نہ پوچھ کب سے یہ دم گھٹ رہا ہے سینے میں

نہ پوچھ کب سے یہ دم گھٹ رہا ہے سینے میں

کہ موت کا سا مزا آ رہا ہے جینے میں

نجانے کیوں یہ تلاطم ڈبو نہیں دیتا

کہ ناخدا بھی نہیں اب مِرے سفینے میں

قدم قدم پہ بچایا ہے ٹھوکروں سے مگر

خراش آ ہی گئی دل کے آبگینے میں

مہک رہی ہے صبا صبح سے نجانے کیوں

نہا کے آئی ہے شاید تِرے پسینے میں

شمیمؔ ساحل و کشتی سے کچھ امید نہ رکھ

کوئی وقار نہیں اس طرح سے جینے میں

شمیم جے پوری