے

یہ اہلِ دل کے جو چہروں پہ نور ہوتا ہے

کوئی ملال، کوئی غم ضرور ہوتا ہے

جو بار بار یہ دل ناصبور ہوتا ہے

ادھر سے کوئی اشارہ ضرور ہوتا ہے

تمام عمر کا صبر و قرار اس پہ نثار

وہ اس طرح جو تِرے حضور ہوتا ہے

ہزار اہلِ جنوں حلقہ رسن میں رہے

ہزار اہلِ جنوں حلقۂ رسن میں رہے

مگر خیالِ پرستارئ چمن میں رہے

تِرے خیال کے احساں رہیں گے یاد ہمیں

جس انجمن میں رہے تیری انجمن میں رہے

گیا نہ قیدِ قفس میں بھی بانکپن اپنا

اسی طرح سے رہے جس طرح چمن میں رہے